والله كنك تقرين افكاري ياعيون الحور لأن نفس الشيء صارلي (داخله الموضوع لأنه لس صاير لي)

ارجو من جميع الاخوات المتزوج عليها زوجها وخصوصا الاخت هدوء المساء الله يجزاها خير أن يفسحولي شوي لأني صافه معكم بعد العيد لأن زوجي بيدخل على زوجته الثانيه في العيد اذا سمحتو وشكرا

انا بصراحة كل الاسباب الي قالت عليها الدكتوره الا خلك على قردك وانا يوم تزوج خلاص قررت اني اتطلق وكنت زعلانه عند اهلي اسبوعين بعد ماملك عليها كنت في بيتي ماطلعت المصيبه كان يبي ينام معي ورفضت بشده قام ضربني الله لايوريكم جسمي زرق ورجولي اول مره يسويها معي شلح ملابسي وقال بضربك في مكان محد يقدر يشوفه انا ماني مصدقه ان هذا زوجي حاسه انه مو طبيعي شاف نفسه والله من حر مافيني دعيت عليه انهم يكتشفوا انه سافر خارج المملكه وهو عسكري انا كنت معاه استنيت لليل اذا حس بغلطته مافيه فايده لاحسه عقله اليوم الثاني قلت بروح لاهلي هو عباله بسكت من يوم ماوصلت لاهلي قمت اصيح لدرجة اني وريت ابوي الضرب ابوي تعاطف معي وقلت انا بشكيه والله سمع كلامي اخذت تقرير من المستشفى وكنت ناويه اوصل الموضوع للمحكمه انا صبرت وهذا جزائي توفى واحد من الجماعه وتاجل الموضوع والله كل ماصليت اتذكر اولادي كيف يعيشوا من غيري راح يتبهذلوا خلوني انا الي اتبهذل واشرب المر عشانهم والله اسبوعين ورجع يبيني ورحت انا ادري انه يموت فيني والا اشكيه عالشرطه ويرجعني بفتره وجيزه ضرتي توقت طلاقي لكن الله خيب املها وابوي الان مريض بالجلطه الله يشفيه وتخيلوا بعد سنتين من زواجه قال لي الحقي هيئة التحقيق عرفوا اني سافرت خارج المملكه وبسرعه اتذكر دعوتي وقلت الله استجاب الدعوه قال تدعي علي قلت لالالالالالالالالالالا اعوذ بالله ادعي على ابو عيالي امزح معك انا الحمدلله الان تاقلمت مع حياتي الجديده وتعايشت معها واشعر باستمتاع لكن انقهر من الظلم ويوم يكون فيه مناسبه عند اهل زوجي ماااتروح ضرتي ابدااااااااا مادري ايش السبب الحمدلله انا واثقه من نفسي كثير واطلع الا بالشكل الرائع اذا ماقدرت ماروح والطلالالالالالالالاق ابغض الحلال وبالفعل انا عندي يتزوج علي ولا اعيش مطلقه هذي وجهة نظري والمال زينة الحياه زوجي يقول انتي لو توظفتي مااجلس عنده دقيقه هذي توقعاته يمكن حاس اني صابره عليه ولما يصير معي فلوس استغني عنه

ياختي وش ذالكلام الي تقولينه
انتي وش يعرفك بالاسرار
اذا كان الموضوع موضوع تنجيم فحنا منه براء
من يعرف الغيب غير الله
اختي انا اسفة لا تزعلين من كلامي لكن انا ماني فاهمة وش تقصدين وليش تبين تواريخ ميلادنا
اذا الميلاد له دخل بالضروف هذي فهو مكتوب من رب العالمين ونحن نقول الحمد لله على قضاء الله وقدره وراضين به

انا صراحة مابي استمر معك في هذا الشي لان قلبي ماهو مطمني عن هذا الشي اخاف ادخل في الشرك او الحرم ومهما كان هذا شبهة والرسول عليه السلام قال اجتنبو الشبهات
الا اذا انتي تقدرين تبررين لي هذا الشي وتقنعيني به وبصحة جوازة شرعا
وحنا ابتلينا لكن ان شا الله ماتكون هذي البلوا في ديننا وحتى لو ظلمونا ازواجنا او ماعدلوا او فضلو الثانيات علينا مانبي غير الحلال والي يثبتنا مع ربنا
وياليت تردين علي باسرع وقت



الاخوات الي دعوا لي الله يجزاكن خير كل وحدة باسمها


اختي ام عبد الله روما او ريم
عليك بالصبر والاحتساب وهونيها وهي تهون وانا اختك

الدلوعة الي ضلمها حبيبها ههههههههههه ( ظلمني حبيبي)
والله انك بنعمة مااحد لقيها غيرك لكن الزمي بيتك وارضي زوجك وطيبي خاطره بلا دلع

رايقة
اذا زواج زوجك متوقف على موافقتك اقلك بالفم المليان لاااااااااااااااااااا توافقي اما اذا تزوج وانتي منتي موافقة فارضي بالي ربي كتبه عليك والزمي بيتك واصبري
لاني جربت ورضيت بزواج زوجي وندمت


العيون الحور
العزوة زينه قدام الزوج وقدام الناس الباقين لكن مو شرط وفات الاب او الاخ
والرجال مايعبر ولا يحسب حساب الا الي وراها عزوة
مابي اقول اكثر من كذا لاني لو قلت شي ثاني ببقا اصيح لاخر الليل





يارزة يالي مثل الوزة :hahaha:
حياك الله نيابة عن اختي هدؤء المسا وحياك الله في طابورنا
وخليك مرة سنعة واستفيدي من تجاربنا من بدري

واضح من الدكتوره الحكيمه اي احد يسأل عن تاريخ الميلاد فالله اعلم انه منجم او يدعي علم الغيب حنا فاهمين وثاني وحده بعد اختي المنتظره ارفض ذلك واكيد انك خليتي الموضوع بعد رمضان لاسباب انتي تعرفينها ونحن نعرفها حنا بأذن المولى عز وجل راضيات محتسبات الاجر والحمدلله سعيدات مو شرط مو متزوج وبتشقق من السعاده والمطلقه الله يكون في عونها اكيد تتعذب لفراق ابنائها او؟؟؟؟؟ الله العالم حنا نسولف مع بعض ونحكي الي صار كل وحده فينا تتجنب اخطاء الثانيات ونصبر بعضنا لكن الحمدلله بقضاءه وقدره وانا ارفض فكرتك الف مره وماهعطيك تاريخ ميلادي ولكن جاوبت على اسئلتك فقط الله يهديك