بنات ماعندي شي أقوله إلا........
الله يسخر لكم أزواجكم ..ويردهم اليكم ردا جميلا
ويجعلكم قرة عين لازواجكم ويجعل ازواجكم قرة عين لكم..آآآآآآآآآآآآآمين

اختي قطرات المسك
انتي المسك كله
الله يجزاك خير على ثنائك علي وان شا الله يجعل ربي سريرتنا افضل من علانيتنا
الله يجعل مابيني وبين ربي خير من مابيني وبين عباده


اختي هدؤ المسا
ما شا الله رجع للملف نوره بوجودك وردودك على طالبتك قصدي المشاركات
كلامك عن استعدادات العيد عجبني
وانا مثل ماذكرت سابقا
جبت السودانية وشالت لي بالحلاوة وشلت شعر وجهي بالفتلة وحطيت خلطات كلمة روعة قليلها فيها
اما الحنا ما تحنيت مع العلم اني احبه بيدين الناس
وملابسي خلصت منها وجهزتها مثل ماقلتي باكسسواراتها وكذلك المكياج
لكن والله ان كلها من عندي وضرتي اشوفها تدهر على حالها وماالومها كل وحدة تبي تكون احسن واحسن
وبيتي نظفته ونظفت الشبابيك والجدران واشتريت له اشياء والليلة اذا ثبت العيد احطها ان شا الله
غرفة نومي اشتريت لها مفرش جديد وبخور خاص مع المعطر عملته لي صديقة لي دوسرية يجنن صراحة ومميز
و الليلة راح ارتب غرفتي باذن الله
وسلامتكم وكل عام وانتم بخير

يالله البنات الباقيات يقلون لنا وش جهزوا للعيد

مرحبا يا احلى زوجات
ممكن تقبلوني بينكم انا زوجة ثانية << بسبب هالزمن اللي ما يرحم
عمري ما فكرت اكون زوجة ثانية وطول عمري كنت اكره الزوجة الثانية لاني شفت خالتي وهي تعاني مع ضرتها وزوجها ما يعدل ابدا ابدا والمسكينة صابرة صار لها سنين والحين تعاني من الأمراض المسكينة ولا رحمتها لا ضرة ولا زوج.
والله الزمن جبرني للاسف اني اكون زوجة ثانية والحمد لله على كل حال
بس انا اللي مهون علي اني انا من بلد وزوجي من بلد ثاني وطبعا زوجته ما شافتني بس انا شفت صورتها.
طبعا انا عارفة نفسي مستحيل اكيد لها ولا أجي صوبها لاني خايفة ربي قبل كل شي
واللي ذابحني ان زوجي الحين يبيني اروح اسكن بنفس بلده بس طبعا في بيت مستقل بروحي بس خايفة ومترددة.

انا اهني كل زوجة أولى على صبرها ولا تنكسرون يا أروع زوجات واهتموا بنفسكم وصحتكم وعيالكم واللي ما عندها الله يرزقها بالذرية الصالحة إن شاء الله اللي تفرح قلبها وتملي عليها دنيتها.

بالنسبة لأسئلة الزوجة الرائعة منتظرة والأمل بالله
س/1 هل تغار الزوجة الثانية من الاولى وش سبب الغيرة وهذا مهم جدا جدا جدا
ما اغار منها ابد لاني ما شفتها ولا أدري شيصير بينهم لاني ما اتدخل في حياتهم ولا اسأل عن شي بالمرة


س/2 هل تعتقد الزوجة الثانية ان الزوج مفضلها على الزوجة الاولى لانها الاخيرة الي اختارها
بصراحة احس هالشي بهالفترة يمكن لاني توني متزوجة واتوقع هالشي راح يزول بعد مرور الوقت


س/3 هل تندم الزوجة الثانية اذا لاحظت زوجها يقدر زوجته اولالى ويلبي لها طلباتها ويهتم بها هل تندم على زواجه منهابالعكس ما اندم ولا شي وهالشي يدل على أصله ومدى تقديره للعشرة


4/ هل توقع الزوجة الثانية ان الزوج راح يتخلى عن زوجته الاولى اذا لقي الافضل منها
مستحيييييييييييل لانها زوجته وأم عياله وشريكة دربه

مرحبا بك اختي امراءة من الخيال
ما شا الله ردودك روعة مثلك
اشكرك على اجاباتك الصريحةو ياليت تستمرين معنا
وحاولي تجاوبين على باقي الاسئلة والا ترا مااعطيك الدرجة كاملة ههههههههه



بنات وينكم الموضوع طار للصفحة الثانية

اه عرفت وينكن شكلكن حريم سنعات رحتوا تنظفون وتزينون بيوتكم للعيد
اجل باي بروح جري ارتب بيتي ( غيارة حتى في ترتيب البيوت هههههه )

احم احم كح كح

وأخيرا خلصت تنظيف أف مادري من وين يطلع الشغل رتبت البيت وخليته على سنقة عشره

الحمدلله إنه بكره رمضان عشان أرتب عمري أكثر بعدني حتى ماتحنيت

شخبارج يامنتظره الغيوره

حلو والله الاستعداد للعيد أنا شريت لي قمصان وتنانير من برومود وشريت قميص نوم حلو

وجلابيه للصبح ناعمه وبجامه بعد ..من فوق شيفون ومن تحت ساتان

الا بسألكم شو اشتري حق الراس الكبيره أقصد زوجي خخخخخخ

مليت من العطور والساعات والغتره والنعال أكرمكم الله والبوك << بس بس خلصتي السوق وياليت نافع خخخخ

بس هالمره مالقيت فكره مختلفه ... مخي ضارب مافيني أفكر شو رايكم شو أشتري له هالمره