المد لعة الحزينة :

رحت انا وعيالي مع اخوي نتمشى ورجعت البيت 12 ليلا يوم دخلت تفاجئت معلق ثوبه عالمدخل ودخلت الغرفه حصلته نايم ياسلام قلت قوم قوم غلطان بالنمره آآآآآآآآوت رجعت احسب يومي او يومها والله شي يحزن يوم الاثنين عندي الثلاثاء عندها الاربعاء عندي الخميس عندها طيب ليه نايم عندي قلت اكيد مسلفره بصراحة اتصلت عالسايق وسالته ام فلان موجوده قال اه في بيتها طيب انا ايش مستفيده نايم منخمد على كذا الخميس الجاي شلون احتفل بعيد زواجي لو صحيته بيهاوشني ايش رايكم مو لازو احتفل بنفس اليله ممكن الاربعاء يوم 10 وانا عيد زواجي 11 محتارررررررره الي معاي الان ترد علي بليز

رحت انا وعيالي مع اخوي نتمشى ورجعت البيت 12 ليلا يوم دخلت تفاجئت معلق ثوبه عالمدخل ودخلت الغرفه...

مها الإمارات :

السلام عليكم ورحمة الله وبركاته أخواتي قبل كنت كل ما اسمع أو أقرا فلانه تزوج عليها زوجها....اتعب نفسياً وأوسوس ...وتصير حالتي حاله...يصيبني خوف إن زوجي يتزوج عليّ... مب إعتراض على شرع الله ...لا والله...ولكن بسبب صعوبه تقبل هالشي ...صعب عليّ أتخيل مجرد التخيل إن زوجي تشاركني فيه وحده ثانيه... ما أبغي وحده تشاركني بزوجي لا في الحلال ولا في الحرام...وأكيد كل وحده منا تبغي هالشي... بس هالمرة احساسي غير... زرت وحده من جيرانا..تزوج عليها زوجها قريب وهي في النفاس المسكينه....وعندها منه العيال... وشفت الزوجه الثانية عندها...لأنهم ساكنين في نفس البيت كل وحده لها غرفه..والبيت طابق واحد يعني الغرف متقابله..وتشوف زوجها وهو داخل على مرته الثانية دايماً الزوجه الثانية ما كان فيها زود على الزوجه الأولى...يعني في الشكل الأولى احلى...يعني زواجه ما كان بسبب نقص في زوجته...يعني مجرد رغبه في الثانية المهم...من طلعت من عندها وأنا أحس بالرضا من سالفة الزواج بالثانية....مادري ليش....شي في داخلي يقولي وشويعني لو يتزوج زوجي...مع إني قبل أموت ولا اسمع هالطاري.... وعلى فكره عندي إختي متزوج عليها زوجها وساكنه معاهم في نفس البيت ...بس إختي لأنها ما جابت له غير بنت وحده وما قدرت تحمل....يعني فيه عذر إنه يتزوج عليها.... بس جارتنا ما في عذر...وأغلب الرجال ما عندهم أعذار للزواج الثاني... بالنسبة لزوجي ما قالي إنه بيتزوج...بس دايماً يجيب طاري الزوجه الثانية بالسوالف...كنت أعصب واسويها مشكله...وبعد فتره قمت ارفض الكلام في هالشي بدون عصبية حتى لو كان مجرد سوالف... لا وشرطه لو فكر بالزواج إني أنا اللي أسير أخطب له...يعني ملزم إنه يذبحني قهر....حسبي الله ونعم الوكيل.. بس أحس إن رغبة الزواج تطري بين فتره وفتره على بال زوجي....وحالياً نحنا نبني بيتنا....كان مأجل فكرة ملحق المجلس في حوش البيت...ومكتفي بالمجلس اللي سواه في الفله.....بس من كم يوم قالي ببني ملحق المجلس..قلت له ما نحتاجه حالياً عندنا مجلس وغرفة طعام ..قال ابغي اسويه غرفة نوم لنا في المستقبل ما نقدر نطلع على الدرج...مع إنا مسوين مساحه للمصعد للمستقبل إن شاء الله....وعندنا غرفة للضيوف تحت بس حجمها صغير... وبعدين قال بسوي مجلس مثل الملحق في حوش البيت وأبغي أسوي فيه غرفتين نوم..على شان إذا جوني ربعي يقدرون يباتون عندنا...قلت له غرفة وحده تكفي...لأن مب من كثر الناس اللي بتزورنا وبتنام عندنا.... حسيت من كلام زوجي وطبعاً ما قلت له هالشي...إن زوجي يفكر ويخطط لشي ...يعني كل الإحتمالات تقول في زوجه ثانية بتشاركني بيتي اللي صبرت سنين على شان أسكنه.... مره كان يسولف وقالي بسوي المجلس الداخلي غرفة نوم....قلت له ليش ...قال لزوجه الثانية....قلت له لو شو ما يكون ما تسكنها في بيتي وبيت عيالي...قال يعني أنا ما لي بيت...قلت له لك بيت إن كنت بروحك...بس هذا البيت رزق عيالي ورزقي..وصبرت سنين لين الله فرجها عليّ....وإذا تبغي زوجه ثانية...ابني لها بيت ثاني... من كل هذا الكلام فكرت....قلت لازم أهيئ نفسي واتقبل فكرة الزوجه الثانية...قبل ما يسويها زوجي ويتزوج عليّ....يعني على قولتنا في الإمارات (ازهب الدواء قبل الفلعه)...يعني ( اجهز الدواء قبل الجرح) للي ما فهموا المثل... أخواتي ابغي تكون أعصابي حديد وما اتعب...ابغي ارضى بشرع الله بدون أي اعتراض...واحتسب الأجر من الله سبحانه خصوصاً إن الزوج لو بغى يتزوج له الحق إنه يتزوج حتى لو ما كان في عيب أو تقصير في زوجته الأولى...وحتى لو أقول زوجي ما يقدر على مسؤولية زوجتين...أرد وأقول لو يبغي هالشي بيقدر وما بيغلبه...الرجال مب هينين قولولي كيف أقدر اسوي كل هذا....مع إني من ألحين أحاول إني اخفف من تعلقي الزايد بزوجي...أبغي هالشي يكون عادي...تزوج وإلا ما تزوج ما يهمني...المهم نفسي وصحتي..وراحتي اللي ما بيعوضوني شي عنهم هو من يدخل عند زوجته الجديده ما بطري على باله أبداً...بينسى وجودي أصلاً...ليش أنا أضيع نفسي على شان واحد همه نفسه وبس... حتى أفكر لو سواها...وعلى شان اريح نفسي ...بحط لي شروط وما بتنازل عنها... وشروطي هي إنها ما تسكن في بيتي إنها ما تزورني ولا تتصل بي إنه ما يطالبني بالتعرف عليها...وكل وحده تعيش في حالها إنه بدال ما تكون ليلة عندي وليلة عندها...يكون اسبوع عندي واسبوع عندها...اريح لي نفسياً..لأني متعوده على نظام دوامه إنه يبات اسبوع فيه.. إن ما يكون بينه وبينها اتصال ومسجات طول ما هو عندي....وعني ما بتصل به أبداً طول ما هو عندها وبتناسى وجوده ووجودها... إنه ما يطريني عندها وما يطريها عندي ..أبداً شو رايكم بالشروط..؟؟؟؟ لا تضحكون عليّ ...أنا أحاول أفكر بعقلانية شوي... ساعدوني في تهيئة نفسي...ولا تقولون لي...لا تشغلين بالج بهالسوالف ألحين... طولت عليكم أدري سامحوني....بس لا تهملون موضوعي:( ...ولكم الأجر إن شاء الله

السلام عليكم ورحمة الله وبركاته أخواتي قبل كنت كل ما اسمع أو أقرا فلانه تزوج عليها...

هيفاء 2004 :

سؤال للزوجات الاولات هل تنامون مع ازواجكم بغرفة واحدة والا كل واحد لحاله وكيف تقبلتي الموضوع

سؤال للزوجات الاولات هل تنامون مع ازواجكم بغرفة واحدة والا كل واحد لحاله وكيف تقبلتي الموضوع