أختي (ظلمني حبيبي )
ترى قلبي معك وادعيلك إن الله يفرج همك
وانصحك أنك ترجعين لبيتك بأسرع وقت وتبذلين قصارى جهدك عشان ترجعين
وترى ياأختي البعد مجفاة على قولتهم يعني كل ما أبعدتوا عن بعض كل ما شال في خاطره عليك وتعود على بعدك فاحرصي ترجعين بسرعة
وطمنينا عنك ترى والله خاطري عندك

اخواتي اللي معهم جارات يعني زي ما يقولون ضره وديي اعرف وش يسووولفووون فيه اذا اجتمعن يعني يجيبون طاري للرججال ولا هذا خطر و ممنوع الاقتراب منه وش صحيح تسولفون قوليلنا يا ملامح نجد انتي عندك خبره ما شاء الله عليك ...............

بنات وسوستوا فيني

من رمضان وانا اقرا ملفكم واتابع سوالفكم

>>تموت بالسوالف

امس قريت فيه يوم جا بالليل واتحلم اني متزوجه وزوجي تزوج علي وجيت للمنتدى اشكي لكم قصتي
والله اني شفت اسمائكم بالحلم

مع العلم اني لسى ماتزوجت

صحيت من الحلم مخترعه واقول الحممممممممدلله انه حلم

شفتوا تاثيركم كيف كان؟

منتظره اشكرك على سؤالك عني والله اني حبيتك واتمنى لك السعاده والخير دايما
الحمد لله على كل حال كنت متنكده مووووووووت قبل العيد وبكيت بكى بغت تطلع روحي معاه لانه يمكن يكون اخر عيد اكون مع زوجي بدون ضره وحتختلف اكيد حياتي بعدها اكثر مع انها من زمان متغيره كليا مشاعري غير تفكيري غير حتى قلبي صار غير عن اول صحيح من هذي المصيبه استفدت ا ني عرفت حقيقة الي حولي وانه لا امان لهم وما يحفظون الود وكل واحد يدور مصلحته و وناسته الا ان بقلبي مواجع ما يعلمها غير ربي واحاول دايم افضي الي بقلبي لربي لانه وحده هو الي يرحم ويعلم قد ايش تعذبت لان ماعاد اقدر افهم احد او الي حولي ما يفهموني انا بعالم وهم بعالم
انا لي قناعات غيرهم وتفكير غيرهم وما دري شلون بصبر الله يصبرني
تصدقين ان الكل توقعني اكتئب واحط راسي بالارض لكن الحمد لله شفت غيري يوطي راسه وانا رافعه راسي شفت غيري محتار وانا واثقه بالله ثم بنفسي
كنت اشك واقول لا اظلمهم مو قصدهم حرام واتضح لي من تصرفاتهم وكلامهم اني كنت مغفله

لم يخلو الامر من محاولات التجريح والتذكير بالالم كانهم يقولون شوفي الي كان يعزك ويقدرك شلون صرتي ولاشيء ودور غيرك تستاهلين ولو كنت اخطيت بحقهم عذرتهم لكن للاسف غدارين

لكن جزاهم جميعا عند ربي 0هذا والثانيه ماجات يحاولون يكسروني لكني قويه بالله الان مو بخلقه
من زمان كنت استمد قوتي وشجاعتي من زوجي لكنه كسرني ويمكن بدون قصده لكن الحين عرفت من هو مصدر العزه والقوه فعلا وانه البشر لاثقة بهم ومن تعلق بغير الله خاب وخسر

اتمنى من الله يقويني اكثر وينور طريقي ولا يجعل لحاقد او حاسد علي سبيلا ما تصورت الناس بهذا الشكل لكنه مجتمعي للاسف

طبعا عيدت ودفنت جروحي بقلبي واظهرت بسمة الثقه والسعاده وصبغت وقصيت ولبست وكشخت وطبعا صرت توب وكلهم انبهروا لاني تغيرت للاحلى ويحاولون يخفون نظراتهم لكن مايقدرون فرضت وجودي قدام الجميع فرض وخليتهم يحتارون ومايصدقون عيونهم
شعور لايوصف انك ترين الي بالامس يتشمت فيك ومن تعرفين انه يتمنى لك الشر عاجز القهر بيقتله وحسده بياكله اكل ومو عارف شلون يتصرف
علمت الجميع القريب والبعيد من اكون بدون كلام بالفعل والثقه بالله
وان شاء الله ربي يخلي لي زوجي وعيالي ولايفرقنا لا امرأه ولا نمامين ماراح اتخلى عن اختيار قلبي وعقلي زوجي لاني اعرف انه بيوم بيعرف اني وقفت بوجه العالم القاسي كله وبوجه البشر كلهم لجل احافظ على بيتي وعيالي وارضي ربي ثم زوجي ووالديني


اشكرك يا منتظره وباقي الاخوات هذا الملف مفيد بشكل ماتتصورينه الله يجازيكم خير جميعا

الا وين اختي ظلمني حبيبي اتمنى انها رجعت لبيتها وعيالها وعيدت معاهم يارب يكون بعونها ويصبرها

قلبي معاكم كلكم

الله يسعدكم جميعا مع أزواجكم ولا يدخل بينكم شيطان أبد
آمين

ظلمني حبيبي .. طمنينا عن حالك أول بأول تكفين ترى موضوعك شاغل لي بالي مرة الله يفرج همك ويردك لزوجك بخير يارب..