Raghda11 :

الله يسعدكم اخواتي ويسخرلكم ازواجكم, والله اتمنى سلفتي تقرأ هذا الملف بس ما هي راضيه والله اظن ان الغيرة راح تجننها , جلسوا عندي ايام العيد هي وضرتها وتحاول الثانية تتقربلها باي شكل بس كانها شايفة شيطان مو انسان تدعي عليها وعلى زوجها دعاوي بشعة وكنت منحرجة ماني عارفة ايش اسوي في هذا الجو المتوتر واذا استمرت على هذا الحال حتتجنن هذا اذا ما جاتها حالة نفسية وكل ما انصحها واذكرها بالله تزيد تدعي وتنفعل فاضطر اسكت لدرجة ان زوجها صار يقولها انا صرت اكرهك واكره اسمع كلامك بس الى الان ما طلقها وصابر عليها ماني عارفة ايش اسوي معاها بإيش تنصحوني والله انها قطعت قلبي لا هي ولا الثانية وكل ما اذكرها ان كيف كنت انا مع زوجة زوجي تقولي انت ما عندك قلب ولا احساس والمصيبة انها جالسة قدامي تكره عيالها في ابوهم حتى صارت نفسية الولد الكبير سيئة يا ريت الاقي عندكم حل لاني عجزت معاها وقد ما كانت انسانة تخاف الله وملتزمة قالت لي انا كنت حكفر بالله لمن اتزوج زوجي والله المستعان كل اللي قدرت اسويه اني اقول لزوجي انه ينصح اخوه انه يعدل بقدر المستطاع حتى لو كرهها . --------------------- الله ياخد شركم والله ضحكتوني , بالنسبه لي كانت تجيب طشت وتجلس تفرك في رجله قدامي وتقدروا تتخيلوا حركات الدلع والغنج وبعد مرات كنت اشوفها تدخل معاه الحمام عشان تحممه بس كنت عامله اذن من طين والثانيه من عجين وللاسف كان زوجي ما يمنعها من هذه الحركات قدامي وقدام العيال ومع اني كنت انقهر من هذه الحركات الا اني كنت اضحك عليهم واتبسم باستغراب واحتقار فاشوف زوجي ينظر لها نظرة لتتوقف , الله لا يعودها من ايام مع اني اشوفه بدأ يدندن على راسي من جديد ويقول ان شاء الله ما يمر كم شهر الا وانا متزوج , رجال ما يملا عيونهم الا التراب .

الله يسعدكم اخواتي ويسخرلكم ازواجكم, والله اتمنى سلفتي تقرأ هذا الملف بس ما هي راضيه والله اظن ان...