الخيل الاصيله
زوجك مايبي زواج يبي لعب للاسف..
وفيه عندنا بالسعوديه الزواج بكل اشكاله
انتشر للاسف والسبب رجال من هالنوعيه
يبون اللعب وبس..
وحريم مايبون المسؤوليه يبون المتعه
والطلعات وبس..
بس فيه شي مهم لازم يفهمه ان الزواجات
اللي من هالنوع مستحيله بالاسر والعوائل المحترمه
ماراح يلاقي وحده صح ومحترمه ترضى بهالمواصفات.
اللي يتزوجن بهالطريقه الزواج عندهن مجرد صفقه
ووناسه..
وماراح يلاقي وحده اصيله ومحترمه توافق عليه..
الله يسخره ويهديه لك يارب وجعله مايشوف في الحريم غيرك.

العامرية .. صح لسانك

اشكرج يا لعامرية كلامج صحيح
طيب هو ليش يفكر جذي هو بنفسه يقول ما وحده ترضى الا فيها عيب
طيب ونا في وسط عالمعمة وش اسوي ؟؟؟؟
هل أقدر اغير تفكيره خصوصا انه جرب كم مره وفشل ؟؟
ياربي وش يبا هالريال الله يصبرني
ساعات أقوله تزوج من هني وبكيفه لو لي ليلة ولها ليلة بس احس ان ريلي مثل الريايل
أمي تقولي ريلج عينه فارغة والا ما يرد لج ؟؟؟
انا عارفة بس كيف اظمن اني ما انهار يا اخوات وقفوا يمي ارجوكم
احد يفسر لي ليش هو يسوي جذي معقولة الرييايل كلهم جذي ؟؟
لا يكون فيني نقص وما يبا يجرح مشاعري ؟؟؟؟؟

الخيل الاصيله الله يهديك
ويريح قلبك ..
الله يرزقك النفس المطمئنه
ويربط على قلبك بالسكينه والرضى..
مين قال ان فيك شي..ليه شاكه في نفسك
وانسان اختار يعيش حياته بهالطريقه بعد هالعمر
وش همك فيه..شيليه من تفكيرك وراسك..
انسان انتي شايفه ماهميتيه ولاهمه شعورك
ليه مقلقه نفسك وراه ..
انتي مدخله نفسك بالمعمعه ومحاربه عمرك وراحتك
حبيبتي انتي مو مقصره تجاهه واهله وعياله عداك العيب
الانسان اللي فارغه عينه ماله دوا الا التجاهل ونسيانه..
من اليوم لازم تعيشين حياتك وتغيرين نظامك..
حطي لك نظام ادخلي نادي وادخلي تحفيظ..لاتخلين عندك
وقت فراغ تفكرين فيه برجال مافكر فيك..
ادي حقوقه الواجبه وبس..
غيره خلاص عيشي حياتك زي ماهو عايش حياته طول بعرض..
وتعالي قولي لي يامسكينه والله رحمتك علشان مين تنهارين
ترى ماجاب لك خبر..
فيه كثير رجال كذا لو حصلت لهم فرصه مابيقصرون.
فلايهمك بما انه صاحب سوابق ولاعاد تتناقشين وياه بالموضوع
خلاص بعض الرجال مايجيبه الا الحقران..
الله يهديه ويسخره ويكفينا شرهم,

ارحم مجتمع الحريم من جد يبي له اعادة تأهيل
احس مستمدين قيمتهم من الرجل مهما كان عوج..
وهذا غلط. غلاااااااااااااااااااااااااااااااااااااااااااااط
احنا ضحية تربيه اجتماعيه غلط 100%
المرأه المسلمه لها قيمه واعتبار وانسانيه ووجود كما
الرجل..
الله توعد بأخذ حقها بجلاله وقدرته ان ظلمها رجلها..
ياناس كفايه ذل من جد احس بالمذله..
الرجال لهم علينا حقوق عظيمه ومكانه فوق الراس..
بس في حالة الرجل الخلوق المتدين المؤدي للحقوق
غيره لاوالف لا ومليون لا..
كل وحده لها حقوق بالشرع ووعيد عظيم للرجل اللي مايأدي
حقها..وعيد مزلزل للي بقلبه ذرة ايمان.
وبعدين اي امرأه منا لازم تفهم لها كيان ووجود حتى بغير وجود
الرجل ..
يعني اللي ماكتب الله لها زواج او مات زوجها او تطلقت معوقه
ماهي حرمه..
معليش انا عصبت بس من جد حال بعض الحريم يرثى له..
اللي تبي العافيه بدينها ونفسيتها تتغير لايغير الله مابقوم حتى
يغيروا مابأنفسهم..
والرجال من النوعيات البايخه ماجرئهم علينا الا الذل اللي ماامر
فيه ربي..
والدليل حال صديقتي الضعيفه اللي يصعب على الكافر نكران ومعامله
بشعه والسبب خضوعها الغير مبرر من البدايه..
كثير نغلط بحق انفسنا ونرجع نندب حظنا.
الله المستعان..
فضفضة زوجه معصبه...