سدرة المنتهى7 :

غيوووم ياغيوووم الكل عارف انا كنت هنا مشاركه وعضوه في التجمع اخاف الاخوات يطفشو من كثر ماحكيت لهم 🤭 بس عشان خاطرك بحكيها ولايهمك اول شي انا متزوجه من ٥ سنوات وماحصل حمل ورحنا لدكاتره وسوينا تحاليل اكثر من مره وطلع سبب التاخر ضعف وقله عدد بالحيوانات المنويه للزوج وحاولنا واخذ علاجات بس يرتفع العدد شوي والحركه هابطه ورحنا مصر بعدما بحثنا في السوشال ميديا واكثر شي اليوتيوب وحطينا ببالنا كذا مركز للحقن وزرناهم وبالاخر رسينا على مركز جنين للحقن المجهري وتوكلنا على الله ...انا وزوجي بدانا بالتحاليل انا كله تمام الحمدلله والزوج نفس الضعف وقله الحركه ماتغير ..وعملت سونار والدكتور قال ماتحتاجي لمنظار والحمدلله تحليل مخزون المبيض كان كوويس ولله الحمد وعطونا علاجات نوع واحد خاص للنساء ونوع خاص بالرجال ...قبل التنشيط باسبوع تقريبا وبدات تنشيط وتحاليل شبه يوميه والامور طيبه ويوم السحب اخذو عينه الزوج وعملولها فحص اسمه ماكس يختار افضل الحيوانات المنويه مثل عمليه تصفيه وتنقيه وتم سحب ١٢ بويضه وتلقيحها ...وبعد كذا يوم اتصلو علينا تم تلقيح وانقسام ٥ اجنه والدكتور قال الافضل والاحسن عمل فحص وراثي دقيق للاجنه قالنا اوك وتوكلنا على الله وانتظرنا تقريبا ٢٥ يوم عشان تطلع النتيجه وبالاخر ثلاثه من الاجنه فيهم نسبه تشوهات واثنين مافيهم شي ممتازين والحمدلله .وتم ارجاع جنينيين اخذت طبعا علاج قبل الارجاع وابر العلاج بروجنوفا مثل الكليمين وعلاج اسمه ديكسازون حبه قبل النوم وابر ثثبيث وسيوله والحمدلله تم الحمل وعملت عمليه الربط وربي يسرها ويسر كل اموري ولله الحمد والشكر ..وربي اكرمني بسماع نبضهم وشفتهم وهم يتحركو يا الله شعور حلوووو يجننن مااقدر اوصفه الا وانا ابكي ..وعرفت جنسهم والحمدلله وبشرت خواتي هنا بالتجمع بنت وولد 💗💙ولله الحمد والشكر اقول يارب لك الحمدوالشكر مثل ماغرقتني بكرمك يارب تتم حملي وحمل كل حامل للشهر التاسع ونشوف اجنتنا وهم واحنا بصحه وعافيه ويكرم كل خواتي بالتجمع سواء مشاركات او متابعات او خارج التجمع يكرمهم بالحمل التام ويسعدهم ويفرح قلوبنا كلنا يارب ويعوض كل من حاولت وماتوفقت يعوضها بالحمل السليم يارب تجبر خواطرنا وترحمنا برحمتك يارحيم اسفه طووولت عليكم سامحووني 💓💓

غيوووم ياغيوووم الكل عارف انا كنت هنا مشاركه وعضوه في التجمع اخاف الاخوات يطفشو من كثر ماحكيت لهم...

shath :

شوفي عني كلفني 10 الاف ريال وخمسمية طبعا بدون فحص اجنة والحمدلله ممتار الدكتور

شوفي عني كلفني 10 الاف ريال وخمسمية طبعا بدون فحص اجنة والحمدلله ممتار الدكتور

أم فرح .. :

ايش اسم الدكتور؟

ايش اسم الدكتور؟

رهف٣٠ :

رحت للسونار اليوم عند دكتورتي مافي كيس حمل وخافت انه حمل خارج الرحم فحللت هرموني وطلع 0.1 وقالت خلاص اتركي الادويه نزل الهرمون والله يعوض عليك ☹️🥺 الحمدالله من قبل ومن بعد

رحت للسونار اليوم عند دكتورتي مافي كيس حمل وخافت انه حمل خارج الرحم فحللت هرموني وطلع 0.1 وقالت...

إشراق الحياة :

عملتي فحص للمشيمة ؟ أسباب توقف النبض كتيرة منها عدم وصول الأكسجين والغذاء للجنين او إصابة الحامل بفقر الدم الحاد او التهابات في الرحم او سكر الحمل ارتفاع ضغط الدم خدي فيتامينات للحامل وحمض لفوليك والحديد يساعد على تجنب تشوهات الجنين وسوي فحص الكرمزومات انتي وزوجك ومنظار رحمي والله يرزقك الحمل السليم

عملتي فحص للمشيمة ؟ أسباب توقف النبض كتيرة منها عدم وصول الأكسجين والغذاء للجنين او إصابة...