أختي أنتي وديها مستشفى متخصص
وخليهم يسون لها فحص على العيون
وعلى أساسه تشوفين بنتك وش تحتاج
مدرسة عادية أو تدرس مع المكفوفين
وبعدين فيه ضعاف بصر كثير داخلين مع المكفوفين
عشان ما يروح نظرهم
أتوقع ما فيها شي لو دخلت مدرسة مكفوفين
لأن مصلحة بنتك فوق أي إعتبار
ونصيحة مني لا تضيعين بنتك إستعجلي عليها
وحددي وش مصيرها
وانا أقول وديها مستشفى الملك خالد للعيون اذا كنتي بالرياض
والله يكتب لك ولبنتك الي فيه الخير

السلام عليكم ورحمه لله وبركاته

اسال الله الحي القيوم ان يفرح قلوبكن في شفاء ذريتكم شفاء تام من غير مشقه ولا تعب ويرزقكم برهم في الدنيا والاخره

ويجعلهم من اسعد الناس وا فضلهم وان يفتح لكم ولهم ابواب الخير والسعاده والرزق والصحه والعافيه والسرور والفرح

السلام عليكم ورحمة الله وبركاته: :27: تبلغ بنيتي من العمر سنتين ونصف وتعاني مشكلة في عينيها الجميلة وكتشخيص طبي فهي لديها ضعف في العصب البصري منذ الولادة (يعني مرض خِلْقِي) وعانيت إلى أن وجدت تشخيصا طبيا لحالة عينيها اللتين تبدوان طبيعية وجميلة جدا والحمد لله، لكن حركة عينيها سريعة وغير ثابتة، ومررت على أكثر من طبيب ومستشفى وكل له قصته لكن الكلمة التي ترددت على مسامعي أنها عالميا ليس لها علاج، فالرضا بما قسم الله لها تعالى والحمد لله كما ينبغي لجلال وجهه وعظيم سلطانه.
اكتشافي لمشكلة عينها كانت منذ أن كان عمرها ثلاثة أشهر حيث لاحظت أنا وزوجي أنها لا تتبع الحركات أمامها بناظريها فشككنا في الأمر فذهبنا إلى استشاري عيون أطفال بمستشفى المغربي للعيون وبعد أن كشف عليها بدأت معنا المعاناة ...
طلب منا إجراء فحص متخصص للشبكية والعصب البصري، وبعد ستة أشهر أجرينا هذا الفحص فتبين منه أن الشبكية لديها سليمة 100% ولكن لديها ضعف في العصب البصري ولله الحمد ...
كشفت عليها في أكثر من مستشفى وعلى أكثر من طبيب .. وكانت الأقوال كثيرة ومتضاربة أحيانا .. لذلك تضعف ثقتي برأي الأطباء أحيانا عندما ألاحظ من ابنتي عكس ما قرره الأطباء .. فمثلا قال أحدهم أنها لا ترى إلا الأشياء الظاهرة والكبيرة ولكني أراها أحيانا ترى الأشياء الدقيقة والصغيرة لكن تحت الإضاءات الجيدة ..
الآن أنا أبحث عن أي مركز تعليمي أو استشاري يساعدني في تنمية ابنتي تعليميا فهي ذكية للغاية وحافظتها ممتازة ولله الحمد والمنة ..
أسأل الله أن يقر عين الأمهات بشفاء أولادهم.. وأن لا يري أحداً من المسلمين مكروها في ولده ..

اسال الله الحي القيوم ان يفرح قلوبكن في شفاء ذريتكم شفاء تام من غير مشقه ولا تعب ويرزقكم برهم في الدنيا والاخره

ويجعلهم من اسعد الناس وا فضلهم وان يفتح لكم ولهم ابواب الخير والسعاده والرزق والصحه والعافيه والسرور والفرح

بسم الله الرحمن الرحيم
هلا اخواتي وشكراا عطر الزمن على هذا الملف
حبيت افيد اخواتي من خبريتي مع الكفيف
انا احد اخواني كفيف وطبعااا انا شاركت بتربيته وهو اغلى عندي من بناتي تزوجت وهو ثاني متوسط طبعاا هو لحد سنتين كان يشوف وكان يملك من الجمال سبحان الله وبالذات عيونه كانت شقر بس فجاه وما كنا نعرف جاته عين وبدات عيونه تهتز وذاك الزمان طبعاا قبل تقريبا 30 سنه انا كنت بالابتدائي كان في جهل بالعين ودلو ناس اهلي انهم يكوونه وليتهم ماكووه بدات حالته تدهور ونضره يقل
عرض على المغربي كم مره ووداه ابويه مصر قالو يحتاج عمليه بس سبحان الله يوم دخل غرفة العمليات رفض الدكتور اجراء العمليه وقال صعبه مره
بعدهاااا راحو فيه امريكا وهناك سوو العمليه بس بعد مارجع سبحان الله كل شوي يطيح على نفس العين او ينط فيها شي مثل المضله انفتحت وجات فيها ومره بكله في راس اختي طاحت وبرضو نطت في نفس العين
المهم المسكين فقد نظره نهااائي
بداو اهلي يدورون مدرسه تخيلو كان عمره 5 سنين ونص فقط دخل معهد نور الامل بمكه واحنا بالطايف طبعاااا المعهد داخلي ولا يطلع الى يوم الربوع والخميس والجمعه
ما انسى يوم كان رايح اول يوم كان يبكي واحنا نبكي كنت احس ابويه وامي قاسيين ليش يودونه
بس بعد كبر عرفت انهم على حق
المهم درس الين سادس وماشاء الله من عمره 3سنوات كان ذكي وعنده حاسه غريبه يعرف مكان الاشياء اللي تظيع في البيت ويروح يجيبها اذ ما لقيناهاااااا كان اذ خرب شي مسجل تلفون تلفزيون يصلحه بكل براعه
بعد ماخلص سادس كان ذيك الايام بدا دمج المكفوفين ودخلناه مدرسه الامام محمد بن سعود ودرس وكان هو الاول من المكفوفين يدرس مع طلبه عاديين
كان متفوق كنا نقرا له الكتب على شريط كاست ويذاكر منهاااااا وكمان وقت الاختبارات كان يستاجر احد يروح معا ويكون كاتب له
الين بثاني متوسك اشترى الة كاتبه عاديه وسوى اختراع عجيب وجاب مسطره وقصقصهاااا صغار وكتب عليها حروف برايل ولزقها على حروف الاله الكاتبه وسار يختبر في المدرسه عن طريقهاااا وفي البيت نمليه ويكتب الواجبات والبحوث للمدرسين
ماشاء الله بثاني متوسط في يوم ابويه تاخر ولا جابه من المدرسه تدرون وش سوا استاجر تكسي وطلب من التكسي يوقفه
جمب مدرسه كانت بالشارع الثاني وجا مشي لحاله وسائق التاكسي يعلم ابويه يقول والله عمري ماشفت زيه وكيف يوم وقفته قطع الشارع ووصل بيتكم لحاله
بعدهااااا بدا ينطلق ويروح مع اصحابه طبعاا فيه منهم مكفوفين وفيه عاديينن وبدا يروح ويجي لحاله وخلص الثانوي ودرس بالجامعه وخلصها وماشاء الله بعد الجامعه كان يروح الرياض ومكه مع سواقه وبعدهاااا راح دوره للبنان لوحده ودرس حاسب الي بلغة برايل وتوظف مدرس
وبعدها خطبنا له ووالله هو لحاله شطب شقته واثث بيته كان اروع من اللي يبصروون فخامهااااا ورقي وذوق وتزوج
وفتح معهد وكان الوحيد على مستو ىالمملكه لانه متخصص لذوي الاحتياجات الخاصه وشهاداته معتمد من وزارة التربيه
والتعليم والحين عنده ولدين ماشاء الله وعنده اغلى دره اللي هي زوجته ماشاء الله جامعيه ووقفت معاه والحين يحضر ماجستير
يعني يا امهات المكفوفين لاتخافون اعطوهم الثقه وخلوهم يختلطون بالناس
ولا تقولون قدامهم انت ما تعرف انت ماتقدر لا خليه يعتمد على نفسه في لبسه في نظافته اعطوهم الثقه عشان يتاقلمون مع المجتمع
واخيراا اي استفسار ما عندي مانع وشكرااا