๑ أنثـﮯ ما تنسـﮯ๑ :

ندوش هلا بعودتك ووسعي صدرك مافي شي يجي بيوم وليله الصبر الصبر الصبر .. والدعاء الدعاء الدعاء الحمد لله على كل حاااال اذا رحتي المستشفيات تشوفي اشياء تشيب الراس مره شفت وحده من الامهات معها طفلها اصم واعمى .. الحمد لله اللذي اعفاناا مما ابتلاهم به انا مادريت ان ولدي مايسمع الا يوم صار عمره سنه تخيلي وبعد هـ السنه بدت معناتي مع الهم ومع مواعيد المستشفى لين قررو له عملية زراعه يوم صار عمره 3 سنين ونص سوينا العمليه بعد شهرين ركبو الجهاز على طول ركبت الجهاز انا متشفقه جيت وقلت ريان اناديه احسبه بيسمعني على طول واحسبه بيميز صوتي على طول واحسبه بيعرف اسمه على طول الدكتوره اللي تبرمج قالت وسعي بالك تونا باول الطريق وضحكت علي انا عقب عرفت اني غبيه خخخ بس الله يلوم اللي يلومني متلهفه ومتشفقه اني اشوفه يسمعني ويكلمني ويقولي ماما بعد معاناة التدريبات وتلبيس السماعه سنه كامل او اكثر استجاب بعد العمليه تخيلي اتأخر ولدي مره حتى اخصائية التخاطب شكت وقالت روحي شيكي عند البرمجيات على الجهاز شيكت تقول تمام بس فيه اطفال يتأخرون بالاستجابه اول مره استجاب عند اخصائية التخاطب بعد سنه يمكن و3 شهور جلست ابكي من الفرحه سمع صوت وبدأ يميزه بس توه ماميز الاصوات الثانيه ولا صوتي ولا صوت ابوه الا بعد شهور مانطق اسمي الا قبل 3 شهور يمكن اخر اسم نطقه اسمي لانه ثقيل عليه كنت ادربه اقوله انا ماما يقول بابا مايفرق بطريقة النطق واللحين عمره 6 سنوات يفهم علي بس مايعبر عن كل شي بس مفردات مايكون جمل . بس ماراح اتركه وادربه واشد حيلي بعون الله لين يتحسين ويصير شبه طبيعي و الحمد لله على كل حال الدنيا ماتجي جمييع الشي يجي حبه حبه والله يشفي بنيتك وتسمع صوتك وتسمعين صوتهاا بس يحتاااج صبر وقلب قوي خليك اقوى من الظروف تحدي الصعاب .. كافحي بتلبيس بنتك السماعه قولي يانا يانتي .. ماراح اتعب دام فيني عرق ينبض والله يكووووووون بعونا وعونك ويشفي عيالنا جمييييعاا ويفرح قلوبنا بشوفتهم طبيعين مثل اقرانهم انه على كل شي قدير

ندوش هلا بعودتك ووسعي صدرك مافي شي يجي بيوم وليله الصبر الصبر الصبر .. والدعاء الدعاء...