Um Rawdha :

هلا اختي (بنت العيص) .. في كل جلسة آخذ فيها بنتي أحط في بالي إني أركز على كل الطرق اللي يطبقها أخصائي التخاطب مع بنتي وأحرص إني أطبقها في البيت ... هو دايما يقول لي ... جلسة التخاطب للأم مش للطفل .. لأن الأم عليها التطبيق والتركيز أما الطفل بس راح يحضر الجلسة بنسبة أقل من 5% من يومه! واحرصي على انج تاخذين معاج ورقة وقلم وسجلي فيها كل الملاحظات ... مهما كانت صغيرة لأن لها تأثير كبير على الطفل. أذكر إن الأخصائي بدا مع روضة بتعريضها لأنواع الأصوات .. الخشن والقوي والناعم والمنخفض وثم علمها شلون تعرف مصدر الصوت من وين جاي وعقبها بدا معاها ب 16 صوت في بطاقات مع الصور ... قال لي هذه الأصوات الرئيسية اللي كل طفل لازم يتعلمها ثم ينطلق ... عقبها بدا بالكلمات القصيرة اللي تتكون من حرفين أو ثلاثة ... إلى أن وصلنا إلى جملة من 5 كلمات والحمدلله. كل شي يعلمنا إياه الأخصائي نطبقه أنا وأبوها في البيت، في السيارة، في الألعاب، وقت التلفزيون ... اقعد أشرح لها بكلمات بسيطة اللي تشوفه جدامها وأطلب منها تعيده .. ودايما لازم يكون في تحفيز ... وللآن في تنويع في التحفيز .. مثلا يوم تستجيب للأخصائي في الجلسة ويثني عليها .. وأحنا راجعين البيت من الجلسة اشتري لها شي بسيط تحبه حتى لو علكة أو ايس كريم ... واقول لها ليش ... الحمدلله الله رزقنا بأخ لروضة والحمدلله يسمع طبيعي .. عندنا في قطر يفحصون دم الأم والأب والطفل إذا اكتشفوا إن عنده ضعف في السمع أو صمم ويشوفون إذا وراثي ضعف السمع اللي يعاني منه أو لا .. والله يوفق الجميع ..

هلا اختي (بنت العيص) .. في كل جلسة آخذ فيها بنتي أحط في بالي إني أركز على كل الطرق اللي يطبقها...

ندوش دلوعة زوجها :

هلا بضيفتنا ام روضه تكفين زودينا اكثر وكم عمر بنتك الحين,,, انا بنتي عمرها سنه وشهر ولساما زرعولها مشتتين بالمواعيد,,الله يعين وبس,,,

هلا بضيفتنا ام روضه تكفين زودينا اكثر وكم عمر بنتك الحين,,, انا بنتي عمرها سنه وشهر ولساما...