الحافظة 1111 :

السلام عليكم اخواني .... حبيت احييكم على صبركم وشجاعتكم ... اولا تانيا حابه اعرفكم بنفسي اول مرة اسجل هنا .. وسجلت مخصوص عشان التجمع هااده انا من جده وعندي ولدين الله يحفظهم ... الاول هادئ وكان كلامه وهرجه معانا في البيت نادر بس سبحان الله لمن دخلته تحفيظ ربي اطلق لسانه .... ولدي التاني ... هو اللي مؤرقني الان ... تاخر في نطقه وكلامه جداا جدا ... وكل ماسالنا دكتور عنه قال يرجع يتكلم وطبيعي تاخيره ... بعد ولادته لاحظت من اليوم الاول وجود حبيبات بيضه على لسانه .. وفمه من الدااخل وكل ماسالنا دكتور مااعطانا اجابه عنها ابدا ... المهم كنت اراجعله شبه شهريا بسبب الربو والتهاب الشعب الهوائيه .... هو الان يتعالج في مركز جش .... بعد معاناه طوويله ونكران من الدكااترة انه اصلا عنده مشكله ... وحاابه انصح الاخوات في جده .... لاتسجلو اطفالكم في مركز صنااع الغد.. انا سجلته في الصيف لمده سته اسابيع .. والى يومكم هاذه لاشفت اخصائيه التخااطب ولا كان في اي تعامل معاها مبااشر ... ابدا ... واللي يقهر انها بتنسب لها الفضل انه الولد نطق اسمه .. رغم اني سجلتلهم في الدفتر حقه الكلمات اللي يرددها ومعناها بين قوسين ... واسمه من بين الكلمات ... بصرااحه واختصار .. ماعندهم الا حكي والله سحبت ملفه وسجلته في روضه تانيه وانا بس احسبن عليهم ... الله يعوضنا واياكم خيرا .. ويرزقنا الصبر ويااجرنا عليه ياارب واااسفه عالاطاله

السلام عليكم اخواني .... حبيت احييكم على صبركم وشجاعتكم ... اولا تانيا حابه اعرفكم بنفسي اول مرة...

ساكنة الدار :

الله يجزاك خير يا أم روضه اذاسويت القوقعه في اذن ولدي الاذن الثانيه يكون فيها سماعه والاخلاص تكفي القوقعه عن السماعات ؟ وبالنسبه للصمم الوراثي انا سمعت انه يعطون الام علاج قبل تحمل اوخلال الاشهر الاولى من الحمل وبأذن الله ماتأثر الوراثه على الحمل والله اعلم والحمد لله على كل حال الاصم يمارس حياته بشكل طبيعي واذا الله يسر اموره بالتخاطب والتأهيل صار قريب من الطبيعيين فيه رجال كبيريعرفونه جماعتنا اصم متزوج وعنده عيال ويسوق سيارته وكل يثني عليه وله محلات يبيع ويشتري والكل متفاهم معه والاخت احبك يامكه وينك طمنينا على ولدك وش صارعليه والله اني كل مادخلت على طول ادور عليك

الله يجزاك خير يا أم روضه اذاسويت القوقعه في اذن ولدي الاذن الثانيه يكون فيها سماعه والاخلاص...

Um Rawdha :

هلا أختي (ساكنة الدار) .. لا .. ما يحتاج يلبس سماعة في الأذن الثانية .. القوقعة تغني عنها .. أنا سمعت بالعلاج اللي ذكرتيه .. يوم سألت الدكتور ما أكد لي على هالعلاج فما حبيت أذكره في ردودي .. إذا عندج أي معلومات عنه افيدينا جزاج الله خير .. معاج حق أختي .. الصمم الحمدلله له علاج بالسماعات أو زراعة القوقعة أو إذا ما فادوا أول حليين .. الشخص يقدر يتواصل بلغة الإشارة وقراءة الشفاه .. الحمدلله رب العالمين إن احنا عايشين في خير والله مييسر لنا والدولة ماتقصر موفرة لنا دكاترة وأخصائيين ومستشفيات .. سبحان الله ... لو الواحد يفكر في الإعاقات الثانية يحمد الله .. والواحد يحتسب الأجر لله ... سبحان الله .. يمكن أطفالنا اللي نتكلم عنهم يكونون سبب لنا في دخول الجنة .. أخوي يكلمني ذاك اليوم .. يقول دخل علينا واحد في الدوام عمره حول الأربعين كان يبي أكمل له المعاملة .. كان يكلمني طبيعي جدا ويضحك ويسولف .. وعرفت إن عنده 6 عيال .. ويشتغل وأموره طيبة .. مع هذا كله طلع عنده صمم كامل .. يقول انه تعلم شلون ينطق الحروف والكلمات ويقرا شفاه .. يقول دخلت المدرسة وتخرجت واشتغلت وتزوجت وأموري متيسرة .. في النهاية .. أحنا صحيح نتحمل جزء كبير من تربيتهم وعلاجهم وتأهيلهم .. لكن هم اللي في الأصل راح يشيلون مسؤوليتهم ويتعاملون مع المجتمع ويحاولون ينخرطون فيه ويبنون لهم شخصيتهم ويمشون أمورهم .. فليش بعض الأباء والأمهات يتشكون طول الوقت ويبون الأهتمام لهم في حين إن الأبناء ذوي الإعاقة هم اللي المفروض ينصب عليهم كل الإهتمام ... مش العكس .. !!

هلا أختي (ساكنة الدار) .. لا .. ما يحتاج يلبس سماعة في الأذن الثانية .. القوقعة تغني عنها...

ندوش دلوعة زوجها :

ياعمري فديتك الله يجعل كل حرف بموازين اعمالك باام روضه,,,ويفرحك فيها,,, نسخت الاصوات اللي رسلتيها وراح ادرب بنتي عليها,, وانا لسا توني في البدايه مابديت مع بنتي تخاطب ابي ابدا معاها بالبيت تكفين عطيني كل الاساسيات اللي ابدا فيها وماراح انساك من دعواتي ,,,

ياعمري فديتك الله يجعل كل حرف بموازين اعمالك باام روضه,,,ويفرحك فيها,,, نسخت الاصوات اللي...