السلام عليكم ورحمة الله وبركاته
بداية احب اشكركم على هالتجمع الاكثر من رائع الله يجعله في ميزان حسناتكم جميعا والله يمن على اطفالنا ويكرمهم بالسمع والنطق السليم انه على كل شيئ قدير انا متابعتكم قرأت جميع صفحات الموضوع انا ام لطفله عندها اعاقه سمعيه اكتشفتها في عمر الاربع شهور بس قلت يمكن اتوهم خصوصا وانها البكر وماعندي خبره في الاطفال لاحظت ان البنت كل ماكبرت وضح عدم استجابتها للاصوات طنشت وانشغلت بدراستي وكانت في مجال التربيه الخاصه سبحان الله ماكان عند علم ان بنتي بتكون احتياج خاص حملت وعمرها سنه واربع شهور فب عمر السنه وثمان شهور فتحت لها ملف في مستشفى الملك فهد وعملولها تخطيط عشان نتاكد طبعا انا مجال دراستي دراسات عليا لمن الاخصائيه اكدت لي الضعف ماتفاجأت كثير بس في نفسي حسيت جبل فوق صدري اتعوذت بالله من الشيطان واول سؤال سألتها وش درجة الضعف راوغت معايه في الاجابه عرفت انه شديد اخذت نفس عميق وماتألمت كثير قلت لها عندكم زراعة قوقعه لان عندي فكره عنها من قبل بحكم دراستي في مجال التربيه الخاصه وبالفعل دخلنا البرنامج واخذت لها سماعات على طول ولبستها سوينا الاشاعات من شهر 3 وتحددت العمليه وكل امورنا الحمد لله في تساهيل ديالا بنتي عندها بقايا سمعيه بسيطه تلتفت لمن اناديها بصوت عالي وهي لابسه السماعه مرضها اسمه اعتلال في الاعصاب السمعيه طفلي الثاني جبته بعد ماتحددت عمليتها بيوم والحمد لله سليم مع ان زوجي ولد خالي اللي ابغى اقوله احمدو الله على هذي الاعاقه وتفائلوا قد ماتقدرون واحسنوا ظنكم بالله وان شاء الله كل اطفالنا بيعيشوا حياه اكثر من الطبيعيه

ندوش نصيحه توكلي على الله وتجهزي للعمليه الله يسهلها ان شاء الله
تحياتي لكل الامهات الله يعطيكم العافيه ويقويكم

حليمه

ياحياتي ياندوش نفس اللي صار معي

اتصلوا علي عشان الولد اللي قبل بنتي كان تعبان سخونه وانفلونزا ورفض الدكتور يعمل له العمليه وكلموني على جوالي اذا كان موافقين تجون قلتلها ايوه موافقين ومامرت نص ساعه الا انا وبنتي وزوجي عندهم بالمستشفى كملنا اجراءات الدخول وتنومت مع بنتي واليوم الثاني العمليه والحمد لله تسهلت من ربي ..وتصدقين كان موعد عمليه بنتي الاصلي بعد هالموعد المفاجئ بشهر ونص بس مانتظرت شهر ونص قلت لهم خلاص جااايه ذحين ..

توكلي على الله وروحي سوي لبنتك العمليه وهي صغيره عشان تستفيد اكثر

خذي معاك غيارات لك ولبنتك كثير لانه حتجلسوا اسبوعين مره كثير بس الله يعينكم .وادوات استحمام من الى وكمان اي شي بنتك تحبه عشان تتسلى فيه لاب توب او ايباد او حتى بي اس بي او كتب تلوين اي شي يخطر على بالك لانه حتطفشوا

ان شاء الله ماكون ناسيه شي .. وسلامتها مقدما

السلام عليكم

ندوش .. الحمد لله ربي سهل اجراءات عمليه بنتك وتقدمت العمليه وان شاء الله من مصلحتها بدري

اتوكلي على الله ولالا تترددي .....

ماتحتاجي شي الا الغيار لكي ولبنتك وادعي الله ان يتم عليها الصحه والعافيه

الله يسهل امورك وربي فرحتلك انها تقدمت

دلع مودي من فين تشتري حجر السماعات في جده

اليوم اشتريتها من جش الكرتون 250 ريال فيها 10 علب

اخبار بنتك دلع مودي كم عمرها اللحين وكيف تطور النطق والتخاطب عندها وكم لها مسويه العمليه هل دخلتيها روضه والا لا ...


فراوله كم له ولدك ع السماعه وكم عمره وكيف استجابته عسى الله يسهل لاطفالنا وينفعهم بهم ياااارب .