حواءss :

السلام عليكم ورحمة الله وبركاته .. خواتي الحوائيات امهات اطفال التوحد.. انا عندي ابن عمره الحين 10 سنوات واقولكم لا تفقدون الامل .. لا حميات ولا اكسجين مضغوط ولا ادويه وربي لك الحمد ولدي الحين اللي يشوفه يقول مو هو اللي قبل 3 سنوات ولدي كان قبل السنه يناغي ويتكلم و ينادي وبعد السنه وشهر جاته حراره وصلت ل 40 درجه وحساسيه شديده بالصدر وفجاه بعدها ماقام يتكلم ولا يلفت اذا ناديته او صفقت له ولا ينظر الي لما اكلمه كاني مو موجوده كان ولدي مثل الشبح في البيت لا صوت ولا شي وسويت له تشخيص سمع قالوا انه في اذنه ما نتيجة الحساسيه بالصدر نزل الماي بالاذن وسوينا له عملية سحب ماء .. بعد كذا برضوا ما حصلنا اي نتيجه الولد نفس الشي ما تغير ولا كانه يسمع اخذناه الى طبيب نفسي اطفال ولما دخلنا قال الدكتور انه طفل توحد وانه اغسل ايدي منه لانهة مارح يشفى ولا رح اسمع صوته ورح يظل طول عمره كذا ==== تحطيم قاسي.. بعد كذا دخلناه اكثر من مركز تأهيلي بالدمام وتعلم التمييز بين لالوان والحيوانات بس مافي اي تطور لغوي.. بعد كذا دخلته مدرسه حكوميه تربيه فكريه قسم التوحد .. سبحان الله .. من اول شهر .. بطلنا يلبس حفاظ وتعلم على الحمام .. وكذلك بدأ يكتب حروف وارقام .. اصبح اكثر هدوء .. ينتبه لما اكلمه وينظر في عيني لما اكلمه .. والاهم من كذا بدأيتكلم بعد ماكنا نتفاهم معه بلغة الاشاره .. ربي لطف بي .. وبولدي .. والله ماكنت اقدر انام من فرحتي .. بعد كذا تطور الى الجمع والطرح وكتابة الكلمات .. و كيف حل الالغاز عنده وحبه للكمبيوتر والاحاجي .. يناديني ماما .. يقولي ماما انا اريد ساندويش او عصير او كذا او كذا .. ماما انا طفل سعيد .. انا احب ماما .. من قدي يالله رجع لي ولدي وين الدكتور اللي قال انه مافي امل ودي اوديه واقله شوف .. معروف انه اطفال التوحد ما عندهم لعب تخيلي .. بس ولدي يجمع الالعاب ويتخيل الدياناصورات ويطلع اصوات طاءرات تتصادم.. بدأ يلقي القاب على الناس من حواليه مثلا .. ماما الاميره وبابا الفارس الازرق .. اخته اللي اصغر منه يناديها ستروبري شورت كيك واخته الصغيره ىيناديها فوفو قلبي .. الحين يختار وجبات الطعام اللي يبغاها او يسوي لنفسه ساندوش اذا جاع ويعتمد على نفسه في كل شي يتحت اشرافي طبعا.. الحين دخلت ولدي مدرسه حكوميه دمج في صف ثاني ومن المتفوقين في صفه يكتب قطع املائيه ويحل الجمل الرياضيه اسرع من اخته اللي هي في نفس السنه الدراسيه لانه يتاخر سنه نظرا لحالته نسيت اذكر انه ولدي يتكلم لغتين عربيه فصحى ولغه انجليزيه جيده جدا اللي يسمعه يقول انه امريكي .. ولما اتكلم معه عربي يترجم انجليزي ولما اتكلم معه انجليزي يترجم عربي .. انا من كل اللي الكلام اللي قلته ما اقدر اوصف لكم لحد الحين الفرحه اللي في قلبي انه ولدي وصل لكذه و برضوا عندي امل كبير يصير افضل من كذه بأذن واحد احد القادر على كل شيء خواتي حبيت اقول لكم لا تفقدون الامل بالمتابعه والتعب عى اولادنا وانا اقول اللي يتعب رح يحصل نتيجه ترضيه بالاخير الحكد لك يا رب والشكر .. حبيت اذكر كذلك ان ولدي من يشوف احد تعبان ولا مريض على طول ويجي يحط يده اليمين عمكان الوجع ويقعد يقرا المعوذات وبعض ايات الرقيه من القران ولما يخلص ينفخ .. ياحبيبي يا الله .. محد يصدق صح بس هذي قصتي مع ولدي ولي عودة بأذن الله اكمل فيها قصتي مع ولدي والتوحد .. ولا تنسونا من الدعاء واللي عندها اي ىسؤال انا بالخدمه ..

السلام عليكم ورحمة الله وبركاته .. خواتي الحوائيات امهات اطفال التوحد.. انا عندي ابن عمره الحين...

ام نيناا :

انا اخذت موعد عند دكتورة المخ والاعصاب يوم الثلاثاء لتشخيص حالة بنتي وعمل التحاليل والفحوصات دعواتكم لبنتي و****لله مايكون فيها شي يارب

انا اخذت موعد عند دكتورة المخ والاعصاب يوم الثلاثاء لتشخيص حالة بنتي وعمل التحاليل والفحوصات...