كوبونات الراقية تسجيل الدخول

uom zeyad 32HD
uom zeyad 32HD •
السلام عليكم ورحمة الله وبركاته
كيف حالكن أخواتي ... الله يعظم لنا ولكن الأجر
أنا متابعه للملف من زمان ... من الملف الأول واتمنى للجميع الصحة والعافية
حابه انضم لكم وانا عندي طفل عمره الآن اربع شهور ونص
أصيب بنقص أكسجين اثناء الولادة وسبب له تلف في خلايا الدماغ
جلس اربع شهور في المستشفى ع الأكسجين والآن استغنى عنه
بفضل من الله وحده ... الآن طفلي مايرضع طبيعي استخدم أنبوب للمعده
عشان ارضعه ... ومايبكي وحركته شبه معدوما ... حصل له تشنجات يمكن
اربع مرات في المستشفى ... والآن معه تشنجات خفيفه وطبعاً للحين فحوصاته
ماكملت ... مواعيد المستشفيات الحكومية ماتخفى على احد ... وأبغى رايكم في
مستشفى الحبيب اللي بالقصيم ... أنا ابي اعرف حجم الضرر اللي صابه واعرف وش
بيدي اسوي له .... وكل شي بيد الله وحده ... بس أنتن اكثر ناس عارفين حجم هالمسؤلية
الله يعينّا ويصبّرنا ويجعلنا من الراضين بقضائه وقدره آمييين ... وحابه تقولون لي وتنصحوني
كيف أتعامل معه وكيف اقدر اريحه خصوصاً اللي مروا بهالمرحلة ... والسموحه منكم على اسلوبي
الغير متناسق ... :26:
زهووووور ورديه
زهووووور ورديه •
uom zeyad 32HD uom zeyad 32HD :
السلام عليكم ورحمة الله وبركاته كيف حالكن أخواتي ... الله يعظم لنا ولكن الأجر أنا متابعه للملف من زمان ... من الملف الأول واتمنى للجميع الصحة والعافية حابه انضم لكم وانا عندي طفل عمره الآن اربع شهور ونص أصيب بنقص أكسجين اثناء الولادة وسبب له تلف في خلايا الدماغ جلس اربع شهور في المستشفى ع الأكسجين والآن استغنى عنه بفضل من الله وحده ... الآن طفلي مايرضع طبيعي استخدم أنبوب للمعده عشان ارضعه ... ومايبكي وحركته شبه معدوما ... حصل له تشنجات يمكن اربع مرات في المستشفى ... والآن معه تشنجات خفيفه وطبعاً للحين فحوصاته ماكملت ... مواعيد المستشفيات الحكومية ماتخفى على احد ... وأبغى رايكم في مستشفى الحبيب اللي بالقصيم ... أنا ابي اعرف حجم الضرر اللي صابه واعرف وش بيدي اسوي له .... وكل شي بيد الله وحده ... بس أنتن اكثر ناس عارفين حجم هالمسؤلية الله يعينّا ويصبّرنا ويجعلنا من الراضين بقضائه وقدره آمييين ... وحابه تقولون لي وتنصحوني كيف أتعامل معه وكيف اقدر اريحه خصوصاً اللي مروا بهالمرحلة ... والسموحه منكم على اسلوبي الغير متناسق ... :26:
السلام عليكم ورحمة الله وبركاته كيف حالكن أخواتي ... الله يعظم لنا ولكن الأجر أنا متابعه للملف...
وعليكم السلام ....الله يصبرك ويصبرنا
اهم حاجه تسويها عشان يرتاح انك تكونين معه علي طول ودائما اقري عليه قران لان كلام الله شفي ويطمن النفس وحاولي قد ما تقدرين انك تكونين دائماً منتبه لحالته وتطوراتها وتقولين للطبيب اول باول
وبالنسبه للمستشفي أنا ماعندي فكره انشأ الله الخوات يردون ويفيدونج
مليكة 2010
مليكة 2010 •
زهووووور ورديه زهووووور ورديه :
وعليكم السلام ....الله يصبرك ويصبرنا اهم حاجه تسويها عشان يرتاح انك تكونين معه علي طول ودائما اقري عليه قران لان كلام الله شفي ويطمن النفس وحاولي قد ما تقدرين انك تكونين دائماً منتبه لحالته وتطوراتها وتقولين للطبيب اول باول وبالنسبه للمستشفي أنا ماعندي فكره انشأ الله الخوات يردون ويفيدونج
وعليكم السلام ....الله يصبرك ويصبرنا اهم حاجه تسويها عشان يرتاح انك تكونين معه علي طول ودائما...
مساءالخيرات

اخباركم ياامهات
الحمدلله ع كل حال
انا حابة اكتب لكم قصتي

اول حمل لي واول فرحة لي في ولدي بندر
ماكنت اعاني من مشاكل في الحمل سوى اني تعبت
في الشهر السادس شلت ضرسي بغيت اموت من الم العصب
اتلوى يابنات لدرجة جنبي اليسار من وجهي يرجف من الالم
وسالت دكاترة قالوا ماراح يضر الطفل اذا كنتي بالشهور الاولى ينظر

المهم الولادة
ولدت بالشهر التاسع اخذت منه 3 اسابيع
وجتني الولادة الصباح جتني وماني عارفة ايش الي فيني بس اتلوى ورحت المستشفى الساعه 1 الظهر والرحم
كان مفتوح 2 سم وبعدها
فتح الرحم لين الساعه 12 ونص الليل والطفل مانزل والممرضات 3 الي هي رئيسة الممرضات تضحك وتاركتني
والي عندي وحده تضرب يدي تقول خلااص والثانية تسكر اذنها من صياحي
انا كان يوم جمعه والسبت اجازة حقت راس السنه ومافيه احد من الدكاترة بس طل علي الدكتور وراح
وانا ابكيييييي يابنات مااعرف شي المهم دقوا ع الدكتور وجاء الساعه 3 الفجر وشافني وانا ميته بكاء
وقال خلاص عملية عرف ان الطفل مو نازل تحت مع ان وضعه طبيعي
وسويت العملية وقال لي الدكتور زين لحقنا عليكم كنتي انتي والطفل في خطرر انا كان بيتفجر الرحم
والطفل ضاق عنده التنفس ويقول لي زوجي مابكى ولدي وقالوا لنا تشنج الطفل ونقص عنده الاكسجين
وجلس في المستشفى 9 ايام وانا تعبت نفسيآ ابكي ومنهاره وعطونا علاج بربتين استمرينا عليه 3 شهور
ويارب لك الحمد ماتشنج عندي بس انه بس يبكي من المغص وهذا عادي قالوا لي ولا كنت ارضعه مافيني حليب سبحان الله
المهم ورحت مستشفى حديثي الاطفال في الدمام وسوينا تخطيط مخ وقالوا مافيه تشنجات وفيه ضمور وتلفبالخلايا انا انهرت وابكي عند الدكتور وابي اسأله ماقدرت ويهدي فيني وقال عنده شد بالاعصاب ولازمعلاج طبيعي وقال التلف مثل الجرح يروح مع الايام وقلت له الدكتور ان ولدي ينتبه ويضحك ويغاغي ويعرفني قال زين
بس اذا فيه شي تكتشفينه بعد
وقالنا سووا كشف ع العيون والسمع ويارب لك الحمد سوينا وسليمة بس الاذن اليمين فيها سؤال وبسيطة باذن الله  

المهم وعمره 4 شهور جته مثل الفزات ويبكيي منها وديناه للدكتور قال هذا نوع من التشنج وهذي زيادة شحنات كهربائية ورجعنا للعلاج وحسيت انه مافاد
المهم سمعنا عن البروفيسور ازهر في الاردن ورحنا له وولدي كان عمره 5 شهور وسوى تخطيط مخ وقال عنده كهرباء واجد ماثرة نمو المخ هي مسببه الضمور
وقالنا عن توماتكس والحين له شهر ولا فاد بس مرات تخف شوي بس مازالت
وقبل اسبوع رحت لمستشفى الحبيب
قالوا لنا عن دكتور اعصاب احمد الرميان وقالنا عن شراب Tegretol
والله كريم وشاف حركته وحجم راس ولدي اقل من الطبيعي كان 37 والحين 38 ونص والطبيعي من 41 الى 46
وسألته عن نسبة الضمور قال مافيه نسب هي فوق المتوسط
بس الاطفال تنمو عندهم خلايا المخ ويكبر حجم الراس لمدة عمر خمس سنوات
والضمور ممكن يد تكون فيها ضمور بس تأدي وظيفتها الكتابة وتمسك الاشياء
وركز ع الوظيفة والحركة والعلاج الطبيعي وموعدنا بعد شهر 
مليكة 2010
مليكة 2010 •
نسيت اقولكم وعمره ٣ شهور ولدي سويت له اشعه وقالوا مافيه تشنجات فيه ضمور
بعدها جته الكهرباء


ولدي للحين ماانقلب بس الفه ع جنب يحاول يقلب بس مايحب ينام ع بطنه
ومابدء يمسك الاشياء بس يحاول يمسك لبسي ويمسك اصبعي
والله يابنات مريت بحاله اكتأب وبس احد يتكلم انهار بكاء اتذكر حالة الولادة واحس انهم مجرمات الممرضات تركوني مايعرفون شي واشوف حالة ولدي بس الحمدلله ع كل حال
بنات مين نفس حالة ولدي ؟؟؟
الي عندها معلومات لاتبخل علي الله يجزاكم خيراا ويشفي مرضانا ومرضى المسلمين
اللهم اني لا اسألك رد القضاء ولكن اسألك اللطف فيه
الله يأجرنا ويصبرنا يارب
مليكة 2010
مليكة 2010 •
عمر ولدي بكرا يدخل الشهر السابع