مرحبا عزيزتي .. احب افيدك بتجربة بنتي مع الانبوب لاني من جد حاسه فيك قبل مااركبه لبنتي كنت ابحث عن ناس سوو العمليه واستفدت من تجاربهم والحمد لله ابدا ابدا ماندمت اني ركبته ..
طبعا كانت تغذية بنتي في البدايه طبيعيه عن طريق فمها بعد فتره اصيبت بالشلل الدماغي وصارت تتغذى عن طريق انبوب بالانف بس الطبيب ما كان يؤيد انه يطول معاها .. يعني كان حل مؤقت بعدها قرر لها العمليه وكان عمرها سنتين ونصف تقريبا .. كنت مره متخوفه من الجراحه بس الدكتور طمني انها عمليه كثيييير يسوونها .. استخرت وسووها لبنتي والحمد لله .. الان لها ثلاث سنوات من ركبت الانبوب .
واي استفسار انا حاضره .. بفيدك بكل معلومه اعرفها بخصوص هالموضوع ومن تجربه ..
الله يشفي بناتنا وكل مرضى المسلمين ..
مرحبا عزيزتي .. احب افيدك بتجربة بنتي مع الانبوب لاني من جد حاسه فيك قبل مااركبه لبنتي كنت ابحث...
بالنسبه لعملية الربط والانبوب كانت عباره عن عمليه وحده يعني بنفس وقت العمليه سوو لها الثنتين لانه كان عند بنتي ارتجاع ..
وجلست بالمستشفى بعد العمليه تقريبا 4 _ 5 ايام
بالنسبه للانبوب اول مايركبونه يكون مزعج شوي بس بعد اسبوعين او ثلاثه من العميه يعطونك موعد يستبدل فيه الدكتور الانبوب بواحد ثاني يكون افضل من الاول وهو اللي بيستمر معه ..
انصحك نصيحه لوجه الله تعلمي بنفسك انتي وزوجك كيف تغيرون الانبوب لانه لازم لازم الانبوب يتغير كل فتره يعني تقريبا كل سنه .. لانه يصير مستهلك واطلبي من الدكتور يعطيك واحد ثاني خليه عندك احتياط ..
وهذا الفديو يوضح لك كيف شكله اول اسبوعين بعد العمليه
http://www.youtube.com/watch?v=LW7CkoQ5Kt4&feature=relmfu
وهنا شكل الانبوب اللي يتركب بعد الاسبوعين
http://www.youtube.com/watch?v=2LCLsocRvQY&feature=related
واذا حابه تعرفي طريقة تغيير الانبوب ممكن تسوي بحث باليوتيوب وتلاقي ..
اتمنى اني افدتكم ولو بشي بسيط .