السلام عليكن ورحمة الله وبركاته ..


اذكركن ونفسي في هذا اليوم الفضيل (يوم الجمعة) :

بـــــــــ قراءة سورة الكهف
والصلاة على النبي صلى الله عليه وسلم
والدعاء في ساعة الإجابة

واذكروني بدعوة في ظهر الغيب


تقبل الله مني ومنكن صالح الأعمال..


:26:

هلا بنات. تشرق الشمس مشكوره قلبي الله وجزاك خير ماقصرتي بس أنا مو من الرياض بس بالعطله الطويله افكر اروحله بإذن الله بس مدري يستقبلون الي معه تشنجات شديده او لا. صغيرتي هي عالمي والله مدري وأختي هي الي بشريط بدايه او لا. أنا أخذت رقمها من حرمه بالمستشفى بس للأسف مالقيت احد مجرب علاجها وعلاجها مره غالي كريم وعشبه وكريم للحول

السلام عليكم
انا سافرت جده وماخليت دكتور مخ واعصاب رحت لمحمد جان وعبد العزيز في الجعدعاني والحرس والالماني
كلهم يقولون ولدك طيب مافيه شي جيبيه بعد مايخلص سنتين وانا والله شايله همه احسه تعبان بس مو حاسين
الله ييسر لنا اسباب شفاءه يااااارب

السلام عليكم ورحمة الله وبركاته

حبيت أشارككم همي وحزني على بنتي حلا
رزقت ببنتي حلا لكن والحمد لله صار معي عند ولادتها نقص أكسجين وتضرر الدماغ ، ويرجع ذلك للدكتورة الفاشلة إلى ما إكتشفت إنه عندي ضيق في الحوض إلا بعد ما عملت لي أثناء الولادة مرتين أبرة طلق وكانت تحاول معي لكي أولد طبيعي لكن ما صار ، وتأخرت وكنت حاسة إن رحمي راح ينفجر وبنتي راح أخسرها وتموت وكنت حتى أنا حاسه أني راح أموت والشيء الثاني الخطأ كان عدم وجود طبيب تخدير في المستشفى ولحد ما إتصلوا فيه عشان يحضر كنت أنا وبنتي تحت رحمة رب العالمين لأن الدكتورة بعد إستشارة طبيب آخر قرروا عمل ولادة قيصرية لي لكن بعد فوات الأوان نبض الجنين قل ونقص الأكسجين كمان " حسبي الله ونعم الوكيل " ــــ لكن قد الله وما شاء فعل ولدت بنتي قيصري وأخبرني طبيب الأطفال في المستشفى أن بنتي فيها ثلاثة علامات من المنغوليين صدمت!
كبرت بنتي وصار عمرها تقريبا 8 شهور بدأت تجلس وهذا كله وأنا لسا ما كنت عارفه أنه عندها نقص أكسجين لان المستشفى الفاشلة يا أخفوه علي يا شيء ثاني ، المهم صار عمرها 8 شهور وكانت تجلس وتلعب طبيعي و تمسك بلعبها وتلعب فيها وتنظر لها وتتفاعل معانا ، بعد ما أكملت السنة أستغربت لأنها ما حاولت تمشي بس تجلس وتلعب أخذتها للطبيب وعملنا أشعة الرنين المغناطيسي للدماغ وكانت الفاجعة أخبرني الطبيب أن بنتي عندها نقص أكسجين وتضرر بسيط في المادة البيضاء لذلك هي ما مشت ، بعد السنة وثلاثة شهور تدهورت حالتها وصارت حتى ما تجلس ولا تمسك لعبها وإرتخت وأصبح يجيها تشنجات والحمدلله

أكتب الرسالة والدموع في عيني والحسرة ماليه قلبي بسبب غلطة أطباء ومستشفى لا حسيب ولا رقيب عليهم

اللهم أشفي بنتي وجميع الأطفال أمثالها وجميع مرضى المسلمين يارب العالمين يا الله .

السلام عليكم ورحمة الله وبركاته
حابه انظم لتجمعكم
بنتي عمرها ست سنين ونص جاها نقص اوكسجين اثناء الولاده وسبب لها ضمور في المخ
تتشنج ياعين امها اول سنتين اراكض بها من مستشفى لمستشفى يوم اجمعوا على حالتها استقريت في المستشفى اللي ولدتها فيه مدينة الملك فهد الطبيه
ودكتور الأعصاب من ثلاث سنين سوالها حميه عشان التشنجات والحمد لله خفت بس مازالت ومازلنا على الحميه
وديتها قبل سنه للمركز التشيكي صراحه تحسنت وممتازيييين وودي ارجعلهم.
هذا بختصار ولي رجعه اذا قبلتوني بينكم
واتمنى استفيد منكم وتجاربكم