شذا الورد الله يطمن قلبك يارب انا لمو لمن جبتها شعرها كثيف حتى بوجهها
وحلقته والدكتور قالي ليه كان تركتيه عشان ما يرجع بكثره بس
ما رجع والله كانت لها كانها لحيه مع الجنبين
بس تحاليل الوراثه كلها طلعت سليمه قالو يمكن نقص اكسجين
ومو متاكدين عند الولاده او اثناء الحمل وما كان فيها شي الا لمن كملت 4 اشهر و10 ايام بداءت تتشنج

مس لمو انا محتارة وخايفه ولدي يرضع زين ويحرك اطرافه وراسه ويغمض اذا قربت عنده ضوء ويفز اذا سمع صوت عالي لكن مشكلته بالادراك ماينتبه ولايناظر بتركيز ولايبتسم وراسه يروح ورا رخو امي تقول للحين صغير بس انا ادري انه بس تبي تطمني اليوم كمل ثلاث شهور تحاليله كلها سليمة بس تحليل حموضة الدم طلبو نعيدها النتيجة مو واضحة موعدنا بشهر سته عند استشاري امراض وراثية يارب سهل اموره واشفيه ياكريم 

مس لمو بنتك تجيها تشنجات وشي حالتها بالضبط وغريبه ماصارت تتشنج الا بعد اربع شهور وش كان السبب الله يشفيها ياكريم هو وحده القادر على ذلك سبحانه

كيفكم بنات

الله يشفي اولادكم و جميع المسلمين يارب

انا عندي اخوي فيه ضمور بالمخ وكان يراجع في مستشفى الملك عبد العزيز الجامعي وتحسنت حالته وصار يمشي ونقلنا للمدينة وتعالج في مستشفى الاطفال والولادة وراحت عنه التشنجات والحمد لله ويوم رجعنا للرياض وصار يتعالج في مستشفى الملك خالد الجامعي والله يابنات عمرة 16 سنة وله تقريبا 5 سنوات وهم يصرفون له علاج اسمه ريسبرتال حالته رجعت لوراء الولد صار بس ينام واذا ما اخذ الدواء يقعد يوم كامل مو نايم المهم لنا سنة كاملة نستنى يسون له تخطيط مخ لان ماعملوله الا مره ووحده يوم عمريه سنتين تقريبا ومايقدرون يعملون شي لين يعملو التخطيط والتخطيط يستنى يفضى له سرير بالله عليكم في حال اصعب من كذا عمره 16 ومايدخل الحمام وانتو بكرامة ومايتكلم بس يفهم والحمد لله بس لو فيه مركز محترم يقبله عشان تعليم الحمام ويقبلون الي عمرهم 16 وفي الرياض ااذا احد يعرف يدلني الله يجزاكم خير ادري طولت عليكم بس هالتجمع عشان نستفيد ونفيد ونفضفض شوي :)



الله يرزقنا واياكم اطفال اصحاء

^^^^
ملاحضه اقسام التخطيط المخ والاعصاب زززززحمه..انا ولدى
قالولى شوفو اي مستشفي فيه اشعه لانا مستشفانا زحمه ومافي مكان للسنه ..فقال لنا الاستشاري توجهو للمستشفيات الى فيها تخطيط وانسخوه سيدي وجيبو السيدي معاكم ...ننزله في السستم عندنا ..
فيااختى لاتتاخرون على اخوكم مدام حاله كذا ..روحو للمستشفيات الخاصه وسجلو الاشعه في سيدي وجيبوها للدكتور وبالتاكيد راح يقبلها ..بدون تردد
انا دايم اسوي كذا ..

الله يشفيه ويخليه لكم