صباح الخير
سوسو فديتك يالغلا ما يحتاج تتاسفي كلنا مثل بعض حتى انا لمن توفيت بنت اختك ما اتصلت واكتفيت بالرساله والله انصدمت لمن عرفت انها تقرب لك الله يرحمها ويصبر امها وجميع اهلها
كالعاده الحمد لله لاشي جديد وبنتي للان على جرعات المضاد والمسكن ومذيب للبلغم وميعادها الاربعاء
هلا بيكي ام ريوف نستناكي تحكي لنا حكاية ريوف لاني نفسي اسمع من حد جرب التخصصي لان اورق لمو ارسلناها والى الان ما جاء رد
صباح الخير
سوسو فديتك يالغلا ما يحتاج تتاسفي كلنا مثل بعض حتى انا لمن توفيت بنت اختك ما اتصلت...
انا ولدت بنتي فرحتي الاولى ولاده طبيعه ومالاحظت عليها شي غير ان بكها قليل جدا حتى اخواتي يوم بكت من الفرحه سجلو صياحها والحمدلله كانت تغاغي وتضحك ولما كملت ثلاث شهور كانت تضحك بشكل مو طبيعي وكنا نسمي عليها من كثر ضحكها وبعد سته شهور كانت تقول ماما بابا اميمه جده والحمد لله جلست طبيعي تقريبا عمر ثمان شهور والى الان كل شي كويس والبنت طبيعيه بس تاخرت في الحبي وصارت ماتوقف ابد بعدين بدت تتقلب وتوصل الي تبيه وكملت سنه ونصف والكل يطمني عادي فيه اطفال مامشو الا بعد السنتين والاربع سنوات وطبيعين انا بديت اروح ارجع بها المستشفيات رحت لمستشفى الحبيب وسوو فحوصات وكل شي سليم ولا قالو سو اشعه ولا شي ماغير يسحبون دم وهرمون النمو والاعصاب وبس انا بديت في العلاج الطبيعي من نفسي ورحت بها للمستشفى عندنا في قريتنا وعمر بنتي سنه وعشر شهور وكان بسيط جدا بس الحمد لله بنتي بدت تستجيب وبدت تحبي والحمدلله بعدين بدت توقف و تدف العربيه بس اذا جتها حراره تتراجع معاد تمشي وخلال هذي الايام بديت ارجع به في مستشفى فيصل التخصصي في عيادات الاعصاب وحولنا على التخاطب والعلاج الطبيعي وبدت معاناتي مع التخاطب سوو لها اشعه ع البلع وقالو السوائل اللي تشربها نصه يروح للرئه ومنع عنها المــــــــــــــــــــــــــــــــاء والسوائل قالو بنشوف اذا نفع معها والا سوينا انبوب في المعده تخيلو شهر ماتشرب سوائل وصار معهاجفاف شديد والمراجعه الثانيه قالو عطيها مثلوج اسكريم وصار مع الجفاف حراره وتنومت في المستشفى ونكلم الدكتور يقول لاتعطونها انتظرو البنت صارت بين الحيا والموت اول كان ابوها يقول اذا كان في موتها خير لها فامتها وان اتخاصم معه عشان هالكلمه بعدين صرت انا اقولها اهم شي بنتي ماتتعذب والله انها تبكي من العطش وانا ابكي معها وصراحه ماتحملت ابد تقوم في الليل واعطيها ايسكريم وصارت ماتقوى تجلس بس منسدحه ولسانها برا يابس وايست منها صراحه وقلت ميته ميته خليها تموت وهي رويانه وسويت لها رضعه ماتتخيلون وشلون تشربها من العطش ماتقوى تمص ياقلبـــــــــــــــــــــي وكلمنا الدكتور البنت في خطر والله يعافيه قدم موعدها ودخلنا المستشفى وسوينا لها انبوب في المعده والحمدلله على كل حال وبدت تتحسن وشوي شوي رجعت زي اول واحسن كمان سوينا لها تخطيط للاعصاب وقالو سليمه وسوينا رنين مغناطيسي وقالو فيها بوره بيضاء وراح يعيدونه مره ثانيه وسوينا تخطيط مره ثانيه وقالو فيها زياده كهرباء وتعرفو ماقالو لنا عن مرضها انا الي صرت ادور وتوقعت انه نقص اكسجين.......
دعواتكم لها بالشفاء ..........