دينا 223
جزاك الله خير ، و كلامك مثل البلسم ،،
الله يرحم ولدك و يجعله شفيع لك ،
تصدقين أنا يوم ولدت ولدي قالوا نسبة حياته 30 بالمية ، حتى تطعيم الولادة ماأعطوه ( خايفين يخسرون لقاح في طفل بيموت < هذا تفكيرهم طبعا )
لكن زوجي كان يروح له يوميا بالحضانة و يرقيه و يقرأ عليه و الحمدلله بعد شهر طلع ،
و يوم كان عمره سنة قالت لي الدكتورة ماراح يعيش طويل ، بس ربي قادر على كل شيء ، عمره الحين بسم الله عليه 4 سنوات و إن شاء الله العمر كله ،،
أما أثر الحساد ، ياما ناس تكلمو ووش كثرهم ماأدري آخذ من مين و أخلي مين ،
حتى القرايب و الله ماخلونا بحالنا ، بس الله يعين ،
أتذكر فترة مرت قبل سنتين تقريبا كنت أكره بيتي و الشغل ببيتي ، و الطبخ ، و أشتغل و أنا أبكي ،
تذكرت وحدة الله يهيديها كانت مدرستي بالمتوسط ، تكلمت مع المدرسات و قعدت تقول أكيد أنها تعرف تطبخ و تشتغل و من ذا الكلام ، و أنه بناتنا مايطبخون إلا بعد الكلية < أنا أشوف ناس يطبخون من المتوسط ، غريب عوايدهم و الله ،،
و أمي طلبت وحدة تجيب لي من أثرها و الحمدلله اغتسلت فيه ، حسيت مثل الكهرب بجسمي ،
و تحسنت و رجعت أحب بيتي و شغل البيت و أتفنن بالطبخ ،
بس ذا الناس الله يكفينا شرهم .


miss-kuwaitia
الله يجزاك خير ، و شكرا لك على كلماتك و يجعلها في ميزان حسناتك ،،،
المشكلة أنني بعيدة عن الرياض ، أتمنى أني أسكن الرياض علشان أشوف له علاج مكثف ، و بجد قصة الطفل اللي ذكرتيه ، حمستني و الله ،
بس وين أروح ، وش المراكز اللي تعالج مكثف ، لأن ماديتنا ماتسمح و الله ، و زوجي عليه ديون كافيته ،
هل فيه شيء حكومي بالرياض يعالج مكثف ، و كيف أدخل أوراق ولدي عليهم ،
ودي تكون بالإجازة علشان دوام زوجي ، لو نضطر ناخذ شقة مفروشة و نقعد بالرياض ، و كله علشانه حبيب قلبي ،
بس أتمنى تفيدوني و الله ووش الإجراءات وتنصحوني وين أوديه ،،،
أما كلام الناس دايم أرميه ورا ظهري و ماأهتم لهم ، لأني واثقة بربي ،
و الحمدلله ربي خلق بيني و بين زوجي رحمة علشان ذا الولد ، كثير ماأتنازل و كثير هو يتنازل بعد ،
و مؤمنين بقضاء الله و قدره ،
لكن تعرفين مرات الواحد يتحمل إلين خلاص يطق و يتأثر ،
تجيني فترات مافيه أحسن مني في الصبر و ماعلي من أحد ، و مرات خلاص ماعاد أتحمل ،

يالبى قلب بنتك و يازين مناغاتها ،
أنا ولدي نفس الشيء يناغي و أنواع الأصوات الحلوة بسم الله عليه ، و مرات يقوم من النوم مروق و يصحيني على صوته الحلو ، يناغي و يضحك لبى قلبه ،،
ولدي بعد يعرف أمي و يعرفني و يعرف أخوه و أبوه ،
مرات إذا رحت عند أهلي ، أمي تحبه و تسلم عليه و تلاعبه ، ثمن ترجعه على الجلاسة أو على الفراش بالأرض ، يزعل و يبكي إلين ترجع تشيله حبيب قلبي ،
يعني الفهم عنده بسم الله عليه مرة حلو ، و أحسه يفهم ، يعني مرات أسوي نفسي أهاوشه و أقول له عيب ، أبي أشوف ردة فعله ، هو يفهم أو لا ،
أتفاجأ أنه يبرطم و يتجمع الدمع بيعينه لبى قلبه ، يعني فاهم أني أهاوشه ،،
عندنا مركز يستقبل المعاقين، طلبناهم بس يعطونه حصص علاج طبيعي و نطق ، لكنهم رفضوا ، يقولون للمنومين عندنا ،،
نوموا ولدكم عندنا و ينعطيه كل شيء ،
بس ماني قادرة أتحمل أبعد ولدي عني ،،
و زيادة على كذا سأل زوجي أحد الموظفين في المركز ، قال له : إذا أنت تعطي ولدك علاجاته و تعطيه أكله و تهتم بالعلاج الطبيعي ، خلاص أفضل لك تخليه عندك ،، ماراح يلقى أحن عليه من أمه ،
و صدق و الله ،،،
ماراح يتحمل المريض إلا أمه ..
ودي أغير دكتورته ، لأنها مرات تتكلم من دون تقارير و كذا ،،،
يعني يوم قالت أنه أعمى و احنا أصلا نتابع عند دكتور العيون في نفس المستشفى ، كان ذاك الوقت ملفه ضايع ، وقالت كلامها كذا من دون تستند لتقرير العيون ،

بس يالله الله يعيننا ، نشوف وش تقول في الموعد الجاي ،

و الله يجزاكم خيييييييييير جميعا ،
و يشفي مرضانا و مرضاكم ..

ام حنان ربي يارب يشفي بنوتك ويفرحك فيها ويخليها لك يارب
ام الامام بصراحه كلامك اثر فيا كثييير وخليتيني احس اني بجد في نعمه ماكنت حاسه فيها وكنت اغفل عن اجرها
الله يشفي ولدك يارب وتفرحي بشوفته سليم متعافي ويخليه لكم يارب
ويصبرك ربي ويكون في عونك يارب
وماراح انساك من دعوتي ياقلبي ويكفيني انك ذكرتيني بالنعمه الي انا فيها

هلا والله سبسيال الحمدلله على كل حال
بس انا عموري بعد ماسألت هنا في التجمع وحده قالت تحط بدل الزبادي جبنه فسويتها اليوم ومررره عجبته
والله اهون من الزبادي فواكه انتي تخيلي خضار مع دجاج واحيانا ساده وعليها زبادي لا وفواكه كمان :09:
ياليت زبادي من العادي
فعشان كدا احس اهون 100مره من الزبادي
و****لله نلقى حل جديد ومفيد :)

حبيبتي اذا بتسمعي كلام الدكاتره بتموتي
انا اشتغل عندهم وقالولي بنتي مامنها فايدهه افضلها الموت
المهم انا بنتي ما اتشوف ابدا حتى اذا كانت اضاء قويه
قمت سويت تمرين الضوء حطينتها ف مكان مظلم وسكرت عين وحده والولع التورتش مباشرا ف العين الثانيه لمده ثانتين وابعده لمده 5 ثواني وهكذا وبعدها العين الثانيه
كلما اتقوم اسوليها
شو كانت النتيجه خلال اسبوع والحمدلله صار كل ما احط عليها الضوء تفتح عيونها اوسع قبل ما كانت اتسوي كذي
يعني ف تحسن خلال اسبوع وهي عمرها 11 شهر ولدش عمره 4 سنوات حطيه عبطنه مب ظهره
وسويله نفس التمرين العين
حربي اسبوع متواصل وشوفي الفرق

الله يشفيلج ولدج
بنتي كانت اول اتشيل راسها بس جاها تشنجات ورجعنا للصفر
الحين ماتقدر اتسوي شي بس ان شالله في المستقبل
انا مره فيديو لبنت اجنبيه كان عندها نقص اكسجين حاد وقالولهم ما بتعيش واذا عاشت بتكون معوقه
البنت لين عمرها سنه ما اتشوف ولا تتحرك وبعدها اهلها راحو لمعهد ف امريكيا وتعلمو كيف يعالجو بنتهم ف البيت وتمارين ثانيه
الحين البنت عمرها 6 سنوات تمشي وتتكلم وتقرا اخسن من الاطفال الي ف سنها
انا قلت ليش مايصير ف بنتي وقمت طلبت كتابهم وحاليا جالسه اقراه
واطبق كل الي اتعلمه منهم
وسمعت انهم بيروحو سنغافوره اسبوع شهر سبعه القادم بصراحه ما اهرف تكاليفهم بس عندهم مبدا انه الاباء هم الاجابه لاطفالهم وليس المشكله
ويعلمو الاهل وين هي المشكله بالضبط
ومنها يبدي العلاج بس العلاج يكون ف البيت مب عندهم
انا حبيت اشاركم هذي المعلومه
دعواتكم لبنتي