حبيبةأمها :

الموضوع الثاني : انا ولله الحمد والمنه حامل حاليا بدون أي تخطيط مسبق لاني ما فكرت بنتي دوبها سنه ونص عمرها وكنت حاطه في بالي اني ماراح أحمل الا بأنابيب وكذا وتفاجأت بالحمل ماشاء الله تبارك الرحمن الشي الوحيد اللي سويته اني أخذت المكمل كو كيو ١٠ هذا أروع مكمل غذائي في العالم يحسن لك التبويض بشكل خيالي وينظم الدوره بإذن الله طبعا ما كنت آخذه عشان التبويض عشان صحتي عموما لان حتى بشرتي تغيرت يوم اخذته لانه عباره عن مضادات أكسده مهمة لصحة وتجديد خلايا الجسم اقرؤا عنه انتظمت عليه تقريبا ثلاث أشهر علامات التبويض ماشاء الله كانت ظاهره جدا وكنت احدد بدقه تبويضي واخر شهر جاني تبويض مرتين مع اني ايام الانابيب بعد المنشطات والحوسه كان عندي ثلاث بويضات بس فالحمدلله والشكر على جزيل نعمه ما بذلت الاسباب ابدا في حملي وأسأل الله ان يرزقني مافيه خير لي وأفرح بكل أخت فيكم قريب تبشرنا بحملها

الموضوع الثاني : انا ولله الحمد والمنه حامل حاليا بدون أي تخطيط مسبق لاني ما فكرت بنتي دوبها سنه...

حبيبةأمها :

السلام عليكم ورحمة الله وبركاته كيفكم جميعا ان شاء الله بخير وعافيه اخييييييرا دخلت تجمعنا الغالي بعد انقطاع طوييييييل فيه كثير عضوات جديدات ماشاء الله وخواتي اللي من زمان ماشاء الله عليكم مازلتم صامدات على قولة زعيمتنا الله يسعدها وين ماراحت أم الاشبااااال دخلت التجمع معاي موضوعين حابه أتكلم فيهم الاول : قريت لي كم صفحه في التجمع وطاحت عيني على رد أختنا أسوار أسأل الله أن يشرح صدرها وييسر أمرها ويغدق على قلبها حنان معطاء لريحانة قلبها غرام يا أختي الغاليه يمكن في لحظة ضعف دعيتي ان بنتك تموت بس صدقيني لو صار هالشي كان تحسرتي كل ما قعدتي وقمتي ، للي مايعرفوني سابقا انا كان عندي ثلاث بنات جبتهم وراء بعض الثالثه يوم جبتها تضايقت شوي وتمنيت انها ولد من الكلام اللي اسمعه خصوصا من اهل زوجي المهم كنت طول وقتي متذمره نوعا ما لانهم صغار ووراء بعض لين ما جات لحظه فقدت فيها بنتي الصغيره في غمضة عين دعستها سياره كان عمرها وقتها اربع سنوات وشوي توفت وقت ما توفى الملك عبدالله الله يرحمه موتها الفجائي سبب لي صدمه مو بس انا وابوها وخواتها لا للعيله كلها لانها كانت فاكهة العيله الله يتقبلها شفيعه ياااارب وفي ذيك السنه قبل وفاتها بثلاث أشهر زوجي أصيب بفشل كلوي وصار يغسل بعد العزاء بشوي قررنا نخطط للحمل انا وزوجي وفعلا تابعت وتابعت وسويت تحاليل لزوجي كان عنده شوية مشاكل بس ما تعيق الحمل لين شفت مافي فايده قررت أسوي أنابيب لان بنتي الوسطيه بدأت تتدهور نفسيا لان اختها اللي توفت مثل ظلها كل شي مع بعض وسوينا الانابيب بدون تحديد جنس والحمدلله نجحت وجبت بنوته لا اخفيكم كنت اتمناها ولد بس والله ربي نزل على قلبي السكينه والحمدلله صارت دلوعتنا وسبحان الله شبيهه لاختها الله يرحمها وكلنا حبيناها حب الله يعلم به لاني تأدبت مع الله بعد فقدي لبنتي يعني تخيلي رب العالمين يقول سبحانه أنا راح أعطيك هديه بنت صالحه صحيحه وهو وحده يعلم انه الخير لك تردين تقولين ليش يارب أنا أبغى ولد عشان أسكت الناس ويكون سند ووووو وسعي تفكيرك شوي ووكلي أمرك كله لرب العالمين لاننا فعلا نجهل وين الخير انا عن نفسي قناعتي الحمدلله والشكر انه لو وجود ولد بحياتي كان خير لي كان ربي عطاني اياه من اول مولود بس هو عطاني الاصلح لي غيري عطاها لانه الاصلح لها وعطى أمهات أولاد بس بدون بنات لانه اعلم انه الاصلح لهم وغير كذا ربي يعطيك ويختبرك تشكرين النعمه ام تكفرينها وان شاء الله اننا كلنا نكون من الشاكرين والله ثم والله ثم والله ان بناتي أغلى شي عندي في الدنيا وعمري ما افكر انه نقص فيني لاني جبت بنات الحمدلله على عطاياك يااااارب حمدا يليق بجلالك وعظيم سلطانك

السلام عليكم ورحمة الله وبركاته كيفكم جميعا ان شاء الله بخير وعافيه اخييييييرا دخلت تجمعنا الغالي...