مساااء الخيرات

بحكم ان ولدي داوم شهر السنة اللي فاتت
كنت أحط له ساندوتش توست بالجبن السائل أو الشرائح او زبدة الفول والسوداني مع المربى أو العسل
وأحيانا اقطعها له اشكال دب وسيارة ونجمة وقلب وكده لانه عند اللعب يشطب عالأكل
وكنت أحط له حافظة صغيرة طماطم مقطعة مكعبات لأنه يعشقها بجنون يجي احيان مو ماكل الساندوتش بس عمره ما جا مو ماكل الطماطم بس طبعا اقطعها مكعبات واشيل البذور والمويه اللي جوتها عشان ماتحوس الدنيا

حليب سعودية او حليب مراعي بنكهات وبسكوت اوريو او لواكر المربعات فانيليا او تشوكلت او كابتشينو أو كيك لوزين شرايح

طبعا مو مرة صحية بس الله يهديه ما يأكل ع سيرة فأحط له حاجة متأكدة انه حيأكلها عشان مايجلس جوعان ولما يجي البيت أأكله اللي أبغاه

وأكيد قبل مايطلع يشرب كوب حليب وأفطره أنا الصباح بدري

امممم صح أحيان أحط له موز الصغير
وزبيب كمان مرررة يحبه ما شا الله أو عنب حبات

جربت مرة أقطع له تفاح بس صار بني وهو ما كمل الساعة كيف ممكن أخليه ما يتأكسد ويحافظ ع لونه؟؟

كمان بنات شفت أمهات يحطون لأولادهم زبادي أو حليب مراعي فرش العلب
ما يخرب خاصة انه حتبقى في الشنظة وحر جدة تقريبا مو اقل من ٣ ساعات ؟؟؟!

موضوعك حلو انا افكر افطر بنتي قبل ماتخرج واحطلها في البوكس ساندويشه خفيفه وحليب واحتمال حبة معمول او بسكوته
يعني كسناك بس
ولما نرجع البيت تتغدى زي مااحب
بس انا شفت في روضتها مقصف ويبيعو كل حاجه :(
مااعرف اذا يسمحو للروضه يشترو منو لانو الروضه مع الابتدائي يفصلهم ممر ويشتركو بالمدخل
عموما انا ماحعطيها ريالات في جميع الاحوال
بالنسبه للنوم هل بينامو اطفالكم الظهر بعد مايرجعو والاتمسكوهم ينامو مره وحده بالليل
انا دايما امنعها من نومة الظهر بس مااعرف لو صح او غلط

افكر اشتريلها مكتب صغير اليوم رحت ايكيا ولقيت عندهم طاولات وكراسي صغيره بس مو عمليه
وحسيت الطاوله اكبر من اللي ببالي
فتركتهم وخرجت ولفيت شوي على كذا محل ومالقيت الشي اللي ببالي
بعدين فكرت ااجل موضوع الطاوله لبعدين يمكن ماتحتاجهم اتوقع ماحيكون عندها واجبات
ولارح تحتاجهم لسى استنى واشوف بعدين اقرر
انتو اش رايكم لاني مااحب زحمة الاثاث في البيت
هل يحتاجها الطفل

طيب فعلا وايه نظام النوم هل ينامو بالنهار ولا ينامو بدرى وفى كل الحالات ينامو الساعه كام بالليل