كيفكم يامامات اليومين بنتي تعبانه وديتها مستشفى وادويه كلو يخف مع العلاج الا الاستفراغ لازم كل يوم تستفرغ
تقريبا اسبوع وهيه تستفرغ لاحظت انو مايغسلو يدين الاطفال قبل بريك الاكل
راقبتهم اكتر من يوم واخيرا سألت المس مو مصدقه عيوني حتى سئلت بنتي اكتر من مره قالتلي لا ياماما مابنغسل بس بس بنعقم بالجل واحيانا لادا ولا دا
رحت سئلت المس قالت ايوه مايحتاج !!!!
طبعا اديتها ملاحظتي وانو لازم يغسلو بالصابون قبل الوجبه ومااعرف اذا حتغسل لهم او لا
قالت عددهم كبير قلتلها الدادا موجوده ممكن تساعدكم واولا واخير مش ذنب الاطفال انتو مسؤلين عنهم وعن صحتهم
قالت اوكي اليوم دخلت بالصدفه عشان بنتي تعبانه وانا كنت جايه اطلعها للبيت استفرغت عليا وجريت ع الحمام لقيت المويه مقطوعه
سئلت المشرفه قالت ايوه مقطوعه حتجي قريب !!!
يحكوني الامهات انو الين دحين مقطوعه
تخيلو اليوم كلو مافي مويه عن الكي جي !!
الظاهر استخدمو معاهم المحارم :(
الامهات بيشوفو كل هادا عادي وانا مو عاجبني الوضع انتو اش رايكم انا زودتها والا فعلا هادي حاجات تخوف ولازم نديهم ملاحظات وننبهم
بكل الاحوال مازلت متمسكه بالمدرسه واحترمها لان المعلمين كتير حنونين ومتفهمين وكويسين بالتدريس
مستوى بنتي عاجبني كتير واحسهم بيأسسو صح مع انو مالنا شهر لكن سبحان الله متل ماقالو عنهم التدريس عندهم نمبر ون لكن النظافه وبعض الملاحظات تخرب عليهم
اش ممكن اعمل في هيك وضع
وكنت حابه اشكر قصر الحب وكولش وكل وحده بتحط رد وتشرح وتفيدنا كتيييييييييير استفدت من ردودكم وماتعرفو قد ايش بدعيلكم والله من قلبي جزاكم الله خير

كولتش ياقلبي انتي ماقصرتي الله يحفظ بنتي واشوفها في اعلى المراتب الفرنسي قالو لي *** وعليه علامات وانا بالانجليزي ومو مخلصه واني اجيب مدرسه صعبه ما ادري من وين طلعلي  كاندي سلامه بنتك ماتشوف شر قصرالحب الله ييسر لك حجتك بس ها لاتنسي تدعي لنا 

كاندي
سلامة بنتك بس هذا الوضع مرو ما ينسكت عليه لازم تزني عليهم كيف الموية مقطوعه لايام و هاذولي اطفال يحتلجوا الحمام بس اذا مقتنعه بالمدرسة حاولي تزني و تتصلي لحد ما يصلحوا الوضع

دلوعه
لا تشيلي هم الفرنسي هم عارفين انه الامهات ما يعرفوا و ما بيثقلوا عليهم

كاندي
الله يشفي بنتك ان شاء الله ماتشوف شر

سوال حبيباتي
بالنسبه للابتدائي بكم رسوم التيرم الواحد؟