موضوع رائع
بنتي من عمرها شهرين وهي تعاني من الحساسيه
الحين الحمدلله انقع لهابالليل لبان الشحري قطعتين او ثلاث في ماء مغلي والصباح اصفيه واعطيها ع الريق ملعقه اوملعقتي
والحمدلله احسن من اول بكثير ع طول يطلع البلغم وحلو للكحه بس قبل ذوقيه واذا ان مر خففيه بمويه

للرفع

السلام عليكم ..

اول ما قريت عن حساسية الصدر .. اتذكرت معاناة ولدي مع الحساسيه ومعاناتي معاه .. شوفي يا ستي .. لااااااااااازم الجهاز مال البخار على الاقل وهي نايمه ومب حاسه سويلها .. فيه نوعيه انا خذته الانبوب اللي يطلع منه البخار على شكل راس بطه فيلفت النظر وينشغل بالمنظر وباللعب وبيخلص بعد عشر دقايق يعني يا دوب يلحق يلعب الا مخلص البخار ..

المهم ان ولدي هذا كان ياخذ دوا انا ما اتذكر اسمه بس كان على شكل حبوب صغيره جدا ياخذ باليوم حبه وحده وما يمصه بس ياكلها ويمضغها .. وللاطفال الصغار يخلطونه مع شي بارد مثل كستر ونشا وروب ..

سويت له تحاليل مالة الحساسيه ونصحني الدكتور ابتعد فيها عن البيض والحليب ومشتقات الطحين والكاكاو يا بنات .. المهم قدرت اسيطر على اكله ومنعت عنه البيض والحليب والكاكاو اما الخبز والصمون فما تقدرين لانه اساس اكلهم .. ويعني ما اقول انه خف ميه بالميه .. بس الحمد لله .. وكل ما يكبر كل ما يخف عنه الحساسيه .. وكان على طول زكام وماي تنزل من خشمه .. بعد فتره كحه .. وتعالي انتي داوي الكحه ويرد مثل اول بعد اسبوع ..

المهم يوم سمعت عن التداوي بالصدقه مصداقا لقوله صلى الله عليه وسلم داوو مرضاكم بالصدقه فقمت اتصدق بنية الشفاء والحمد لله وايد خف عنه ..

اهم نقطه انه يوم اتشوفون عيالكم فيهم زكام على طول على دايماتب او اكتيفيت .. اذا سيطرتي على الزكام خلاص انتهت المشكله .. يعني لا تقعدين لين يومين .. خلاص اعتمدي الدايماتب او الاكتيفيت او اي دوا زكام معروف وسيطري عليه وادهنيه رجله بزيت الزيتون الدافي وخاصة باطن الرجل . والبابونج وايد مفيج ..

ونقطه وايد مهمه .. اذا شفتي انه مب قادر يتنفس بسبب الزكام ادهني جبهته بالزيت الزيتون وخشمه بس مب تحطين كيلو زيت .. مسحه خفيفه بزيت دافي اشويه .. وسبحان الله ينفتح مجرى التنفس .. لاني مو بس جربته على عيالي الا جربته على نفسي بعد . صج يريح ..

وابتعدي عن البخور بخور العود وهالسوالف لانه اللي يجيب الحساسيه ...

وبس وهاي اللي اكتسبته من خبرتي في التعامل مع ولدي .. واذا استفدتوا من كلامي ادعو لعيالي بالهدايه والصلاح

انا اعترض. جزاك الله الف خير علي الرد ومساعدتك بخبرتك لاخواتك بالمنتدى واسال الله لك بالهدايه والصلاح ولاولادك ولي ولاولادي والجميع

شكرررا الرفع ام غدغده

غلاة زوجها وانا جربت لبان الذكر او الشحري والحمدالله احس خف البلغم من ولدس والكحه


الله يشفيهم ياااارب

أنا كمان بنتي عندها حساسيه عمرها الآن سنتين ونص
حاولت أعودها على شرب الينسون وكانت تشرب كمان زعتر بس الآن كرهته ، بس لازلت مصره وأحاول أعمله لها سندوتشات مع زيت الزيتون زي الشاميين الله يفتح عليهم
وكمان أعطيها منقول لبان الذكر من فتره لفتره وخاصه لما يبدأ البلغم ، وأهم شي ملعقه عسل الصباح ، والصدقه بنية شفائها مثل ما قالت الأخت اللي قبلي شيء لا يستهان به.
والله يشفيها ويشفيها أطفالنا جميعاً يا رب