بنتي الحمدلله بعد عملية القلب جلست تعبانه بس الحين
وزنها
ماشاء الله كيلو
وعمرها شهر واسبوع بالحضانه

وجت وزنها نص كيلو
وعمرها كان ٢٣ اسبوع

اللهم لك الحمد والشكر
وانتي اميره والباقي أش صار عليكم وطبعي وتفاءل والباقي عسى خدجكم بخير

وطفشانه هابشرينا طولت غيبتك ان شاء الله خيرر
ونسمع اخبار طيبه
وهمس بعد طمنينا عن ولدك

انا الحمد لله بنتي طيبه وزنها وصل 900 واليوم عمرها 42 يوم الله يحفظهم لنا يااااارب

الحمدلله اميره خبر حلو ماشاء الله
اللهم لك الحمد يارب

السلام عليكم ورحمة الله ..

حبيباتي وخواتي ..
عشت معاكم يومين متتاليين وعرفتكم وحدة وحدة
وعايشت كل مشاكلكم وهمومكم ،. ارتحت لكم وحبيتكم ..

قصتي باختصار ؛

ولدت قبل 6 أيام ولادة مبكرة في الشهر السادس .. وربي رزقني ولد
عمره ٢٥ أسبوع ووزنه ٧٠٠ جم ..
وصار عنده مشاكل في التنفس ونزيف في الدماغ من الدرجة الرابعة وحالته حرجة ..
الأطباء خوفوني وقالوا لي حالته ميؤوس منها وانه لو عاش لابد مايسبب له النزيف اعاقة
من ولدته وأنا في حالة مايعلم فيها الا رب العالمين ..عيني ماجفت ولاذاقت النوم ..
خايفة وأحاتي .. !!

أبي تفيدوني أكثر عن حالة ولدي .. وهل في وحدة صار لها نفس ظروفي
وابنها تعافى ؟

أملي بالله كبير وثقتي به سبحانه عظيمة
وأنا على يقين بأن ربي بيشافي ولدي حبيبي ويرده إلى حضني ويقر عينه
بشوفته صحيح البدن سليم العقل والذهن ..

أحتاج دعواتكم ،، ومساعدتكم ..
طمنوني عسى ربي يطمن قلوبكم ان شا الله ..

أنتظركم ...