حيااا الله كل الأمهات الجدد:)
فارسه
سوي مثل ما قالو البنات تأكدي مافي احد ضاربو
وانتي اول ما يجي البيت قولي له دقو علينا من المدرسة
ويقولو انك كنت اليوم شطور في الفصل و امدحيه و قولي
له عشان كذا تستحق هدية و شجعيه فترة وتعدي للين يتعود
ام أوسي
يسلموووو يالغلا
وباقي الأمهات كيفكم مع الصغار المستجدين:)

والله ليت الصفوف الاوليه العيال عند معلمات ..لانهم اولى ومثل الام ..مو مثل الرجال مايعرف ينتبه لطلاب وتربيه شينه بعد ...

استشارة بنات
في بنت في فصل بنتي من الاسبوع السابق وهي كل
مرة تقول لي بنتي كلام مرة انتي مشاغبة😰😭مرة خطك مو حلو😰واليوم ختمتها تقول لها انتي مو نشيطة😰وبنتي من النوع الما يعرف يرد يعني طيبة بزيادة و حساسة😰وتتأثر
رغم انه ملاحظات معلمات بنتي في السجل كلها زينة،انا قلت لها اول شي لا تسكتي لها
وثاني شي علمي معلمتك،بكرة حتي لا تستقصدها البنت وتفضل كل يوم تقط
عليها حكي،انا ما صدقت بنتي بدت تتعود علي المدرسة،وتداوم
انتو شو رأيكم ؟؟ وهل في تصرف ممكن اتصرفه؟؟وايش اقول
لي معلمتها انا؟؟

:(

ام رهف انا ولدي صرت اعلمه اهم شي الثقة بالنفس
كدا زي الشعار (اهم شي الثقة بالنفس)
وافهمه على قده يعني لو احد قالك انت وصخ تصدقه?!
يقولي لا ما اصدقه
اقوله ايوة انت تعرف نفسك انك نظيف
لو احد قالك انت غبي تصدقه?!
عاد نفس الحوار
بأقوله حتى لو انا او بابا قلنالك شي زي سبه او استحقار لا يصدق اهم شي هوا يثق بنفسه ويعرف نفسه
انه شاطر نظيف مرتب يهتم في اخوانه ذكي
اقعد اعدد ميزاته مو كدب عليه لا من جد
بحيث لو احد قط عليه كلام يذكر كلامي وحواراتي معاه
انه لا يزعل من كلمه قطها اخد عليه او سبه او صفة او احد قال ما العب معاك
فهمته انه اهم شي يحب نفسه مو لازم الناس تحبك اللي حبك اهلا وسهلا
والي ما حبك هوا الخسران
لاني ولدي من النوع الحساس برضو ويهمه راي الناس فيه ودايم يسأل تحبني تحبني?
فصرت افهمه واقنعه حطي خط تحت كلمة اقنعه يعني مو كلام بس
وفعلا مع الوقت ثقته بنفسه ماشاءالله زادات ومو كتير صار يهتم بكلام الناس وصار يقول انا شاطر لاني سويت كدا انا كدا لاني سويت كدا يعني بدأ يعرف نفسه وما يستنى مدح الناس له
ما اقصد غرور يقول انا كدا انا كدا
قصده شوفيني سويت كدا وفعلت كدا
وبرضو يقولي كدا عشان اقوله شاطر بطل
واقوله ياحبيبي مو لازم على طول اقولك شاطر بطل
انت تعرف نفسك تعرف انك ماشاءالله شاطر بطل
وتعرف اني احبك.واموت فيك