الحمدلله
اهم شي الطفل يعرف الحركات كويس مو بالشكل. لا يقرأ الحرف والكلمات بالحركات والسكون كمان
ويتعلم الشدة
يتعلم شد يعني حرفين الاول ساكن والثاني متحرك
وبنطقكم للحرف المشدد بشويش و ببطء راح يعرف الولد مع التدريب والممارسة
والمدود مهم جدا جدا في بداية السنة كانت صعبة ودحين مافي اسهل منها
والتاء المربوطة
الي هيا ننطقها ها
لو عيالنا عرفو الحاجات ديه راح يقرو اي شي ان شاءالله
وال التعريف
لازم الام ما تكتفي بالمنهج خاصة لو ما يشددو اما لو يشددو خلاص
انا الحمدلله مدرسة ولدي دحين املاء يوميا
ويعلمهم الشدة وكله
وحبيباتي علموهم تقطيع الكلمات
يعني مثلا زي كلمة (فسيحة)
ف سي حة
وبينو واتكو عالتاء المربوطة عشان لو في يوم سمعها يعرف كيف تنكتب
(مدرستي)
مد ر س تي
وعلموها يوقفو عند السكون مو في القراءة لا عند التدريب عشان يعرف كيف السكون يتنطق مع الحرف الي قبله
ودا كله عشان يصير يقدر يقرأ اي كلمة يقرأها
وكله بالتدريب والممارسة

وشددو عالخط الحلو والكتابة بالحركات
اصلا طفل لو الكلمة مو مشكلة كيف راح يعرف ايش مكتوب
احنا الكبار عشان نعرف الكلمات مسبقا حتى لو مو مشكلة بالحركات نعرف ايش مكتوب همن لا

والي طفلها ولا طفلتها ما عندهم e
مايمنع انها تروح جرير تاخد كتاب زي كتب الروضة او اولى يتعلم ولدها الحروف وكلمات بسيطة
لازم نطور من عيالنا دائما
يعني طفل متميز وهوا صغير ماشاءالله خلق دين علم ذكاء وكله
كيف نتوقع مستقبله حيكون?!
نغرس ونغرس وحنلاقي ثمرة تعبنا
والي طفلها بين الستة والسبع
في كتاب تعليم صلاة اسمه
(صلاتي)
تعليم وضوء
تعليم الصلاة
جداول متابعة
بالصور ومبسط
وفي جدول بحيث نحط للطفل نجمة عشان نكافئه بعدين
ان شاءالله راح اعلمه بس في الاجازة
وروحو جرير خدو كتب تربية
وكيفية التعامل مع الاطفال
احيانا في الي تجي تقول ما يحتاج وانه الامومة بالفطرة
لا والله تروح المكتبة تشوفو الكتب تحسو اننا احيانا ما نعرف شي
كتب كيف نخلي الطفل مبدع
وننمي ذكاءه
وووو
كتاب للرد عن اسئلة الطفل المحرجة
ان كان سؤال عن الله عزوجل
او الجنس
او من فين يجوو البزورة
كل اسئلة الاطفال موجودة في الكتاب وكيف نرد عليها
صورت الكتب بس ما اعرف انزل صور

ترا بيدنا نخلي اطفالنا مميزين
انا ولدي عنده فرط حركة وتشتت انتباه
لو وحدة تانية ما اهتمت وخلته يروح مركز وينتكس اكتر
لا انا اشتغلت اشتغلت على ولدي تعبت تعب معاه
دحين ماشاءالله تبارك الله متفوق ومتميز
ويوم زوجي راح مجلس الاباء
الاستاذ بيقول باين المجهود ماشاءالله
وعلى فكرة انا ولدي دخل اولى وهوا يعرف كل شي ماشاءالله حتى المدود وكله
جمع كله ماشاءالله
يعني لو انحط في صف ثانية راح يمشي
المقصد دا وهوا طفل عنده وضع خاص
فأبغى اقولكم لا ترضو بالقليل لعيالكم
ارضو بالتميز بس

الي دخلتو عيالكم سنه اولى كم كانت اعماارهم مكملين السته سنوات وداخلين على السبعه ولا اقل
انا ولدي السنه الجايه يكون عمره خمسه سنوات و9 شهور بدايه الدراسه تنصحوني ادخله بالعمر هذا أولى
وكيف المناهج