السلام عليكم .كيفكم بنات
بسالكم التحجر ايش سببه بطني متحجره لها اكثر من ساعه وضغط نغزات بالمنطقه😥😥

مساء الورد والاحساس والطيبه
كيفكم عسولات مادخلت التجمع أمس حايسه في السوق اختار بلاط للحمام وانتوا بكرامه يبي له حوسه مو بس هو البيت كله يبي له حوسه لازم في كل غرفه احتاج أسوي وأعدل في شي وأبغى أخلص قبل ما أولد ان شاء الله
بالنسبه لتجهيزات المولود الجديد ماشريت الا كم قطعه ارضاء لبنتي من كثر حماسها وبس وماعاد شريت شي بعدها مخي مشغول بالبيت
اللي شايله همه من جد على قولتكم المطبخ بس موقفه ترتيبه لأني طلبت تفصيل زيادة على دولابه عندي مساحه فاضيه وقلت استغلها بس المشكلة ان العامل قاعد يدور نفس الالمينيوم حقي مو محصل ما أدري وش أسوي ما أقدر استبدلها برفوف
الله يسهل يااااارب ويلقى


روز انا أدرس ثانوي بس حاسب الحمدلله انه اختباراتنا قبل الاختبارات النهائيه مع انها راح تكون من نص الثامن بس قاعده أحاول اقنع نفسي انه عادي ويإذن الله سهله وربي يعديها على خي

زوجه المصون
خذي فص ثوم مع زبادي لمدت يومين والله لتشوفي الفرق كيف ينظف المثانه وتروحي الحمام بأستمرار تبولي مرتاحه
انا كذا اذا حسيت بحراره ف البول او لونه تغير وصار غامق اعرف انه بيجيني التهاب
ريحه الثوم كريهه بس العافيه اهم ودوري وقت تكوني لوحدك مثلا اذا نامو عيالك وزوجك خذيه واجلسي بعدهم ساعه واشربي ماء
وادعي لي ربي يفرج همي سجلت دخول عشانك ❤️
وطمنيني عليك اذا نفعك الثوم

مساء الخير ..الله يسهل لكم يارب هانت مابقى شئ ..انا اليوم رحت موعدي دكتورتي حولتني على دكتوره ثانيه..وقالت ليه اني الاسبوع 35 باقي 3 ايام واكمله...
بنات انا مالي خبره في ألم الطلق بس امس حست بغص يشبه مغص الدوره بس خفيف وشد في بطني من السره الى الاضلاع وتحسي بطنك كذا متحجره ومشدوده مؤلم حقيقه ..واليوم كمان جاني بس أخف لما سألت الدكتوره تقولي يمكن انتي ماتشربي مويه وانا الكاسه ما تنزل من يدي طول الوقت اشرب اصلا انا اعشق المويه حتى وانا بدون حمل اشربها كثير..مادري خفت يجيني طلق وانا كلها عمليات ..
كمان قالت الدكتوره راس الطفل تحت ووزنه كيلوين ..والحمدلله قالت بعد اسبوع تجي علشان نحدد لك موعد العمليه هي قالت كذا وانا مسكتني ام الركب من الخوف😓 ياربي سهلها عليه وعلى كل حامل يارب..
قالت موعد الولاده المفترض 6 يناير..بس لاني عمليه خلوها تقريبا في 20 ديسمبر .. ياريت اللي عندها تقويم تقولي كم يوافق هجري..شايله هم المدارس الله المستعان...

مساء الخير صبايا
كيفكم وكيف الحمــــل


الخميس القادم باذن الله موعدي عند الدكتورة .. ودوامي اشترطو علي اجيب تقرير طبي بموعد ولادتي المتوقع عشان تبدأ اجازة الوضع حسب نظام العمل .
لي فترة ما عاد اقدر انام زين .. ولا امشي زين حتى الجلسة اتعب منهـأ .. الله يكتب اجرنــا بس ويهون علينـــا جميعـــا ويسهل لنا ولادتنـا يارب
بسألكم لي يومين ماعاد اقدر البس سنتياناتي .. ماعاد اقدر البس ولا نوع من الالم الي يجيني على حد الصدر من تحت ,, حتى لما اشوفه بالمرايــة معللم بالاحمر كأني كنت لابسة سنتيانه وشدت علي ,, وانا لي فترة ماعاد اقدر البسها وتضايقني

واذا جيت انام على الجهة اليسار ماتحمل وبسرعه ارجع لجهة اليمين احس بالم يضغط على صدري اليسار الله يعين بس ..


قبل اسبوعين رحت المستوصف عشان ابي اسوي اشعة 4 دي
وضاق صدري يابنات ,, دفعت 250 ريال ودخلتني الدكتورة غرفة الأشعه وبدت تشوف وتوريني .. قلت دكتورة غريبه انا طلبت اشعه ملونة .. قالت ايه هذي ملونة بس انا الالوان عندي خربانه
بصراحة ماحسيت بفرق بينها وبين الاشعه العاديـة
وغير كذا قلت لها ابي اشوف وجه البيبي.. وخوفتني يابنات ,, قالت ان وجه الجنين ضاغط عالمثانة ومو قادرة اشوف شي أبدا
تقول اقدر اشوف الظهر والاطراف بس الراس تحت والوجه ضاغط على المثانة ماقدر اشوف ملامح الجنين..
الي استفدته من الاشعه اني تطمنت على صحة الجنين وقالت لي كل شي تمام بس وزن الجنين اقل من عمره باسبوعين
قلت ليه كم وزنه قالت كيلو و 700 جرام .. ووقتها قالت باقي لك اسبوع وتخلصين الثامن المفروض وزنه اكثر من كذا
الله يعين بس بنتظر موعدي القادم يوم الخميس مع دكتورتي الي اتابع عندهـــا