اهلين امهات
الحمدلله خلصت النفاس على خير
وموضوع الغيره بنتي عمرها خمس سنوات تغار من اختها اذا جات لها هدايا او فلوس بالنفاس تجلس تصيح انا ابغى مثلها اقولها اغراض بيبي تقول عادي قولي لهم يجيبون لي كبار اما ولدي البكر مو طاق لها خبر عادي عنده الموضوع الحمدلله

والرضاعه ارضع الاثنين طبيعي وصناعي تمنيت اظل على الطبيعي بس هالمره حليبي قليل من البدايه سويت كل شي من اكل وشرب عشان يكثر بس ماضبط والحمدلله

الحمدلله نحاول نتأقلم مع الوضع الجديد اخوه عمره ثلاث سنوات يحاول يأكله ومرات بصفقه واخته لو انشغل دقيقه شالته..والرضاعة طبيعي وأحيانا صناعي

اهلين وعليكم السلام ورحمة الله وبركاته
الحمدلله اللي ربي تمم علينا وشفنا مواليدنا وحضناهم
انا بالنسبة لي ارضع طبيعي ومع ذلك بنتي فيها مغص
الله وكيلكم امس سهرت فوق الـ ٢٤ ساعه صاحيه
وفوقها بنتي عمرها ٣ سنوات محتاجه احد يأكلها يسليها يمشط شعرها يوديها الحمام يسوي لها اكل
كل ذا اسويه بصعوبه وبتوتر
أفكر اشرب مهدئات زي اليانسون والشمر
عل وعسى حليبي مايجيب المغص لبنتي؟؟؟؟؟!!!
مع اني قرأت اللي عندهم مغص هو كذا من ربي
ماكتمل نمو معدتهم وينمغصون الين يكتمل النمو ثلاث شهور او ٦ يمكن حتى لـ ٩
أحس ودي بكوب قهوه يصحصحني بس اذا شربته رح يخلي بنتي كمان تصحصح وانا ماصدق مرات تنام لها ساعه وانام
مو معقول كيف احس بارهاق طول الوقت حتى لو نمت
وفيه اشياء ثانيه اكبر وهموم كثيره بس الشكوى لله

مبروك التجمع


بالنسبه للرضاعه ارضع الاثنين طبيعي وصناعي
اليوم ختنت لولدي حبيبي طول اليوم نايم ما يبغى الحليب

اما الغيرة فحدث ولا حرج كل شي سواه اخوه
ضرب عض شد شعر شطانة ...كل شي
مع اني احاول ما الاعب البيبي قدامه بس تعود4 سنين
الدلع له
الله يهديهم بس 😏😏