بنات الله يعافيكم
ووين القى كتب اولى ممكن القاها في المكتبات او مالي حل الا تصوير
بنتي مصره انه كتاب لغتي الطالبه عند المعلمه والمعلمه تقول مو عندها مع ان القران وكتاب النشاط والاملاء معاها
عندي احساس انه عندها ومافيها تدور

بنتي وصلت في الرياضيات 11-12 قيمتهم في ورق خارجيه وللحين مارسلت المستوى
القران الكوثر والحمدلله تمام تقيمهم بعد كل سوره
ولغتي اليوم بدات حرف ص)))وعطتهم املاء كلمه عمر ومشعل ومهند مع اني اشوف طريقه مره غلط المفروض كل درس تعطيهم املاء مو بعد وحده كامله تمليهم 18 كلمه وللحين مارسلت المستوى بشكل عام بس تكتب ملاحظه في كتاب
الفنيه رافعه ظغطي هذي ثاني مره تجي بنتي كراستها فاضيه تقول بنات تخليهم يشتغلو معاها وبنات لا بس احسن شي فيها ماتطلب اغراض
الفقه درس سيره الرسول وتوحيد درس الله الخالق وللحين ماقيمتهم فيه
العلوم وصلو وحده ارضنا والاسريه وحده مسك القلم وللحين ماقيمتهم ولا ارسلت ملاحظات

جمان اتوقع مافيه في المكتبات اذا تعرفين احد في مدرسه يعطيك او صوريه الله يعينك
حتى لو معلم لان المنهج نفسه
بنتي يعطونهم الكتب بس بغرامه 50 ريال

ام ليان انا عندي كتاب لقريبتي السنه الي فاتت بس تمرين رقم 5 في كلمات غير عن كلماتهم ومعلمتهم محدده تمرين 5 للاملاء
بصبر لبكره اذا معطوها شفت احد اصور منه مع اني حاسه اني بصوره وفي الاخير بيطلع عند المعلمه
ع فكره 50 مره كثير المفروض يكون اقل استغلال صراحه

جمان المكتبات تبيع كتب اولى
والله انه عندي ثنين زياده بس خساره ماني في الرياض
واذا لكم معلمه تقربلكم
خليها تجيبلك الكتاب من مدرستها
انا الي اعرفهم المعلمات اذا نقص ع طالبه اي كتاب جابولهم
وهم مو نفس المدرسه