الحمدلله خلصنا اخيرا الأختبارات

وعقبال النجاح ياااااارب

الحمدلله خلصنامن الاختبارات ويارب نجتمع هنانبشربعض بالنجاح في كل الموادولاتنسون تشيكون عالبلاك بوردقبل يقفل تاكدومن تحميل المحاضرات والمناقشه والواجبات وبالتوفيق

الحمد لله خلصت الامتحانات على خير


الله يووفقنا يااااااااااااارب

السلام عليكم

مرحبا بنات

كيفكم ان شاء الله مرتاحين

أهنيكم على انتهاء الاختبارات و عقبال النتايج الحلوة يارب


حبيباتي

انا ناوية اسجل الترم الجاي ان احايانا ربي في جامعة الملك فيصل قسم انجليزي انتساب مطور

وأنا حابة اللغة كثير و عندي اصرار اني اتعلمها

بس لما جيت افكر حسيت ان الانجلش صعب عن بعد !!

لأني اعرف ان الانجلش يحتاج ممارسة و انك تتكلمين كثير مع صاحباتك أو مع اعضاء هيئة التدريس عشان تزاولين اللغه بحياتك ..

فكيف الانتساب المطور يوفر هذا الشي و هو اعتماده ع الاختبارات ؟؟؟

أنا كم مرة احاول ادرس انجلش بالبيت بس ما استفيد كثير لأن مو شي يومي وبعدين امشي كم اسبوع و بعدين أوقف لأنه مافي اختبار انتظره واذاكر له و لا عندي صديقات اسولف معهم و اناقشهم ..


انا ما ابغى الشهادة الجامعة لأني الحمد لله عندي شهادة بكالوريوس بس قديمة ( لا تسألوني من متى خخخ )

بس ابغى ادرس لغة عشان أتعلمها لأني أحبها و أيضا احتاجها كثير

فكرت اروح معهد و اخذ دبلوم بس المعاهد يضربون ضربة بالاسعار

المستوى الواحد 3000 ريال !!!!!!!

و تخيلوا أكيد ابغى على الاقل 3 مستويات أو 4 عشان تتقدم لغتي يعني من 9 إلى 12 ألف

والله كثييير

عندي دراسة الجامعه افضل لأنها برضو أشمل

غير المعاهد اللي يدرسون أكثر شي السبيكنق



قلت ما عندي الا الله ثم انتوا اسألكم

علموني ايش رايكم وهل مشيتوا فيه ؟

واللي ترد علي الله يخليها تكتب لي هي وصلت أي مستوى الحين ؟ وايش الصعوبات اللي واجهتها


مثل ما قلت لكم أنا يهمني اللغه اكثر من الشهادة و الدرجات

يعني ممكن تقولون لي الدكاتره صعبين .. انا ما يهمني .. أهم شي المعلومات اللي يقدمونها و ايضا اسلوب الدراسة


شكرا لكم

حبيبتي قلوب نابضة
أنا مثلك دخلت قسم اللغة الإنجليزية وحابة أتعلمها
اول سنة كانت مواد عامة واللغة الإنجليزية كانت عامة
حسيت نفسي ماستفدت شي
بعدها درست المستوى الثاني وكانت فيه مادتين انجليزي
قراءة عبارة عن قطع وكلمات
حلوة استفدت منها وزادت حياتي في حفظ كلمات ومرادفات كثيرة
والمادة الثانية كانت كتابة تعلمك أساسيات الكتابة عبارة عن قواعد وأشياء سهلة وفيه أشياء ثانية تعلمتها وكانت ممتعة جدا
في هالمستوى تطورت عندي القراءة وقواعد اللغة استوعبتها اكثر
وأسلوب الدراسة يعتمد عليك انت تابعي المحاضرا أول بأول وحولي تحلين الواجبات بنفسك والدكاترة مايقصرون
يعيب الانتساب انه يعتمد على التلقين مافي مناقشة مع الدكتور أثناء المحاضرة

والحمدلله راضية عن نفسي خاصة ان كان مستوى اللغة عندي متوسط
ومع الايام راح تزداد ثقافتك باللغة وراح تكتسبين اللغة أكثر
وأنت صادقة المعاهد مو مثل الجامعه اللي فيها تدرسبن المادة من جميع النواحي
القواعد والقراءة والكتابة والأستماع والأستيعاب ومواد ثانية
ولازم تتعبين على نفسك احفظي الكلمات والجمل اللي تمر عليك
أوقفي قدام المرايه وحالولي تتكلمين عن نفسك بالانجليزي <<<هذي الطريقة فادتني كثير

حاولي تقرين قصص انجليزية وترجميها
هي صعبة بس للي حاب يتعلم اللغة راح يتجاوز صعوبتها وخصوصا ان القسم أدبي أنجليزي

اذا تبين المحاضرات مباشرة عندك جامعة الإمام ماني متأكدة بالضبط
المحاضرات مباشرة ولازم تحضرينها بوقتها ولا يحسب عليك غياب
الله يوفقك وان تكوني استفدت