الأخت @ الرسامة @ ..



شوفي أنا ما جربت أحط حنة عند الصالونات لأني أساساً ما أحط حنة .. أنا أصبغ ..
لذلك .. أنصحك ..
إنت تجيبين حنتك معاك ( وإنت تحطين فيها الأعشاب اللي تبينها بس أهم شي لازم تحطين فيها شوية ملح + سدر وملعقة زيت علشان ما تجفف الشعر .... إلخ .. ) .. وتروحين للصالون هم يحطونها ويوزعونها على شعرك وبعدين يحطونك تحت الجهاز .. وبس سلامتك ..


أنا لما أروح للصالون علشان أسوي حمام الزيت .. أسوي جذيه ..
آخذ معاي خلطة زيوتي والشامبو الخاص فيني .. وهم يحطونها على شعري ويسوون لي مساج للشعر وبعدين يحطوني تحت البخار .. وبعدين يغسلون شعري ..

أتمنى إني أفدتك :26: ..

مرحبا بنات الكويت والأمارات والدول المجاورة
ياسلام على الجمال كله
الحبيبة اماراتية اصيلةلأردت التعامل معك ممكن تعرفيني الطريقة
وهذي لكل المتواجدين في الموضوع:26: :26: :26: :26: :26: :26:

شوفي بالنسبة للمشاغل اللي في البيوت كثيرة ..
بس الأحلى .. أم جابر في الأندلس ..
عندك بعد مشغل رناش حق راوية الغانم في الجابرية ..
وعندك بعد وحدة في كيفان تبيع دراريع جاهزة من الأردن ..
وفيه بعد خياييط العربيد اللي في الفروانية روحي شوفيهم ألحين دراريع أشكال وأرناق ..
عندك بعد مشغل زوغة في السالمية ..

هذا اللي أتذكره ألحين .. وراح أسأل خواتي وراح أجيب لكم معلومات أكثر بإذن الله تعالى ..



شوفي أختي تخيط ملابسها وهدومها عند خياط في السرة .. خياطه حيل مرتب .. وأسعاره معقوله ..
وفيه بعد خياط في اليرموك هذا روعة الكل يمدحه وأسعاره حلوة ..
وفيه خياط في منطقة شرق .. خياطته حلوة ومرتبه .. وأسعاره أعلى من المعقولة ..

عموماً لي رجعة للموضووع ..

شوفي بالنسبة للملافع .. فيه وحدة إسمها أم نورة العلاج في منطقة العمرية .. ملافعها روعة .. بس غالية عن جد حيل غالية .. أنا قبل سنتين سويت عندها ملفعين بـ 42 دينار .. بس سوت لي خصم <<< الله يالخصم ..
وخذت مني بس 38 دينار ..
بس شغلها حلو وراقي اللي يشتغلون عندها فيلبينيات وملافعها شغل يد ..

عندك ملافع نوران .. حلوة ورخيصة حيل .. وكل أسبوع أو أسبوعين ينزلون تشكيلة جديدة أحلى من اللي قبلها .. وبنات الكويت ما ياخذون إلا من نوران تقريباً ..

وفيه محل الملفع اللي في المثنى .. حلو وراقي بس شغله مو رخيص ..

وفيه محل كاروه بعد ..

وفيه محل بالعثمان للملافع بس نسيت إسمه ..

عموماً الملافع صدقيني مو مشكلة .. لأن كل مجمع أو في كل منطقة تقريباً راح تلاقين أقل شي محلين أو ثلاث محلات تبيع ملافع ..


وركزي على منطقة الفروانية وحولي والديرة .. لأن محلات الملافع كثيرة فيهم ..

اماراتية وينج حاقرتني :06::time::06::time: