جزاكم الله الف خير ( نجمة سدير ) والله انك ريحتيني يا سارة والله يجمعك مع اهلك بخير ترى جمعة الأهل مافي زيها مادري كيف بأصبر عنهم؟ ياليت الي عندها نصيحة ليه قبل السفر لا تبخل علي سفري بعد شهر ولسة ماني عارفه اجهز عمري عندي بنت و ولدين

هلا نجمه بقولك كيف كانت رحلتنا حنا اول شي شحت الاغراض عن طريق المؤيد قبل روحتنا بأسبوع وارتحنا والله عشان مانقعد نسحب عفش معنا يعني شحنة بعض الملابس والبهارات والتمر والقهوه والهيل وغيرهااا ...

واخذنا ثلاث شناط تقريبآ معنا بالمطار ..

وركبنا على الخطوط السعوديه دايركت على مطار واشنطن طبعآ بالطياره يعطونك ورقه بالانجليزي تعبينها كااامله ولازم ماتخطيين فيهاا ابدآ انتبهي لكل شخص ورقه وتوصلين للمطار وعلى طول يصير قدامك حق الجوازات طبعآ بيكون زحمه وعموما فيه شبااك حق الدبلوماسيين والعسكر الظاهر
وبس اهم شي الورقه اللي عبيتيها بالطياره مااتضيع واذا ماعندك خبره بالانجليزي عطي احد المضيفين بالطياره يعبونها لك

وبعدين اذا خلصتي من الجوازات تلقين الشنط وتاخذينها على طول وتروحين لمكان يدخل الشنط على طول على الطياره المتجه لسان انتونيو
وبعدين فيه صلات حقت الرحلات تروحين على رحلة سان انتونيو طبعآ هنا زحمه وتفتيش
بيقلون لك افصخي جزمتك وتحطين المكياجات بكيس مستقل واذا كان معك لاب توب تطلعين من شنطته اهم شي الويندوز الاب توب لازم يكووووون ااااصلي وانتبهي تجيبين سيديات منسووخه
ويفتشوونك وتمشين وتدخلين صالة الرحلات وبس لين يعلنون اقلاع الرحله ولما توصلين سان انتونيو تاخذين شنااطك من السير وبس .. واي سؤال انا بالخدمه ,,, وشوفي بمطار الرياض راح يقولون لك توصل شناطك دايركت على سان انتونيو لاتصدقينهم انتبهي تراها تصير بواشنطن وانتي تاخذينها

اوكره اكييد جمعه الاهل مافي مثلها الله يعدي الايام بسرعه والله ... وارتاحي ولاتشيلين هم ..

الف شكر سارة انا ودي اروح واشنطن احس احسن من نيويورك بس زوجي حاجز على نيويورك ان شاء الله يغير راية .طيب الرحلة الي سان انتونيو متعبة لما تكون مواصلة من الرياض عيالي معي اخاف يتعبون ويتنكدون الله يعين ..
سؤال ثاني هل فية سامز كلوب في سان انتونيو ؟؟

حبيتي ساره انا متخوفه مررررره لاني بجي لحالي انا والادي شلون معاملتهم مع الحريم الي جيه لحالهم وكم جلستي بالمطار لين خلصتو اوهل فيه اسئله لاني لغتي ميب ذاك الزود يعني يدوب امشي حالي وهل فيه تنقلات بالصالات لين اقبل زوجي هو بيستقبلن بوشنطن وشلون تعملهم مع الاطفال لطيف ولايعملونهم بخشونه اناس مخوفين ومااقدراجي مع زوجي يشهر خمس عربي عشان امتحانات بنتي وحده اول متوسط والثانيه تقيم ثالث ابتدئي اخف اجي مع ابوهم واثر على مستوهم

نجمه حبيبتي مافيه رحله دايركت من الرياض الا سان انتونيو لازم تمرين بواشنطن او نيويورك ..

وتبين رأي ترى مطار واشنطن ااحسن من مطااار نيويورك ... وبعدين ترى من نيويورك لازم تغيرون المطار لمطار ثااني لسان انتونيو بس من واشنطن على طول نفس الصالات بس تنتظرين ثلاث ساعات ...
وبالنسبه للسامز كلوب موجود بسان انتونيو ...

الشهد لاتخافين ااابد ومعاملتهم كووويسه وبالعكس مرره حبوبين مع الاطفاال .. وجلسنا بالمطار تقريبآ اربع ساعات وتمر بسرعه لانو زحمه ..

ولاتخافين ماراح يسئلونك شي او يغثوونك ابدآ ... وفيه تنقلات بالصالات بس طريق شوي تمشييينه ومايضيع يعني مع العالم امشي اذا زوجك بيستقبلك بواشنطن اهون كثييير ومافيها خوف ابدآ ..

وانا هذاني ان شااء الله بعد شهرين بروح للسعوديه لحالي وبرجع لحالي وعادي ماني متخوفه ابدآ ...

ترى لاتشيلون هم مرره الامور بسيييييطه مررررره ..