بصراحه انا رووحت كدا موول بس احلا شيء المحلات اللي بشارع التحليه

هيا نفس الماركات بس تلاقي فيها احسن من اللي بالمولات يااما المقاس مخلص او

الاشياء الحلوه مخلصه...

وكمااان العرب موول بس تنبيييه

اللي تبغى تروح لازم من بدري لانو المحلات تقفل بدري والموول كبير مرررره

وادا زوجك معااك لازم تسمعي كم كلمة تذمر عشان كدا روحي بدري يسير عندك وقت كافي

حتى ادا تعب زوجك وانتي كمان ترتاحو شويا تشربو شيء بعدين تكملوو.........

المحلات مافي محل معين ترجع عالذووق والشيء اللي تبغيه ستايل للعيد...

الله يجزاكم خيـــــــــــــر ............على هالتفاعل ...<<وإن شاء الله تستمروا ..
أنا رحت للمرجـــــــــان ..والاندلس ...<< وقالي صاحب محل
البضايع الجديده للعيدحتنزل فبداية رمضان أو الاسبوع اللي قبل رمضان ...

احساس شجن مشكورةألف شكر ما تقصري والله يجعلها بميزان حسناتك

:2thmup:

الف شكر لكم يااخواتي والله الواحد كذا يتشجع والله يوفقك الجميع ولو نتعاون كل وحدة تجكي عن اي قطعة شريتها يكون افضل
انا سويت لزوجي جدول
مجمع العرب
التحلية
ميغامول
التحلية سنتر
ستارز افينو
والله يعين
مجمع العرب قلت اش صار معايا اني اشتريت ومن H&M بلايز مو للعيد بس لما اروح لاهلي ولا اهل زوجي
التحلية لفيت اغلب المحلات والله مافي شي يناسب للعيد يعني لقيت بلايز حلوة بس ينفع تشتريها للجامعة او خرجات يعني بحياتك اليومية مو للعيد
اشتريت من ايتام بس والله لاني استحيت من زوجي ارجع كذا بس شكلو برجعوا :06: مو قد كذا

بنتي انا اشتريت لها من (مون سون_H&M_اوكسترا _سيتي بلازا غيارات)
طبعا لقيت انها محتاجة طاقيات راس على كل فستان هي بالعيد حيسير عمرها 6 شهور وكذا خساير والله يعني الطاقية بحدود 50 وانتي طالعة فاشتريت لها بس 2 واشتريت من كليرز كلبسات صغيرة الوان يعني تمشي مع بقية الفساتين وكذا وفرت
وقبل يومين رحت لاهلي وفرجتني اختي اللي تجهز على لانجريات مره خطيرة نعوميه وحلوة لما سألتها قالت لي من الهرم اللي بالمحمدية يجيب اشياء حلوة عاد انتوا وحظكم انا عني مره اشتريت بجايم من الهرم وتوبت معاد اشتري منو ععندهم خلل فالمقاسات

واليوم نازلة ميغا مول بدور فستان لزواج اختي
وعلى فكرة يا بنات للمعلومية في محل في ميغا مول لبسو لبس اعياد اللي هوا مارينا وهوا لو فروع بالحجاز والنجار وعزيز مول لكــــــــــــن هوا يختلف عن كل الفروع لانو بضاعتو فرنسية اما باقي الفروع لالالالالالالالالالا
انا مره اخذت منو بنطلون ورجعتو بالفرع اللي بعزيز مول قالي هذا ماعندا زيو ولما استفسرت عرفت هالمعلومة وماادري عنو دحين لسى على مستواه ولا لأ
وعواتكم ليا اني الاقي لبس عيد وارتاح

رحت لميغا مول وطلعت لكم بجولة سريعة لانو زوجي ورا دوام وماقدرت افصفص السوووق
بس اخذت نظرة سريعة لي رجعة بالتفصيل

واللي راحت السوق تقولنا

يلا كل وحدة تعتبر نفسها مراسلة وتنقلنا الاحداث بالتفصيل ونوفر على بعض الوقت

وجزاكم الله خير