نفيلة :

صباح الانوار كيف الحال والله احيد امس تركتكم في الصفحة 61 ما شاء الله عليكم اليوم وصلتم ل69 حشى حريم صحيح يوم يقولوا انه الحريم يسولفوا كثير صدقوا اولا شكرا حبيباتي على الترحيب و ان شاء الله العداد يزيد بالكلام المفيد ثانيا لا تستغربوا مشاركاتي في نص الليل تراني خفاش انام النهار و اصحى بليل ههههههه الحقيقة اني ما في عمان و لما يكون عندنا صباح يكون عندكم بليل ثالثا وحشتني السلطنة و ناسها شو الاخبار هناك و ايش الجديد غير عن انه سعر البيوت نار و المعيشة من سيء لاسوء الله يعين ام عزيز اسمحيلي و الله بروحي ما اعرف معنى نفيلة الا ان الاسم سمعته من سنين و عجبني كثير و بقى في بالي من يومها بس ما ادري احس " اتفلسف الحين " انه تصغير لنافلة و الله الاعلم العيوز العمانية هلا بام منذر بس اكيد منذرك رجال الحين دام انك عيوز و بعدين تعالي هنا ويش تسوين في النت المفروض الحين تجلسين و حواليش احفادك و الي يبغى مينو و الي يريد 100 بيسة يعني تعرفي سوالف الجدات :) صح على سيرت المينو كم صار سعره الحين ؟ بصراحة تعرفوا ايش اكثر شيء اشتقته في عمان ........................................................... العصائر الطبيعية الكوكتيلات و الشقف و الجماعة التابعة الغم هنا كله معلب مافي عندهم مطاعم تبيع الطازج و كله بارد بيبسي و اخوانه و بعدين يحاربوا السمنه مادري كيف بيحاربوها و هما اصلا ما عندهم عصائر طازجة " فتحت المواجع " يالله نخليكم الحين و لقاءنا في الغد القريب ام منذر

صباح الانوار كيف الحال والله احيد امس تركتكم في الصفحة 61 ما شاء الله عليكم اليوم وصلتم ل69...