انا من كلية التربية الأدبية بالرياض

أحسن ما فيها الصديقات والأستاذات
دكتوراتها قمه، رائعات، فيها النخبة مثل نوال العيد ونجلا المبارك

بس غير كذا حووووووومة تسبد القاعات زحممممممة والمكيفات خرااااااااانة

ما فيه كراسي، تضيع نص المحاظرة وحنا نلف ونلف ندور كراسي وما نلقى

وين الكراسي فيه ؟؟؟
تلقينها أكوااام أكوااام مكدسه فوق بعض قدام الكفيتيريا فوق ميتين كرسي

المكيفات دايم تخر ب ونشتكي ما يصلحونها وقاعتي العام كان فيها طبلون كهرب التمس وطلع دخان

ولا الأمن يا عيني عليهم والله

أهم شي يبيعون بلايزهم
مرات أشوف بنت لابسه بلوزة شفافة وكم جيبونيز ما يقولون شي علشان البلوزة سودا بس لو تلبسين خيمة لونها غير الأسود أو البيض على طول مخالفة إما تشترين منهم بلوزة وتلبسينها ولا انطقي محبوسة في جحرهم لين يقضى الدوام كاني ما جيت إلا علشانهم أما محاظرات ولا بروح للمكتبه اشوف بحوثي ، انطقي ولا كلمة

إلا عاد إذا انتي تعرفينهم ما يخالف بتقول انتبهي للبلوزة وسلميني على الوالدة ومع السلامة.

ولا شئون الطالبت مااااااايدرون وين ربي حاشرهم فيه

اهم شي اكشخي والبسي وتعالي تقوهي وكلي حلا وطقي حنق ومن يوم تجي الساعة ثنعش ونص البسي العباية وطيران على الباب ترا مهوب مهم يخلصون شغل الطالبات اهم شي يخلصون حلاهم علشانهم ما جو إلا علشان ياكلونه

كممم مرررة اشوف بنت تقول استلمت نتيجتي من الشئون مكتوب فيها اني ناجحة وإذا جا التحضير قالوا ليش جايه هنا انتي باقية للإعادة

وحدة شفتها عندهم تقول:
داومت سنه كااااملة وانا حامل وبطني كبير وتعبانة بس علشاني رابع قلت اظغط نفسي واخلصها واستريح ويوم جت الأختبارات النهائية قالوا انتي مطوي قيدك ليه داومتي من الأساس

وليه نروح بعيد
انا نفسي أجلت العام وهذي السنه قالوا تعالي بداية الفصل الأول لانهم طبقوا خطة دراسيه جديدة يمكن يصير تأجيلي ترم واحد مهوب سنه كاملة

ومن أول الفصل وانا داقة عتبت بابهم اروح واجي ابي اعرف بيعطوني مواد ولا لا ويوم بعد الامتحانات الشهريه قالوا لا ماعندس مواد
ويوم جت الامتحانات النهائيه قالوا عندس انقطاع ليه ما داومتي

وحده قالت لي داومي في كل المواد من بداية الفصل الين يعلومنك وش المواد اللي عليك !!!!!
وش السالفة تبون تذلوني يعني!!!

ومرة بعد ما خلصت من تمسيح وجهي في بلاطهم وأسألهم ويقولون ما ندري اصبري تعالي بكرة تعالي الاسبوع الجاي ولا الموظفة المسئولة غايبة (ويا كثر ما تغيب ) جيت أبي أطلع قالوا لا قلت لية ؟؟قالوا جيبي ورقة من الشئون ورحت للشئون قالوا ما نعطيس لية ما تعطوني؟؟ انتي طالبة ما نعطيس وبس!!!
طيب انا ماجيت ادرس انا بس لسألكم سؤالين واطلع

والطلعة ذي عندهم سالفة لو بتومتين موتي اهم شي ما تطلعين !!!

كأنك في سجن ذل وين ما تروحين ذل الكل يشوف نفسة عليس وينفخ ويهاوش وانتي طالبة تسكتين وتنطمين ولا تقولين ولا كلمة




وبعد هذا كللله تقولون لي لية اكرها
والله ما يصبرني عليها إلا صديقاتي وهم الحين بيتخرجون وانا قاعدة تمرمط


قال ايش قال تعليم عالي .......

أولاَ هـــــــــــــــــلابك :26:
ثانياَ أنتي مسجله منتدى جامعة الرياض ؟؟
والله ماأظن يدخلونه لأنه كله شكاوي ومحد يرد على أحد ؟؟:06:
شئ يضيق الصدر؟؟:44:

saltskar

هلا وغلا اختي وحياك الله بينا

انتي باي فرقة واي قسم

ممكن نتعرف .................!!!!!

انا الفرقة الاولى قسم دراسات

مررررررررررررررررررره فله الموضوع
وحبيت اشارك معكم اذا تقبلوني واصير وحده منكم وفيكم
والله اني حايسه عندي ها الترم تربيه عملي وابيكم توسعون صدري وما تحرموني من خدماتكم

ودمتتتتتتتتتتتتتتتتتتتم بود

هـــــــــــلابك صمت أنثى
وحياك الله أنتي اي قسم؟؟