ولله الحمدلله كويسين وفي نعمها وانتي شني حالك وشني جوي بنغازي.
:) :26: :) :26: :) :26: :) :26:

صٌبحكم بالخير يابنات ويانِسونات ... كيف حالكم كلكم من غير تحديد .......
يلي في ليبيا شن مدايرين مع النو ( والله ما ينفع فية غير سلاطة و دلاع )
ويلي متغربين شن الجو عندكم ؟؟؟؟؟؟؟؟؟؟؟؟؟؟؟ ان شاءالله مليـــــــــــــح

وخيتي بتول وين مغطسة ولا ريات ... شورا دوخك البازين هههههههههههههههه
آه شن درتية ...... طمنيني عجبك ولا .... لالالالالالالالالالا راهو عندي حاجات ثانية

صباح الورد والفل والياسمسن لأحلى بنات حواء ..كيف حالكم فردا فردا حتى لا انسى احد ....
اختي الفالحة مازال ما درتش البازين وكل يوم نطلب من راجلي يجيب قرعة ولما يخش للحوش يضرب ايده على راسه ويقول نسيت لكن الباين اليوم بنكلمه على الموبايل قبل رجوعه باش يتفكر ...بس تعرفي اليوم غداي بإذن الله
إما بازين بالدشيشة او رز بالبصلة مازلت في حيرة ...ها شنو رأيك؟؟؟

مدام على الغالية انا ادرس ما بعد الدراسة الجامعية لكن حاليا اعمل متعاونة في نادي صيفي لصديقاتي اعطي فيه دروس عن تنمية وادارة الذات وتنمية الثقة بالنفس وكيف نصير ايجابيين ...للأطفال من عمر 6 الى 17 وربي يسترني ونقدر نفيدهم ...ومع الدروس يتخلل الموضوع بعض التنويهات عن الأمور الجنسية بدون ما نخوض في تفاصيل بس يعني بعض الإضاءات حول التعامل مع الجنس الآخر وكيفية التعامل مع النفس (دورة شهرية _ زيادة الإحساس بالرغبة للفتيات ) وكل زلك في إطار ديني ...وزي ما قلتلكم ربي يسهل ونكمل الدورة على خير ادعولي ربي ييسرها هي قريب تتم فاضل منها اسبوعين

السلام عليكم كيف حالكم يابناويت
وبارك الله فيكم كلكم ماقصرتوا وربي ان شاء الله مايوريكم سو

بعد هالغيبة بنكمللكم مجموعة الصور اللي نزلتها على مدينة طرابلس
طبعا نزلت صور على برج الفاتح وذات العماد وسوق المهاري
اليوم جايبتلكم صور مطعم جديد في شارع بن عاشور جنب الركن الشرقي يدعى ايوان القادسية
نخليكم مع الصور
لكن طبعا اسعاره نااااار

يا عيني عليك يا شانتال يا مبدعة ..هكي المراسلات والا بلاش مش قاعدين ياكلوا البازين وبس !!!! طبعا زي حالاتي ......بالفعل غيابك يا شانتال ترك اثره في الموضوع ربي ما يغيبك ...نبي نسألك مشيتي لإيوان القادسية هذا ...زعما شن يقدموا فيه وما مستوى اكلهم او حلوياتهم يا ترى زي الركن الشرقي او افضل وهل لديك فكرة عن اسعارهم تقريبا تتراوح بين كم وكم ...بإنتظار ردك يا غالية