السلام عليكم كيف حالك يا ديلون ان شاء الله بخير انت وصغارك او زوجك
بالنسبة لبرنامج الحفلات طبعا اني اندير في لمات جياب او حتى اللي اهنئ
الليبيين اللي معانا في كندا او طريقة التقديم نبدوا بالشكلاطة والعصير بعدين
الحار واللي هو ايكون رز بلاو والا رشدة كسكاس والا مكرونة بالشعيرية المهم
ومعاها المعجنات زي بيتسا او كروسان او امبطن او بوريك طاجين جبن ولحم
دجاج او لحم سعي محمر في الكوشة او تزيني بيه الوجبة من فوق او مع الحار
طبعا صلاطات زي صلاطة خضراء او صلاطة مشوية والا تبولة اللي تبي اديري
وبعدها الشاي والقهوة والحلويات او كل وحدة ادير فلي تبي من انواع الحلو او بالنسبة
لطريقة التقديم انديروا في بوفي او كل وحدة تاخد بروحها احسن من التفريق لان في من مزال
يبي يزيد او هادي فكرتنا في جميع مناسباتنا احني الليبيين في كندا وان شاء الله انكون افدتك
او ربي ايعاونك ان شاء الله او تفضلي اي خدمة واحني اخوات او ما نلقوش الا بعض :27:
السلام عليكم كيف حالك يا ديلون ان شاء الله بخير انت وصغارك او زوجك
بالنسبة لبرنامج الحفلات طبعا...
خيرك العفو ما شفتيش ردى و قايلتلكم انى فى امريكا
و علاش مغتربين ياحنة إقامه ( الله يرجعنا لبلادنا سالمين )
و بالنسبة لسؤالك على الآكل فى المناسبات ماشاء الله عليها الآخت مشيمشة كفت و وفت جزاها الله كل الخير و انا نفس الشئ و اصلآ هذا اللى ماشى
و فى حاجات تانية تقدرى اديريها زى لازانيا و صحن منوع من الخضراوات زى البراكلى و الجزر و البازيليا و الذرة تعرفى يطلع شكله حلو بالمرة و إلا ساندويتشات بالتونة ولا الهات دوق خصوصآ لو اللمة فيها صغار
و سلامات توا