em mohamed :

السلام عليكم كيف حالكن يا بنات ؟ وش الجو؟ (على رأى الشبيبه فى ليبيا) تعرفوا رانا محتاجين لدوره فى اخر اصدارات اللهجه الجديده والاختصارات اللى طالعه موضه . انا لما تغربت حتى كلمة صقع عليك ما لحقتش عليها توا لما انروح حيضحكوا على دوتى من الدق لولى . وما شاء الله شانتيل فالحه تبارك الرحمن الله القعد ايهبل ونشم فى صنة البصله فايحه والمسير زايد حلاوتها. أن شاء الله ناكلوه فى فرحك قريب يا احبيبه.... وهذا الحلو من مطبخى . تاجورا مرحبتين انستينا جارتى من تاجورا ما شاء الله عليها دابينك بحذاها وانتِ تضحكى جوها عالمى ربى يحفظها لصغارها. خطرها شفتوا ليبيا امس فازت فى المباراه على روسيا البيضاء ما شاء الله يلعبوا اكويس واخيرا فرحونا وفازوا أن شاء الله ديما فايزين ... نبى ننشدكن يا بنات من تعرف حاجه عن المدارس الانكليزيه فى ليبيا يعنى مدارس تقراى العيال سمعت عن مدرسه امريكيه ومدرسه ايرلنديه فى بنغازى تعرفوا عليهن حاجه؟

السلام عليكم كيف حالكن يا بنات ؟ وش الجو؟ (على رأى الشبيبه فى ليبيا) تعرفوا رانا محتاجين...

alia57 :

سلم هالآيديات ماشااااء الله رووووعة و ان شاء الله فى فرح الصغار يارب تبى الصراحة خاطرى فى البسبوسة عجبتنى عالآخر لو سمحتى ممكن تعطينى الطريقة :42: شكلها يهبل و انى ماعنديش معاها روح نستنى فيك يا حبيبة:26: والله انك صادقة احنا محتاجين لهذة الدورة ولا يقعدوا يضحكوا زى ما قلتى و بالنسبة للمدارس والله مانقولك بالضبظ لآنى قعدة فى امريكا بس سمعت على وحدة فى طرابلس مش بنغازى و بالتحديد فى قرقارش يشكروا فيها ماتقبلش إلا اللى عندهم الجنسية من الدول الآجنبية وان شاء الله باقى البنات يفيدوك

سلم هالآيديات ماشااااء الله رووووعة و ان شاء الله فى فرح الصغار يارب تبى الصراحة خاطرى فى...

ليبيا قلبي :

ما شاء الله تبارك الرحمن ربي يعطك الصحه على الحلو ,الرجيم باز هههههههههههههههههههههههه. بالنسبه لمدارس في بنغازي في مدرسه البريطانيه في بالعون وفي مدرسه يونانيه وفي الباكستانيه. وان شاء الله انكون افادتك.

ما شاء الله تبارك الرحمن ربي يعطك الصحه على الحلو ,الرجيم باز...

em mohamed :

خير يا عيله صحتين عليكن البسبوسه والكيكه ومازال هلبه حلاوات غير خايفه عليكن من السمنه ومضارها ربى يحفظكن . الله يسلم حالك يا تاجورا ما هو لو الكاميرا ديجتل يطلعوا الصور احلى وايه شفتى المباراه ؟ انا ما انتابعش فى الكوره بس كنت نبى انسجلها لزوجى ما عرفتش فقلت خلينى نتفرج وننقلها له حيه خخخخخخ لقيت روحى ننقز انا ولدى الصغير بعد ركلات الجزاء :) وانا ساكنه فى كندا يا حنا ,على راى الليبيين وين ما نسى عنتر شلاكته حتى أنا قاعده انراجى يا دى ليون وعلى قولك انواكبوا النهضه امس جارتى باعثيلها حلويات من ليبيا ما شاء الله اتذوقى حاجه تنسى أختها اشكال والوان شكلنا قعدنا من العصر الحجرى شانتيل قولينا اخر حاجه طلعت عندكم فى الحلويات رانا ما زلنا على موضة المعمول والكعك الحلو :hahaha: شانتيل ربى يرزقك بولد حلال عاجلاً غير أجل (توا لما ايجى اتقولى ياريتنى قعدت فى حوش بوى خخخخ مره مره انقولوا فيها) كثرى من الدعاء وتحرى ساعات الاستجابه يوم الجمعه بين الاذان والاقامه وان شاء الله انباركولك قريب بس الله الله فى العزومه (وحده جعانه) ليبيا قلبى الله يسلمك يا احبيبه وانا ننشد على مدارس بنغازى لانى نبى انقرى العيال فيهن كان سخر ربى وسمعت عن الباكستانيه بس المدرسين قالوا لى باكستان معناها اللكنه الله لا تروعك وبصراحه ما نبيش العويله يقعدوا امتنحين مش فاهمين اللغه :42: باهى شن معلوماتك عن البريطانيه لأنى دورة على موقع لها ما لقيتش فى بنغازى لقيت فى طرابلس بس واليونانيه هذه شنو ايقروا يونانى والا انجليزى؟ كان تعرفى عليهن معلومات ورسومهن ما تبخليش عليا بيهن وبارك الله فيك أنتِ وين قاعده؟ صحيتى يا تقربصتى وبارك الله فيك على المعلومات وكان كلمتيها بنت عمتك ما تنسيش تنشديها ينوبك فيا ثواب. والكهف غير جيبى لنا أسمه أو أسم الدود اللى قلتى عليه توا أنطلعوه لك . شوقتينا انشوفوه. وردى بالك على وزنك لأن ساهل الوحده اتزيد فى الوزن بس صعب تفقده . الله ايسلمك يا امشيمشه اسمك حلو كل ما نقراه تخطر عليا مربى المشمش مش عارفه ليش؟ ومرحبتين بيك البسبوسه ديما جاهزه عندى صغارى غاليه عليهم ولأنه سريعه فهذه اللى فى متناولى انتِ غير شرفينا وبسبوستك محفوظه الله يسلمك يا علياء وما تغلاش عليك وهذه الطريقه (ما اتخرش الميه راهى) 2 كوب سميد 1 كوب دقيق 1 كوب سكر 1 كوب حليب أو قشطه او كريمه (اللى عندك) 1 كوب سمن 1 كوب جوز هند 1 ملعقه باكنق بودر بيضه فانيلا وخلطيهن مع بعض وزينيهن باللوز يا لوز وحطيهن فى الكوشه وبعدها صبى العسل وكولى بالهناء والمدرسه الامريكيه فى طرابلس لقيت موقعها على النت اهوا http://www.state.gov/m/a/os/56522.htm

خير يا عيله صحتين عليكن البسبوسه والكيكه ومازال هلبه حلاوات غير خايفه عليكن من السمنه ومضارها...