تيومة :

السلام عليكم اختى الفالحة جربتى اديرى الحلوة بالعسل الطبيعى والله ماشية معاى ووجهى ماينوضش منها كشيكين عسل خليهم يغلو شوية وبعدين ااستعمليها زى الحلوة العادية وان شاء تطلعى منورة العرس :27: وفيكم بارك الله يابنات كلكم ونستنا فيكم عاد ليبيل قلبها نبى نطلب منك طلب صغنون نبيك اديريلى توقيع حلو زيك وان شاء متقلتش عليك:26: ولكم تحياتى واحترامى

السلام عليكم اختى الفالحة جربتى اديرى الحلوة بالعسل الطبيعى والله ماشية معاى ووجهى ماينوضش...

ليبيا قلبي :

تيومه من عيوني بس مش انا الي دارته, توه انحطلك الرابط واطلبي منهم توه ينفذوا لكي http://forum.hawaaworld.com/showthread.php?t=549459

تيومه من عيوني بس مش انا الي دارته, توه انحطلك الرابط واطلبي منهم توه ينفذوا لكي...

em mohamed :

السلام عليكم كيف حالكم اليوم يا بنات أن شاء الله احوالكم تمام والله يبارك فيكم وعقبال صغاركم تفرحوا بيهم وبشهاداتهم . ما شاء الله ع الافكار فالحه وتيومه أن شاء الله فى ميزان اعمالكن . بكرا الجمعه ما تنسنش حاولن تقرن سورة الكهف (أنا لما نفطر فى الصبح انشغلها على طول ) ما تميت الفطير ألا وأنا والحق سوا :42: وما تفوتوش لحظة الاستجابه وباش تدعن باللى فى خاطركن.. لو تقدرى تدعى كل نص ساعه لعلها تصادف وربى يستجيب بحوله تعالى. وشنو قلتن بالنسبه لختم المصحف قراءه كل شهر كل يوم نقروا جزء وانقسموه على الصلاوات كل بعد صلاه اقرى وجهين ما يخذنش 10 دقايق يعنى كلها 50 دقيقه فى اليوم امفرقات واحسبى الحسنات اللى اتحصليهن انا بديت من اليوم هيا من تسابقنى اختى امشيمشه تقربصتى تقصد بالافرنجى وتصادف بكرا الجمعه 13 جمادى الاولى يعنى اول الايام البيض بس انا ما نقدرش انصيم ,مازلت محتفله بنجاح بو الصغار والعزايم كاثره :22: دى ليون الفلاش حلو وسمعته اول ما حطيتيه بس ما كتبتش تعليق من مده كاتبه الاذكار فى ورقه ولما انصلى الصبح نقراهن توا اغلبهن حفظتهن وحتى صغارى تعودوا ايقولوهن معاى خصوصا بسم الله الذى لا يضر مع اسمه شيئ فى الارض ولا فى السماء وهو السميع العليم (3 مرات) بارك الله فيك وبارك الله فيكن كلكن يا بنات ايوه هكى خلونا نتعاونوا على الرفقه الصالحه . حقه نبى انروح بصغارى لليبيا ادعوا لى ربى اييسر امورى ويسهل علينا. وشفت رابط المدرسه البريطانيه بس الرسوم هلبه فى الشهر هذه امدايرينها اغلى من الجامعات هنايا. يعنى دولار 3000 الولد فى الشهر وانا عندى 3 صغار 9000 دولار امريكى فى الشهر بصراحه هلبه وحتى لو ان مستواها سوبر انقولوا بس اظن مش حتكون فى مستوى المدارس هنايا وخصوصا الامكانيات حتكون بالهون. والله احترت ومعش عرفت ما اندير المدارس العامه وكلكم عارفين المستوى والغش ربى يهديهم . والخاصه كلهم ناجحين ممتاز والمستوى خلونى ساكته لما انكلموا العويله غادى كلهم اصغارهم جايبيين الاول على الفصل وممتاز امالا من اللى ما ينفعش كان كلهم الاوائل؟ وهنايا صغارى ماشاء الله ماشيين اكويس ومعدلاتهم ممتازه وما دا بيه الواحد ايفكر لقدام ويقروا قرايه تنفعهم لما يكبروا وما يتعبوش هلبه . وربى ايسهل علينا وخلاص.

السلام عليكم كيف حالكم اليوم يا بنات أن شاء الله احوالكم تمام والله يبارك فيكم وعقبال صغاركم...

مشيمشة :

[em mohamed] اختى امشيمشه تقربصتى تقصد بالافرنجى وتصادف بكرا الجمعه 13 جمادى الاولى يعنى اول الايام البيض سامحيني ياوخيتي تقربصتي والله اني فهمتك غلط لوين وضحتلي اختي ام محمد الله ايباااااااارك فيها وان شاء الله ماتكونيش ازعلتي مني :(

[em mohamed] اختى امشيمشه تقربصتى تقصد بالافرنجى وتصادف بكرا الجمعه 13 جمادى الاولى يعنى اول...