السلام عليكم و رحمة الله و بركاته
كيف حالكم يا بنات كلكم ان شاء الله بخير
سامحونى ماخشيتش المدة اللى فاتت كنت تعبانة شوى بس توا احسن و الحمد لله :)
و جايبتلكم فلاش رووووووعة نتمنى تسمعوه و الله لما سمعته لحمى كوش:(
الله يرحمنا برحمته و يغفر لنا ذنوبنا اجمعيييييييييييييين
نشوفكم على خير ان شاء الله :26:
السلام عليكم و رحمة الله و بركاته
كيف حالكم يا بنات كلكم ان شاء الله بخير
سامحونى ماخشيتش...
كيف حالكم اليوم أن شاء الله ما بيكمش؟
ديلون سلم ايدياتك شن هالحركات ؟اعزمينى حتى انا لما انخطم عليكم من كندا لليبيا توا اندير ترانزيت عندكم .
شانتيلا ما شاء الصور حلوه وخصوصا المنظر من فوق صحيتى واسمحى لى انحطهم فى موضوع بلاد الزهر والحنه
ولو تقدرى اتصورى لنا سوق المهارى الجديد قالوا ايهبل ما شفناش
ننتظروك يا مراسلتنا من قلب الحدث.
تقربصتى بارك الله فيك على القصه اللى حطيتيها
ذكرتنى بقصة اصحاب الجنه اللى فى سورة القلم
نفس الشيى ثلاث خوات وبوهم كان فاتح البستان امتاعه للمساكين يسترزقوا من ثمره ولما مات بوهم قالوا انهم بيسكروا الباب ومعش يبوا يخلوا حد يأكل رزقهم ومشوا الصبح بكرى بيش يقطعوا الثمار قبل ما ايجوا المحتاجين وياكلواوما قالوش ان شاء الله لكن ربى وهم نائمون ارسل طائف عليها قلبها ودمرها فأحرق ثمرها وصارت رماد ولما وصلوا وشافوها يحسابوا ارواحهم ودروا الطريق ومش هذا بستانهم لكن تيقنوا ان هذا من ربى عاقبهم ولاموا بعضهم واستغفروا ربهم .
وقال ربى فى كتابه
((كذلك العذاب ولعذاب الأخرة أكبر لو كانوا يعلمون))
وقانا الله واياكن اخواتى من السخط والعذاب.
بتول اهلا وسهلا انستينا وشرفتينا
مشيمشه وليبيا قلبى كيف اخباركن
ام الغوالى صحيتى ونستنى فى تليفونك وبارك الله فيك
علياء أن شاء الله طهور وربى يعطيك اصحيحتك ومشكوره على الفلاش