تجربتي مع التقويم
..
أعجبني انه لكم تجمع ...
وهذي تجربتي في عام ؟؟؟ماأدري بس كنت في 3ث بديت من سنه 1ث ابحث عن احد يقوم اسناني وماكان منتشر عندنا او يسويه احد كان قبل تسع سنوات ورحت لمستشفى حكومي وكشفو على اسناني وحشواللي مسوس ونظفوها لي..(حكومي ببلاش) بس استغرقت فتره من الزمن (سنه)
ثم أخذت تحويل للمركز الرئيسي في المنطقه لطب الأسنان (منطقة القصيم)(مستشفى الملك فهد التخصصي) وكان الدكتور هندي بس ماكان ودي ان يكون رجال وكنت في 2ث فتركت المستشفى وسألنا مستوصفات خاصه لحد مالقينا إمرأه تعمل التقويم ..
بس صارت غاااليه لأنه الوحيده بالمنطقه؟؟؟؟
وراح على التحويل للمستشفى التخصصي وكان ببلاش رجعت لمستشفى مندينتي وسويت تحويل ثاني ورحت للهندي بالتخصصي وكانت الفحوصات سهله للغايه أخذو المقاسات والأشعه (ماكلف علي ولاريال )(الله يعز الحكومه)))
وصار ماتحتاج اسناني اي خلع فقط برد بين جميع الأسنان (تفليجات)بسيطه ..
أول ماركبت التقويم بعد اسبوع من اخذ المقاسات ركبت التقويم مع بعض بيوم واحد قواعد الأضراس والأسيام وكل شي(مو مثل الحين كل زياره يركبون شي تروح سنه وانتم ماخلصتو من التقويم)على فكره التقويم شريته أنا ب 700ريال وكان لونه فضي (الشكل التقليدي اللي كنا نشوفه بالجرايد)
وأول ماركبت التقويم منت اسرب سوائل فقط واكل حاجه مايعه زي الشوربات لمدة 3أيام تقريبا وبعدين صار الوضع عادي لكن ممنوع اكل علك أكلته مره وخلع لي حبة تقويم..
لكن كل مره ازور فيها العياده ويسوون لي شد للسيم يبدأ الألم زي أول من جديد وكان المفروض يجلس علي سنتين لكن بعد سنه ونص يعني في النصف الأول من الجامعه صار زواجي ففكيت التقويم عند عياده خاصه وبع الزواج بشهر رحت للدكتور واخذ المقاسات مره ثانيه وشريت تقويم جديد لأن الأول ماينفع وركبته وجلس علي سنه ثم صارت اسناني ماشاء الله زي اللولو وضحكتي ماتنمل (قامت تمدح نفسه..أنا ماكانت اسناني مايله كثير فقط القواطع راقيه شوب على بعض وأحد الأضراس منسدح)
وعطان الدكتور تقويم متحرك يخلع عند الأكل وبعد سنه قال لي اللبسيه لمدة سنه عند النوم فقط ولاعاد تطبين علينا الااذا خالفت عليك اسنانك ...(عجوز)
والحمدلله بعدمافكيته جلست مدة ثلاث سنوات لكن مع حملي الجديد (اللحين حامل )تغيرت اسناني واحس انه رجعت شوي زي أول والضرس اللي كان منسدح وقام انسدح مره ثانيه ..
أن شاء الله بعد الولاده راح ابدأ اراجع العياده الله يهون علي وعليكم ويرزقكم الابتسامه الجذابه والحلوه بذكر الله ..

وسلامتكم وآسفه على الإطاله..

أختي وهج الحنين قرأت ردك في صفحه 50 بالعكس الدكتور المتمرس يحاول قدر الإمكان مايخلع اسنانك لأن الأسنا حراام وجريمه انها تخلع من غير سبب هذا كلام الدكتور الهندي اللي كنت اراجع عنده ..
أختي الصغيره اللحين تراجع بمستشفى المللك سعود بعنيزه مصري لكن قال لها نفس الكلام انه جريمه اخلع الأسنان وقرر برد الأسنان عند كل مراجعه بس للحين ماركبت التقويم ان شاءالله بع الإمتحان
واخت زوجي هند الدكنور المصري نفسه لكن عندها اسنان زائده 2 والفك شكله ضيق لذلك بيخلع له اثنين فوق واثنين تحت غير الزائدات ..
والله ينولكم ماتتمنون ..

وهج الحنين,,,,الله يجبر بخاطرك مارد علي الا انتي,,,
رحت لها وبردت اسناني ونزفت لثتي لين تعبت,,,
الحين استخدم المطاطات عشان اطباق الفكين,,بس الام غير طبيعييييييييية بزياااااده والله تهون عندها الام الولادة قسم بالله!!!لدرجة اني والله مسكرة فمي ومضربة عن الاكل والكلام كله لاني ماقدر افتح من المطاطات والمها,,اشوا اني صايمة اليوم بس يوم جاء الفطور ابي اكل تمرة ماقدرت بغيت اصيح رحمت نفسي<<<وبعدين
تصدقين اخذ بروفين600 ولاااااااينفع ,,,مع انه اقوى مسكن,,,
صدق اذا قالوا,,لا وجع الا وجع الضرررررس<<مابالك اذا صارت الضروس كلها !!

wahg_al7aneen السلام عليكم ورحمه الله وبكاته ..,,.

اختي الله يعافيك بأطلب منك طلب ..,, اذا ما عليك كلافه ..,,
ابيك تسألين لي الدكتور اذا رحتي الموعد الجاي .., شوفي
انا حطيت تقويم سنتين ونص وشلته وما كنت راضيه بالشكل مره يعني عادي صح تحسن عن اول
لكن مو اللي كان في بالي ..,
ما علينا . بعد ما فكيته حطيت الرتينر شهر بعدين انكسر طاح مني .. ورحت سويت جديد
وركبته 4 شهور فقط .. تكاسلت وخليته ( وارجوك لا تقولين ليه وحراام عليك ااااخ اللي فيني يكفي
نفسيتي زفت مررررررره من هالموضوع والحمدلله على كل شي)..

واللحين لي يمكن من فكيته سنه .. وفيه سنين متغيرين واحد رقى وواحد رجع على ورى وهم جمب
النابين .. وصغار مره ودي اكبرهم ..,,

أسأليه يصلح اكبرهم يعني اسوي تلبيس .. وبعد سنه اسوي تقويم من جديد
سؤالي: يصلح اسوي تقويم وانا ملبسه اسناني؟؟... ياااااااااااااليت
تسوين خير فيني ..,,
واتمنلا اذا سألتيه ترسلين ي وتعلمينلي عالخاص ..,,

اختكـ s7aab** , واسفه اذا ثقلت عليك .

شخباركم بنات والله من زمان عنكم وخصوصا وهج تحيه خااااصه لهاااااااا:26:
انا رحت الموعد يوم السبت اللي راح وشالت المطاطات اللي تربطينها بين الفك العلوي والسفلي مغاطين على شكل اكس تربطينهم من الجهتين وانا من شهرين حاطتهم وقالت لي خلاص لا عاد تحطينه
وحطت لي المغاطات اللي على شكل o على كل الاسنان ماعدا الدريشه اليسرى اللي ما صكت حطت عليها مغاط الشد رابطته من الناب الين الضرس في الجهه اليسرى بس
يارب فهمتو علي :rotaeye:
على فكره مختاره اللون سماوي على تركواز قريب من هاللون بس حلو
كنت ناويه احط اخضر مسويه فيها بشجع المنتخب بس اشوى كان مخلص عشان ماتذكر هزيمة المنتخب:icon36: