سيدة بيتها :

انا تجربتي مع التقويم بدأت من قبل سنة تقريبا عملته في مستشفى سعد بالخبر مع اني ساكنه بالدمام لأنه بصراحة من احسن المراكز بالمملكة ولا يقارن ابدا ابدا بأي مركز اخر.. بالنسبة للطبيب اخترت الاستشاري الاردني الدكتور سامر زويده طبيب ممتاز جدا جدا.. للكشف والاشعةوعمل القوالب المبدئية للتقويم كلفتني فقط 500ريال وقد سبق لي ان خلعت اثنين من اسناني عندهم ..من فضل ربي لم يضع لي الربلات او البلاستيكات وضع لي بدل منها مثل قوالب معدنيه على الاضراس الاخيرة فقط ومتصله بسلك معدني على الحنك الاعلى وبعد اسبوع رجعت ووضع لي التقويم على الفك الاعلى فقط وهو الى الآن فيني وهذا لأني لااحتاج الا على الفك الأعلى بسبب نقص احد الانياب عندي منذ الطفولة خلعته ولم يظهر بديل له فأنحرفت اسناني وبدأت تتخلخل و كان الحل في التقويم بعد مامضى نصف العمر الله المستعان :22: ..المهم كلفني ستةآلآف فقط قال الدكتور دفعة اولى 1800 ثم كل جلسه500ريال اعطاني واكس (الشمع ) اضعه اذاانكسر التقويم او بدى يجرح اللثةواعطاني مثل الأبرة من البلاستيك ادخل فيها الخيط وادخله بين الاسنان للتنظيف وفرشاة تقويم وفراشي صغيرة جدا وخيط اسنان ملاحظاتي: 1_اخواتي بنات الشرقية من ارادت ان تعمل اي شي باسنانها حشو_ تركيبات_ تقويم انصحكم بمستشفى سعد لاني كما يقول المثل اسأل مجرب لفيت ولفيت على جميع عيادات الدمام والخبر بعد معاناةطويلة مع الاسنان ودفعت المبالغ الباهظة وماوجدت الراحة لأسناني الافي سعد علما بان الاسعار غالية ومرتفعة لكن كفاية التعقيم والنظافة والاستشاريين المهرة والتقنيات الحديثه الي يستخدمونها. 2_ انا لااتفق مع من يقول التقويم لاينفع بعد الثلاثين يقول الطبيب ينفع حتى سن السبعين اذا كانت الأسنان قوية

انا تجربتي مع التقويم بدأت من قبل سنة تقريبا عملته في مستشفى سعد بالخبر مع اني ساكنه بالدمام لأنه...

!i! سكر نبات !i! :

بقول لكم تجربتي انا عندي الفك العلوي فيه بروز خفيف وفيه فراغات جدا بسيطه بين الاسنان الاماميه يعني ضحكتي مو حلوه اما اللي تحت مرصوصه وحلوه مافيها شي مركبه التقويم لي ثلاث شهور ماخلعوا لي ولا ضرس الحمد لله اول شي نظفوا الاسنان بس ماحشوا اضراسي حسبي الله عليهم مع ان فيه شوي تسوس الدكتوره فلبينيه ركبت لي فوق وتحت بغيت اموت من الوجع صدق كرهت حياتي تقريبا اربع ايام وراح الالم وبعد ثلاث اسابيع حطت لي المغاطات وكرهت حياتي مره ثانيه لاني مدري شلون انظف مكان المغاط مضايقني بعدين بعد اسبوع ركبت القواعد وبسس والحين كل شهر اروح علشان يشدونه فيه الم شدييد يومين ويروح انظف اول شي فرشاة فيها فراغ بالوسط بعدين فرشه نحيفه ادخلها تحت التقويم وبعدين انظف بالخيط اهم شي بعدين غسول مطهر وبس مشكلتي انه كل شوي ينفك واحد اللي على الاضراس اللي تحت واسناني الحمد لله دخلت على ورى مع ان المده بسيطه لكن فيه تحسن الحمدلله والفتحات تسكرت باقي شوي بس تتسكر كلها وباقي شوي بعد عشان ترجع لورى اكثر بس فيه مشكله كبيره احس ان الاسنان العلويه مدري شلون كانها مالت :( يعني الاضراس جهة اليسار دخلت مره ونازله مقدر اطبق اسناني على بعض احس فيه غلط ؟؟؟ واحس ان فمي مايل مدري وشلون بس اهلي يقولون انتي تتوهمين مدري وش اسوي ووجهي نحف مع ان وزني مانقص بالعكس زايد كيلو ؟؟ يعني التقويم ينحف الوجه ولا شلون ؟؟ التقويم سعره 6000 بيجلس سنه مدري سنه ونص وممكن يااختي صرئوعه اوي تقولين انتي من وين لايكون نفس المستوصف حقي ؟؟ يالله متى افكه احس انه عذااااااااااب نفسي وجسدي تعبت منه هم على قلبي

بقول لكم تجربتي انا عندي الفك العلوي فيه بروز خفيف وفيه فراغات جدا بسيطه بين الاسنان الاماميه...

Stupid Mistake :

انا من البنت المتقومات:42: ههههههاي شوفوا ياحلوات.. اقروا تجربتي القصيرة مع التقويم:) انا ركبته عند عيادة ابن سيناء ولله العيادة مش بطاله.. والدكتور الي اتعالج عندو شغله ممتاز الحين صار لي مركبة التقويم يمكن حوالي 5 شهور بس ولساتني ماركبت تقويم الفك السفلي.. لساتني في الي فوق.. هذا شغلته شغله الله يسامحه عندي مشكلة انو الاسنان متقدمه شوي.. بس بسيط حلها وكل شي مع الوقت يعتدل ركبت تقويم معدني يعني عادي.. حلو شكله وخاصة مع تغيير لو المطاطات شهريا:p احس شكله جميل:pيعني يعطي ابتسامتي طابع ثاني اول موعدين .. لما شد الدكتور السلك .. ماألمني كثير.. يعني الم بسيط.. وكنت اكل عادي بس بعد ثالث موعد ابتدى الالم.. طبعا اسبوع ويخف.. الاسنان الي متقدمة مابتألم كثير.. لكن عندي ضرس صاير مايل نوعا ما .. هذا الي يألم بجد:( بس كلوو في سبيل الجمال يهوون:d بس القهرررر.. انو كان عندي موعد في شهر رمضان .. وللاسف اني انشغلت ومارحته وماحصلت لي موعد الا بعد شهرين!!... وانقهررررررررررت بقوة.. بس يلا هانت الحين باقي 10 ايام على موعدي نظامي بعد تركيبه قبل كنت متعوده انظفهم مرتين في اليوم .. يعني قبل النوم وبعد مااصحى اما الحين بعد كل وجبه لان الاكل يعلق في التقويم ويضايق.. يعني تحسي انو فيك شي غلط:09: افضل فرشة استخدمتها.. ومازلت استخدمها .. هي فرشة اورال بي - بالسار واستخدم فرشة الخاصة بالتقويم.. هذي الي تجي دقيقة عالشان تدخليها داخل التقويم وطبعا خيط الاسنان مااستغني عنه.. في العاده استخدمه مرة وحده.. وهي قبل النوم والمعجون استخدم باردونتاكس..احسن معجون استخدمته.. سواء المعجون الي يجي وردي.. او الجل الاخضر وغسول الفم.. الوا دنت..جدا رائع على حسب كلام الدكتور انو راح يضل معاي سنتين .. بس ممكن تزيد الفترة.. وممكن تقل.. يعني على حسب في البداية وقبل تركيب التقويم خلعوا مني ضرسين من الفك العلوي ماألموني بالمرة.. الا اذا فتحت فمي في اول يومين .. تعرفوا الهوا والبروده تألم:09: واخييييرا.. سعر التقويم 6000 وشوي.. بس انا متأسفة اني ماركبت عند سعد التخصصي.. احس عنايته غير!! وخاصة اني متعوده على عيادة ارامكو.. بس الظرووف هي الي تحكم على العموم.. الله يفك تقويم سنوناتنا على خير:42: سلاااام بنوتات حلوات

انا من البنت المتقومات:42: ههههههاي شوفوا ياحلوات.. اقروا تجربتي القصيرة مع التقويم:) انا...

"دلع" :

وين سوت اسنانهاومن الدكتور ؟؟علشان الافاده مستشفى الملك فهد بجده عند الدكتور تيسير وبصرااااحه رهيب بالبداية ماكنت مقتنعه بالحكومي بس الحمدلله مرة مرتاحه وانا الحمدلله حالتي ماهي صعبه كانت عندي الاسنان اللي تحت ماهي مرتبه مرة ولما رحت للدكتور قال عندك بروز خفيف في الفك العلوي والحمدلله ركبت التقويم بالبدايه اول ماراحت وش سوولها وكم ضرس خلعت وكيف الالام وش استخدمت من علاج ؟؟ اول شيء طبعا القياسات وهالكلام الفاضي وخلعت اربعة أضراس اللي خلف الانياب والحمد لله عدى الخلع على خير وماحسيت بألم بس المشكلة الحين بيخلع لي ضرس العقل وهو لسه ماطلع يعني السالفه فيها شق وخياااااااطه وأنا مرة خايفة وبعدهانوع التقويم اللي حاطته والمده كم بيستمرعليهاوالسعر ؟؟ التقويم العادي بس المطاطات ملونه أمل بالنسبة للمده أنا في الحج بكمل سنتين والموعد اللي فات قال لي الدكتور اني في الربع الاخير من العلاج وش تاكلون بالبدايه اول ماحطيتواالتقويم وكم يوم وخف الالم وبعدهااكيف تاكلووون والله أول يوم ركبته خليتهم يسووا لي شربة وبعدين بديت اتعود الحمد لله لكن بغيت اسألكم ايش تستخدموا مسكن للألم بعد الشد

وين سوت اسنانهاومن الدكتور ؟؟علشان الافاده مستشفى الملك فهد بجده عند الدكتور تيسير وبصرااااحه...

نظره متفائله :

اهلا فييكم بنات تجمع حلوو نشكر صاحبة الموضوع والله وكل البنات الي شاركوها انا ناويه احط تقويم قريب ان شاء الله بس مو بنفس المدينه الي انا فيها علشان كدا ابغى اعرف منكم تقريبا تقريبا قد ايش زيارات للعياده خلال فترة العلاج علشان اعرف يعني كل شهر متلا ولا كل اسبوعين تقريبا ولا ايش؟؟ ومين يعرف عن عيادات المدار في المدينه المنوره ومين احسن طبيبة تقويم فيها وشكراا ياحلووين تحياتي ...

اهلا فييكم بنات تجمع حلوو نشكر صاحبة الموضوع والله وكل البنات الي شاركوها انا ناويه احط تقويم...