انا صار لي 9 سنوات من اكتشفت فقر الدم اللي فيني
طبعا السبب ان تغذيتي سيئه جداً ولين اليوم اعاني من هالشي
اول ماكتشفته كان صدفه والاساس كان عشان يسوون لي تحاليل حق الكلى
كنت وقتها دايما دايخه واتعب بسرعه بس ماكنت اعرف حتى شنو فقر الدم
ولا ادري كم كان بس عقب صرت كل ماسوي تحليل يطلع الهيموجلوبين ناقص
اذكر من 6 سنين جتني فتره كله نايمه ماقدر اقوم انام من العصر لين اليوم الثاني
ولما حللت طلع 9 وانا ماحسيت ان 9 يعني نازل وايد لكن الدكتور قال لي 9 يعني فاقده ثلث الدم اللي فجسمي
وبس عقبها ارتفع لين 10 وعقب لين 11 طبعا هاي كله لاني صرت اخذ فيروغلوبين او فيروز
ايه صح والفيرغلوبين سبب لي لوعه مب طبيعيه وغيرته بنفسي حق فيروز اللي عباره عن حبوب مضغ
والدكتور قال لي لازم اخذ حديد كل ماتجيني الدوره مدى الحياه لانه دايما يرجع لي
وجات فتره وصلته 12 وماتهنيت 6 شهور الا رجع نزل
طبعا الاعراض ما خفت لان طلع عندي نقص فيتامين د بس الدوخه هي اللي خفت
وحاليا الهيموجلوبين 11.2
وبس والله كأني قلت لكم قصه حياتي

الله يشفينا جميعا انا بعد احلل للغده كسل وقالي الهيمو جلوبين ناقص من تعرف دكتور ممتاز بالرياض لاني اراجع الحبيب بس مو ذاك الزود 

انا عندي نقص ف الايرون طلع 15 والحد الطبيعي هو50 وسببه كان عندي قرحه وزاد عليها اللولب كانت الدورة تجيني نزيف لحد ماكشفت عند طبيب تغذية وعالجت نفسي واعراضي شحوب نحول فقدان شهية ونعاس وتعب ورجفه بيدي وتساقط وبطأ نمو شعري وطبعأ العامل النفسي يأثر وبس

اختي ليان لولو كاتي الي مركبه لولب لازم تاخذ حبوب قابضه للشعيرات الدوميه مع الدوره علشان ماتنزفين كثير ويصير عندك فقر دم اناكمان اعاني من فقر الدم

انا يابناتاشعر بتعب من ابسط شغل اقوم به وحس ارتفاع بدرجة الحراره وعظامي توجعني مقدر اقوم رغم اني صغير وحس تعب ورهاق وجفاف بجسمي يتصفط زي جلد العجوز واخاف اروح احلل مدري هل هاذي اعراض فقر الدم وايش اعلاج فقر الدم