حتى انا سمعت انه اسماء حتمشي بس لاتخافين حيطوها مع اي وحده وكلهم كويسين


بنتي الحين مع رنا لها جلستين من بدأنا والحمد لله ماشيه تماام.ومبسووطه من الروضه

الا انتي وش سويتي مع بنتك سجلتيها فيين؟؟؟؟

ما سجلتها عشان عمليتها جديدة والدكتور قلنا ننتبهلها الين الجهاز ما يلتأم من جوه لانه حط الجهاز في مكان ثاني
مو زي اول
اسجلها ان شاء الله على السنة الجديدة
روضة بنتك في اي حي عشان بندور على بيت مناسب لسه مالقينا
وبعدين في فلروضة اطفال زي بناتنا
بعد الروضة في مدرسة يعني مجمع ولا بس روضة

السلاااام عليكم انضمت لكم اليوم فتاه جديده اااه ياقلبي بيتقطع واااسوني طمنوني قلبي وعقلي وبالي مشغووولين..
امس رحت مركز جش سويت لبنتي تخطيط سمع عمرها اشهر سته اشهر ونص
قالوا ان عندها ضعف حسي عصبي شديد

اااااااااااه ياقلبي دموعي ماجفت كل ما اشوفها قلبي يعورني عليها
وابوها مثلي مره متاثر

قررو لها سماعات لحد بعد سته اشهر ويشوفون لو ما فادت يزرعون القوقعه..
طمنوني مين طفلها كذا وسمع وتكلم بالسمعات
بدون قوقعه؟؟
وكيف اتعامل معها بالسماعات هي لسا صغيره شسويلها؟؟
وتتوقعون في غلط في التخطيط باقي عندي امل..

ااااااااااه ياقلبي عليك يابنتي

ندوش حبيبتي الحمد لله اعاقه بنتك في سمعها بس .شوفي حولك اللي توحد واللي ضمور واللي تخلف عقلي


والله يوم اروح المستشفى واشوف اطفال حالتهم صعبه ومتعبين اهلهم احمد ربي مليون انه بنتي عندها ضعف سمع وزي بنتك حسي عصبي شديد جدا !!!!!بس تصدقين الله ياخذ منهم شي ويعطيهم شي ثاني يعني بنتي ماشاء الله ذكيه


بنتي لبست سماعات وتحسنت عليها مرره بس النطق كان مو مفهوم لبعض الناس ..تصدقين حتى ابوها ماكان يفهم عليها لازم انا اقوله وش تقول لان اكثر احتكاكها معي ..ولا تغلطين غلطتي..اكتشفت ضعف بنتي وعمرها زي بنتك وماشديت معاها في السماعات لانها كانت ترفضها وترميها وخليتها على راحتها ولاتعودت عليها الا لما صار عمرها سنتين ونص يعني راحت اهم سنتين في عمرها بدون سمع بس الحمد لله على كل حال

انتي بنتك لسا صغيره لبسيها سماعات وتكلمي معاها على طول ودخليها جش في برنامج تدخل مبكر وترى بلاش الى سن 3 سنوات .ومادام اكتشفت هالشي بدري ان شاء الله بنتك راح تتكلم وتشوفينها طبيعيه باذن الله

بس هااه لو ماستفادت من السماعه وقالوا لك ازرعي على طول ازرعي لانه كل ماكانت العمليه والطفل صغير راح تكون نتايجها رووووعه وكأن الطفل ماعنده ضعف سمع وحتتكلم عاادي وحتى نطقها ماراح يتأثر

انا للاسف زرعت لبنتي وعمرها 5 سنوات صح تتكلم بس نطقها باقي ماتعدل يبغى لها جهد الله يكتب لنا الاجر يارب

معلش طولت عليك واحس باقي ماقلت كل اللي بقلبي

ام جوجو

روضه بنتي في حي النهضه شمال جده .بس تصدقين بعد ماسجلتها قالت لي ابله رنا اللي في جش لو سجلتيها اقرب روضه لبيتك .اي روضه مو مشكله بس عشان تتعود تخالط اطفال طبيعيين وتحاول تصير زيهم حتى لو ماتعلمت زين مو مشكله

بس بصراحه احترت مره بعضهم يمدح هذي الروضه والابله تقول اي روضه !!!!!!

في الروضه بنات زي بنتي 2 انا اعرف امهاتهم لانهم ياخذوا جلسات في جش . وماادري اذا فيه غيرهم ز

هي فيها فصول دراسيه اولى وثاني وثالث بس تصدقين اولاد بس!!

والمشرفه اللي قابلتها قالت لي انهم ماشيين في اجراءات فتح فصول بنات .يعني على كلامها ماتجي السنه الجايه الا وهم فاتحين فصول ابتدائي بنات