اختي ترانم
قالتي المنسقة لزراعة القوقعة حاولي تستخدمي السماعة في الاذن الثانية ممكن يتحسن سمعها
طبعا دون الإستغناء عن سماعة القوقعة
وقالتي في أطفال أعطوا إستجابة بعد فترة
بس الي الان ماأستخدمتها عشان القالب الي من السيلكون يبغالوا تغير وإن شاء الله نغيروا وأستخدملها هو

اخواتي ياليت اذا كل وحده تكتب يوميات تدريب وش طريق كل وحده ومدى الاستفاده انا ان شاء الله عندي موعد لبنتي عند اخصائية التخاطب وراح اكتب لكم وش يصير معي علشان نستفيد اكثر من هذا التجمع

اهلييييييييييييين اختي ترانم اكييييييييييييد مع التدريب راح يعتمد على سمعه اكثر لانه توه اللحين في البدايه وحاولي على طول انك تكلمينه وانتي مغطيه فمك بيدينك وكلميه من صوب اذنه وانا اعرف واحد نفس مشكلة ولدك ما سوى العمليه الا وعمره ثمان سنوات وقبلها كان يلبس السماعه العاديه وكانت حصيلته اللغويه زينه بس كان معتمد على قراءة الشفايف وحتى امه تقول لو اكلمه من ورى ما يفهم شنو اقول لازم اكلمه وجها لوجه واللحين عمره 12 سنه وصارله 4 سنين من سوى العمليه وما شاءالله ما تفرقين بينه وبين الطفل الطبيعي الا اذا شفتي السماعه ما شاءالله وكلامه حلو ولا تيأسين بس اهم شي لا تهملينه وكلميه على طول مثل ما تكلمين اخوانه يعني عادي مو بالبطيء والله كريم ان شاءالله ويشفي عيالنا اجمعين............

اي صح وبالنسبه للسماعه العاديه تقدرين تلبسينه بأذنه الثانيه لان اغلبيه اللي اعرفهم ملبسين عيالهم السماعه بأذنهم الثانيه وحتى الولد اللي كلمتك عنه يلبس السماعه بأذنه الثانيه وتقول امه اذا بغى يلعب كوره يحط سماعة القوقعه ويخلي السماعه الثانيه ولتقوية السمع بأذنه الثانيه وانا ولدي بس البسه سماعة القوقعه لاننا فصلنا له سماعه جديده وللحين ما خلصت لان القديمه نوعيتها مو زينه واي شي تبينه انا بالخدمه..........

بالنسبه لولدي اللحين احاول اركز معاه بأعضاء الجسم و اكثر ما يحببه بالتدريب السبوره احط الكروت عليها واثبتها بالمغناطيس وبدى ما شاءالله يميز العين والشعر والاسنان ويحاول ينطقهم بس يقول اول حرفين ويعرف يد وباقي الاعضاء للحين يخربط فيها والله يعين ان شاءالله .............