هلا خواتي اختي نجمة الليل سئلتي الاخوات اللي عيالهم يتكلمون كيف نظمهم معاهم وايش تطوراتهم يعني استفسرتي منهم لانه سنه مرره فتره زمانيه حلوه نفسي خواتي اسمع صوت ولدي

السلام عليكم

اخباركم

نجمة الليل .. فعلا سنه فتره زمنيه قصيره على تعلم الكلام ماشاء الله عليهم .. انا ولدي باقي له شهر ونص ويصير له سنه مسوي العمليه

يارب لك الحمد

وصلنا بالتدريبات في الصوت والصوره (الاصوات القصيره والطويله ) ومو راضي يتقنهااا صراحه هو ملوول

واجيب له مدرسه بالبيت تقريبا مرتين بالاسبوع مع اخصائية المستشفى

واخذت له موعد في التعليم المبكر .. صراحه بعيد في شهر محرم .. الله يحينا حياة طيبه

...

تطورات ولدك بنت الحمايل بشرينا عنه ..

اساحب .. جيب له وحده في البيت مافيها شي .. وراح تساعد بتعليمه اكثر

ام التركي .. هلا بك .. والله يعينا وياك ومثل ماقالت اختي بنت الحمايل قدمي له ع الخدمة الاجتماعيه يصرفون له سماعات

واستعجلوو عليه الوقت يمر ..

هلا اختي دلع مودي نوع جهاز ولدي فريدوم ومصنوع في استراليا وهو اخر جهاز نزل لزارعي القوقعه..........

حياش الله اختي بنت التركي معانا في التجمع وان شاءالله تفيدين وتستفيدين...........

اهلييييييييين اختي بنت الحمايل سألت ام البنت وتقول اننا في البيت كلنا مدربين لها يعني ما شاءالله البيئه تساعد وتقول لانها اول حفيده لعائلة زوجي واول حاله في عايلتنا كلها وتقول علشان كذا الجد والجده يكلمونها على طول وعماتها كل وحده تدربها من صوب وعمانها وانا وابوها من صوب وتقول حتى الخدامات يكلمونها على طول وهذا غير الاخصائي اللي تجيبه لها طول الاسبوع يعني ما شاءالله واحس اهم شي البيئه اللي عايش فيها الطفل مو نفسنا احنا اغلبية اهلنا للحين مو مقتنعين بنجاح العمليه يعني نفسي انا اللحين اغلبية جماعتنا يأشرون لولدي لان عندنا اطفال من اهلنا صم واهلهم مو مهتمين فيهم يعني ما فصلوا لهم سماعات ولا سووا لهم العمليه ومتعلمين لغة الاشاره والله يعين ان شاءالله........