الف الف مبروك الله يتمملك اختي
انا سويته وحللت يوم 12وطلع سلبي
ايش كانت مشكلتك وهل هذي اول مره
تسويه وكم كانت عينه زوجك

ماشاء الله تبارك الله
اللهم يتم ملك هذا الحمل وتفرحين فيه يارب
عطينا تجربتك كامله وين سويتيه وايش السبب
وكيف عينة زوجك وهل ارتحتي ولا لا
واخذتي مثبت ولا


انا اليوم اليوم 7 وصراحه من سويتها معي الم فضيع
فالجنب الايمن اكثر والايسر اخف واحس بثقل فرحمي
ولم اذا مشيت او وقفت فجأه او جلست بسرعه
وشد اسفل بطني يروح ويجي
والم فالظهر خفيف يروح ويجي
ومررره خايفه اخاف صار عندي كيس من المنشطات
لان الالم غرررريب
حتى عند التبول وانتوا بكرامه احس بالم فجنبي اليمين

الله يبارك فيكم جميعاً
الى تبي تعرف ايش عندي وفين سويتها وكل ذا الحكي ابشر 🤓
انا متزوجه من اربع سنوات ماعندي مشاكل والحمدلله
زوجي كان الحيوانت المنويه صفر والحمدلله تعالج
ووصلت 14 مليون
وقررت اسوى العميله حقن مجهري ل اول مره
وحجزت عند امامي شلتوت ب سمير عباس
وجلست شهر استني الموعد
وقبل الموعد بكم يوم سويت تحاليل لي ولزوجي قلت عشان نروح جاهزين ناويه على العمليه على طول 👶🏼
المهم رحنا الموعد وشافت التحاليل طلع عندي هرمون الحليب مرتفع
واعطتني ادويه واستمري عليها شهر وتعاليني بعدين
ورحت بعد شهر ثاني يوم الدوره وحللت والحمدلله نزل الهرمون وقالت يالله نبدا تنشيط 🙄
خلاص بعد التنشيط نسوي التلقيح الصناعي
انا وزوجي نعم تلقيح لا لا نبغا حقن
قالت ليش تبغون حقن ؟؟
قلنا كذا
قالت عشان غاليه يعني تتوقعو تنجح مثلا
خذي بنصيحتي اول شى اسوي لكم التلقيح وبذن الله تنجح كانت متفائله
قلت طيب بسوى تحليل الصبغه قالت مو لازم !!
خرجت وانا متضايقه ومتردده لني ماقريت عن التلقيح كل السنين الي فاتت اقرى عن الحقن
وتوكلت على الله و اخذت التنشيط اسبوع ابر
وبعدها رحت سويت اشاعة للبويضات 😭
ياني بكيت وصرخت وش ذا التحليل المخيس
ورحت عندها قالت مره البويضات تجنن ممتازه ست 6 ب المبيض اليمين واربع ب المبيض اليسار ثنتين كبيره والباقي باقي صغار (( ماسالت عن الحجم لان ماتذكرت الا لمن خلصت العمليه ماكنت ادري انو لازم اسال كم حجم ))
وقالت الابره تاخذيها الخميس بليل الساعه 11
والعمليه السبت الساعه 1ونص
والحمدلله اخذت الابره التفجيره وعادي ماحسيت بشى
غير يوم السبت مره بالقوه امشى احد بطني يوجعني مره (( يمكن كان توتر)
رحنا من الساعه 11 عشان عينة زوجي
وسلم زوجي العينه كانت ممتازه العدد14مليون صفو ونقلو 10 مليون الحركه 95٪‏
وجاء وقت الممنتضر ي لهوي دخلوني غرفه قالت الممرضه نزلي بنطلون والبسي دا
شى زي البنطلون فيه فتحه للمنطقه المطلوبه((الحمدلله كنت خايفه من التكشف )
وجت وقلت ابغا مسكن مخدر قالت طيب طيب بعطيك
وقلت وينه قالت بحطه ب الحديده الى بتفتحه بها ويسكن الالم انا صدقت 😰
ودخلتها وانا متورته مره وشاده عمري
زوجي كان معاي كنت بكسر ايده من قوة ماني ماسكتها وثانيه وقالت ارتاحي مو شايفه شى ترا
وروقت ودخلت القسطره والابره ماحسيت بها وقالت خلاص خلصنا يستي
انا بالله امانه صدق صدق هههههههههه
قالت وجعك قلت لا ماشى وجع
وصرفت لي تحميله و ابر يومين لمده اسبوعين
والباقي زي ماتعرفو 💃💃🏿💃🏼
معليش ع التطويله واي استفسار حاضر
(( والله يثبت حملي ويرزقكم يارب

انا زيك كذا من يوم 6 والى 15 مره الم واذا تحركت شى بسيط ورجعت انسدح يوووه مره احس بتعب بظهر
يارب يارب يارب انك حامل
حللي يوم 14 من الابره التفجيريه وراح يبان لك

انا الالم من اول يوم تلقيح علشان كذا مره خايفه
يكون كيس ولا شي انا سبق جربت التفجيريه
ماسببتلي كذا وسبق وحملت اعرف الاعراض
بس ما كانت كذا اعراض الحمل عندي
مره متوتره انتظر يوم التحليل اذا مافي شي
على طول باسوي سونار اشوف سبب الالم
انا كنت ابي دكتوره اماني بس للاسف مالقيت عندها موعد سويت عند دكتوره وعد
الله يكتبلي اللي فيه الخير لو مانجحت
على طول بأسوي انابيب لان اخر مره كانت
عينة زوجي مو تمام