تعبت ابكي
الله يفرج همك ويهدي ابوك
ويرزقنا وياك الذرية الصالحه
ياقلبي الواحد يلقاها من وين والا من وين
اذا زوجك كويس لاتتطلقين والله كريم
اذا الله مارزقنا بالدنيا بينفعنا صبرنا بالاخره
والله لايحرمنا الجنه


زوجة سعد
مو مشكله اتعالج برا اذا كنت واثقه من امانه المستشفى الي بتعالج فيه
واهم شي التوكل على رب العالمين


وحده من البنات تسال تقول تعالجتي بالتخصصي { اسفه ياقلبو نسيت اسمك غصب عني والله }
انا من السعوديه بس مشكلة زوجي مالها علاقه بالمستشفيات { مشكلته ماعنده خلايا منتجه للحيونات المنويه }
ماله علاج بالمستشفى سواء حكومي او خاص
الدكتور يقول مالقو لها حل للحين مع ان بعض البنات يقولون فيه
وفيه ازواج تحسنو بس زوجي مدري وش يحس بوه
مشغل نفسه بالشغل وانا الي تعبت نفسيتي بالبيت بروحي
وطول الوقت افكر واوقات ابكي :44:
حتى اقوله اشتر لي مسجل اسمع الرقيه يقول الشهر الي يجي :09:
ادري بتقولون سخيفه عادي اسمعيها بالكمبيوتر اوبالجوال
بس عندي رقيه للشيخ البطي مره شامله قران ودعاء لكل الحالات
ودي اسمعها هي

++ الموجز اليومي ++
اليوم تسالني اختي تقول وش صار على علاجك
انا ماقلت لهم ان المشكله من زوجي
وبعد ماقلت ان المشكله من عندي دايم اذا سالوني اقول الله ماارد ادعولنا
اليوم احرجتني قلت ان الهرمون مرتفع ومعطيني علاج
يارب تفاولت على نفسي والله لايبلاني بس وش اسوي مابي اقول من زوجي
الله اعلم بنيتي :(

ودي اكفل طفل
انا احب البزران مره من زمان
قبل زواجي اذا ولدت امي
اخوي يكون معي طول الوقت اشيله واغير له
حتى انام جنبه واصحى قبل امي اذا صاح باليل :)
متاكده اني اذا اخذته بحبه وبرحمه وبخاف الله فيه
بس كيف بتكون اول الايام
خاصه اذا جيت فيه لاهلي او اهل زوجي وش بيقولون
مابي احد يرحمه لانه يتيم او يدعي على الي جابوه
ابي يتقبلونه كانه لي انا امه ويفرحون مو يحزنون
هذا الي مضايقني :44:

قريبتي كانت تتضايق من حاجه قبل
اذا هاوشت البنت او قالت لها شي كلن يهب
بوجهها وكانها بنتهم :09:
وكلن يتدخل مع انه عادي الام تهاوش بنتها بس لازم يحسسونها انها مو امها الي جابتها :(
كانت تتضايق تقولي كرهت الطلعات
قالت لي يوم استشرتها خوذي لوجه الله ولك الاجر بالدنيا والاخره
يعوضك عن نقصك وتعوضينه عن نقصه بس اهم شي ترضعينه
لاتسوين مثلي

من وين اجيب احد يرضعه :44:

الله يهديني ويشفي زوجي ويرزقنا الذرية الصالحه وكل من يتمنى:(

+ استغفرالله الذي لااله الا هو الحي القيوم واتوب اليه +

يارب ارزقني وبنات حواء بالقريب العاجل
يارب ارحم ضعفنا واجبر كسرنا وارزقنا من حيث لانحتسب
ياكريم يمنان يامن بيده ملكوت كل شي ياعظيم ياجبار يارحمن يارحيم
ارزقنا ولا تحرمنا واعطنا ولا تهنا وارضنا وارض عنا
يارب مايجي رمضان الا احنا حوامل يارب
مابي افطر برمضان :icon33:

اللهم صلي وسلم على نبينا محمد وعلى اله وصحبه اجمعين

بنات بقولكم شي بس لاتضحكون علي :35:
انا اتابع مسلسل سوري قديم
مو عشانه حلو لا
بس فيه وحده مثل حالتنا زوجها عنده الحيونات المنويه صفر
ومره تعذبو :( ماترك مستشفى ولا دكتور ولا اعشاب
بالاخير زادت الحيونات المنويه شوي :icon28: قالو له بنسوي لك التلقيح المجهري لان العدد قليل مايصير حمل طبيعي
ويفرح ويامل زوجته ويسوون العمليه وتفشل :icon33:
ويسونها مره ثانيه وتنجح :icon28:
وربي فرحت كانها انا او ناس حقيقيين :09:
عاد ماحملت الا بالحلقة الاخيره :35:

الله يرزقنا الذريه الصالحه بالقريب العاجل قولو امييين :)
ونفرح احنا وازواجنا مثل الي بالمسلسل :35:

السلام عليكم انا جديدة عليكم وعلى عالم حواء كلو بس حبيت اقول انا نفس مشكلتكم زوجي ماكن عندو الا اثنين او ثلاثة وبعدين اعطاه الدكتور ابر وحبوب الزنك ارتفع وصار اثنين مليون والحين الله يهديه بطل الادوية والدكتور قال انو لازم حقن مجهري بس انا ما ابغى حاتبع طريقة ثانية غير المستشفيات وربنا حايرزقني واياكم ***** الله

لينا ,الشواقة مشكورين حبايبي على ردودكم الله لايحرمنا ويرزقنا عاجلا غير آجل ...تخيلوا عملنا عمليتين تلقيح مجهري بس ربي ما أراد وفشلت السبب على قولة الدكتورة في سمير عباس إنه البويضات ما قبلت الحيوان أبدا سبحان الله ...ومع هذا ما قال أنا أبغى عيال بروح أتزوج وحدة ثانية وتعمل العملية ويمكن تنجح بالعكس بعد ما تطمن على نفسه بعد يأس دام 20 سنه ..قال أنا ما أبغاهم إلا منك وبس ...

لوجي
حياك الله ياقلبو وان شاء الله ماتطولين عندنا :p
يعني ان شاء الله يشفى زوجك وازواجنا كلنا ونطس كلنا لقسم الحوامل :icon28:<== تقول اتحداكم ان فهمتو شي :hahaha:
حبيتي لوجي
اذا العلاج نافع مع زوجك ليه يبطله
حاولي فيه
مافيها شي تستغفرين وتدعين ربك وتستمرين بالعلاج
الله يهدي زوجك ويرزقكم

الله يرزقنا وياكم اجمعين بالذرية الصالحه