السلام عليكم ورحمة الله وبركاته00شخباركم ياحبيبات قلبي؟؟؟ان شاء الله كلكم بخير وبصحه وألف عافيه00شكرا لكل وحده سألت عني واستفقدتني00ويعلم الله اني مثلكم اشتاق لكم وايد00وشكر خاص لاحلى بتوله لأنها قرأت اسمي بين المتواجدين وحبت تعرف أخباري:) أما عن أخر أخباري الحمدلله رب العالمين اطمنت على البيبي وصحتي تمام وألف حمد وشكر لله00بس ماسوتلي ألتراساوند هالمره بس شافت النبض وكان ماشاء الله النبض زين 00وسولي تحليل السكر اللي على أربع مرات والحمدلله 00مادري شو من خبال حل علي وكلت حلاوه قبل تحليل العشا وطلعت النتيجه ان السكر مرتفع جدا:icon33: وجالولي لازم تحليل ثاني بكره عشان نتأكد ان سبب ارتفاع السكر هو سندويشة النوتيلا وتميت لثاني يوم ماكلت ولا شي مسكر والحمدلله النتيجه طلعت ايجابيه والمعدل طبيعي :) 00طلبت من دكتورتي المره اليايه أسوي الأشعه الرباعيه لأن خاطري أشوف حركات البيبي وملامح شكله وبصراحه ماقصرت ويزاها الله ألف خير00كانت هالمره دكتوره عراقيه وحبوبه00المهم يابنات طلعت من عندها وأنا فرحانه 00ارتحت من تحليل السكر كان يوم متعب للغايه:( موعدي بعد ثلاث أسابيع ان شاء الله00شكرا مره ثانيه لكل خواتي الغاليات اللي سألوا عني والله يوفقكم كلكم يارب وينولكم اللي في بالكم ويفرحكم باذنه سبحانه وتعالى000
السلام عليكم ورحمة الله وبركاته00شخباركم ياحبيبات قلبي؟؟؟ان شاء الله كلكم بخير وبصحه وألف...
انتي الحين لوين رسيتي إن شاء الله ومتى بتطلعين