مساااكم عسل ..
جوانا .. ياسلااام عليك شهيه البيتزا .. بس عاد كان قلتيلي عشان ما اتعشى :42:
احلام عذبه ..
هلا فيك وش اخبارك ؟؟ من زمان مالتقيت معك :)
وش اخبار حملك بدا الثقل .. الله يتمملك يارب وييسر لك كل عسير .
ام ناصر ..
الحمد لله اللي ماطولت غيبتك والله ان التجمع بدونك مافيه روح كلامك دايم يريحني ويججد الامل عندي والله يحفظك ويسعدك يارب .
بقولكم مشكلتي الحمد لله على كل حال :(
طبعا زوجي سوا تحليل مرتين قبل كذا وكان دايم الدكتور يطمنه ويقول اللي عندك مشكله بسيطه ويعطيه ابر وفيتامينات المره هذي غير الدكتور وسوا تحليل قبل يومين والنتيجه عنده دوالي في حاله متقدمه ولاااازم عمليه والدكتور هذا استغرب كيف الدكتور الاول ماشافها مع انها موجوده من زمان واتضح ان الدكتور الاول دكتور جلديه ومسالك بوليه ولا له اي علاقه بالتناسليه حسبنا الله ونعم الوكيل وقاله الدكتور ان الابر اللي كنت تاخذها مضره ولا تنوخذ الا في الحالات الصعبه ..
واحتمال زوجي يسوي عمليه خلال هالاسبوع وهذا اللي مضايقني :( خايفه عليه من العمليه ..
وهو الله يهديه قعد يقولي بكتبلك ورقه واذا صار فيني شي اقريها انا قلتله ان العمليه سهله جدا بس هو يقول انها تخدير كامل والحين ياكثر اللي مايصحون بعد العمليه بسبب البنج ..
والله اني متضايقه واحيانا اقول ما ابيه يسويها ما ابي عيال يكفيني هو .. بس هو مصر يسويها .
والله اني محتاره ومتضاااايقه ,

العامريه حياج معانا اختي00والله ترى تجمعنا كله حب والفه وتفاؤل00اختي ماعليج من الدكاتره وكلامهم 00تراهم مرات يغفلون عن رحمة الله الكبيره00ويحسبون اعمارهم يعرفون كل شي00جنهم مايدرون ان اللي يعطي ويحرم هو الله عز وجل000أنا أستغرب منهم دايما يحبطون الناس ويظيجون خواطرهم بكلام ماله معنى00مع ان دورهم اللي لازم يأدونه هو عكس هالشي00؟؟؟ماعليج منهم اختي وباذن الله وحده راح تحملين من غير أدويه أو علاجات00دام الواحد الاحد كتبلج الحمل ال طبيعي من قبل قادر سبحانه وتعالى انه يرزقج بأي لحظه00

العامريه .. ياهلا فيك اخت عزيزه وغاليه .. الحمد لله تجمعنا هذا كله خير ومحبه في الله ..
والله ان البنات هنا صاروا زي خواتي ما اصبر عنهم وبالعكس اقولهم اشياء مستحيل اقولها لأحد غيرهم الله يجمعنا على محبته في الدنيا وفي مستقر رحمته في الاخره .
صادقه ونعم بالله هو الوهاب الرزاق ,, بس انتي وش الاسباب اللي بذلتيها لمعالجة الضعف عندك يعني اخذتي اعشاب طبيعيه ؟

هلا فيج ياعقد ألماس00الحمدلله أنا بخير والبيبي بخير وبصحه جيده00حبيبتي الدوالي لازم يبالها عمليه والله يكون في عونج00بس لاتخافين ترى وايد ناس يسونها00توكلي على رب العالمين00ولاتخلين وساوس الشيطان تبعدج عن رحمة الله00اختي ماعليج من كلام زوجج وصدقيني أي حد يدخل العمليات قبل البنج تيه حاله تخليه يحزن على نفسه ويرتجي رحمة ربه00اجمدي وكوني معاه وهوني عليه وصبريه00لما يقولج مثل هالكلام طنشيه00ان شاء الله ساعات وتعدي على خير00الله يقومه بالسلامه يارب وتشوفينه بأحسن حال00

احلام عذبه الحمدلله اناوالده من شهور بس هذا جاء بعد موت الاول في الشهر الثامن وبعد تعب شديد من الحمل وكان معاي سكر حمل مادريت عنه هو سبب موت الاول